ମୁମ୍ବାଇ: ବଲିଉଡ କିଙ୍ଗ ଖାନ ବେଶ କିଛି ଦିନର ବ୍ରେକ ପରେ ପୁଣିଥରେ ବଡ ପରଦାକୁ ଫେରୁଛନ୍ତି । ଏଥିପାଇଁ ସେ ପୁରାପୁରି ପ୍ରସ୍ତୁତ ହୋଇଗଲେଣି । ଶାହାରୁଖ ଖାଁ ତାଙ୍କ ନୂଆ ଫିଲ୍ମ ‘ପଠାନ’ରେ ଦୀପିକା ପାଦୁକୋନ ଓ ଜନ ଅବ୍ରାହମଙ୍କ ସହ ଦେଖାଦେବେ । ଶାହାରୁଖ ଯେବେଠାରୁ ‘ପଠାନ’ର ମୋଶନ ପୋଷ୍ଟର ସୋସିଆଲ ମିଡିଆରେ ଶେୟାର କଲେଣି ସେବେଠାରୁ ୨୦୨୩ର ସବୁଠାରୁ ମଚ ଆୱେଟେଡ ଫିଲ୍ମରୁ ଗୋଟିଏ ହୋଇଗଲାଣି ‘ପଠାନ’ । ଜିରୋ ପରେ ଶାହାରୁଖଙ୍କ ଏହା ପ୍ରଥମ ଫିଲ୍ମ । ଶାହାରୁଖଙ୍କ ପରେ ଏବେ ଫିଲ୍ମରେ ଜନ ଅବ୍ରାହମଙ୍କ ଫାଷ୍ଟ ଲୁକ ସାମ୍ନାକୁ ଆସିଛି । ଜନ ତାଙ୍କ ଫିଲ୍ମର ମୋଶନ ପୋଷ୍ଟରରେ ଖୁବ୍ ହ୍ୟାଣ୍ଡସମ ଲାଗୁଛନ୍ତି । ଆଉ ତାଙ୍କର ଏହି ଲୁକ୍ ପ୍ରଶଂସକଙ୍କୁ ଖୁବ୍ ପସନ୍ଦ ଆସୁଛି ।
ସୂଚନାଯୋଗ୍ୟ, ଶାହାରୁଖ ଖାଁ, ଦୀପିକା ପାଦୁକୋନ ଓ ଜନ ଅବ୍ରାହମଙ୍କ ଫିଲ୍ମ ସିନେମା ହଲରେ ନିଆଁ ଲଗାଇବାକୁ ପ୍ରସ୍ତୁତ ହୋଇ ଗଲାଣି । ଏଥିରେ ଅଭିନେତାଙ୍କ ଲୁକ ଦର୍ଶକଙ୍କ ହୋସ୍ ଉଡାଇ ଦେଇଛି । ୟଶ ରାଜ ଫିଲ୍ମସ୍ ଏବେ ଆକ୍ସନ ଷ୍ଟାରଙ୍କ ଏକ ପୋଷ୍ଟର ରିଲିଜ କରିଛି ଯାହାକୁ ଦେଖି ଫ୍ୟାନ୍ସ ଫିଦା ହୋଇଯାଇଛନ୍ତି । ଜନଙ୍କୁ କେବେ ଦେଖି ନ ଥିବା ଅବତାରରେ ଦର୍ଶକେ ଏହି ଫିଲ୍ମରେ ଦେଖିବାକୁ ପାଇବେ । ସେଥିପାଇଁ ‘ପଠାନ’କୁ ଦର୍ଶକେ ଉତ୍ସୁକତାର ସହ ଅପେକ୍ଷା ରଖିଛନ୍ତି । ଏହାର ନିର୍ଦ୍ଦେଶନା ଦେଇଛନ୍ତି ସିଦ୍ଧାର୍ଥ ଆନନ୍ଦ । ସିନେମାଟି ୨୫ ଜାନୁୟାରୀ ୨୦୨୩ରେ ରିଲିଜ ହେବାକୁ ପ୍ରସ୍ତୁତ ହୋଇ ଗଲାଣି ।
