ଆମେରିକାର ରାଷ୍ଟ୍ରପତି ଭାବେ ବିଜୟୀ ଲାଭ କରିଛନ୍ତି ଜୋ ବାଇାଡେନ। ଡୋନାଲ୍ଡ ଟ୍ରମ୍ପଙ୍କୁ ପରାସ୍ତକରି ସେ ଏହି ସଫଳତା ପାଇଛନ୍ତି। ତାଙ୍କର ବିଜୟ ସହିତ ସ୍ତ୍ରୀ ଡକ୍ଟର ଜିଲ ବାଇଡେନ ଆମେରିକାର ପ୍ରଥମ ଲେଡି ହୋଇଛନ୍ତି। ସେ ମେଲିନିଆ ଟ୍ରମ୍ପଙ୍କ ସ୍ଥାନ ନେଇଛନ୍ତି। ୪୩ ବର୍ଷ ପୂର୍ବେ ବିବାହ ବନ୍ଧନରେ ବାନ୍ଧି ହୋଇଥିଲେ ଜୋ ବାଇଡେନ ଓ ଡ. ଜିଲ। ତେବେ ଏହି ଦମ୍ପତିଙ୍କ ପ୍ରେମ କାହାଣୀ ବହୁତ ଚର୍ଚ୍ଚାରେ ରହିଥିଲା। ବିବାହ ପୂର୍ବରୁ ଜୋ ସ୍ତ୍ରୀଙ୍କୁ ୫ ଥର ପ୍ରେମ ନିବେଦନ କରିଥିଲେ। ପ୍ରତିଥର ଜିଲଙ୍କଠାରୁ ତାଙ୍କ ନିରାଶ ହେବାକୁ ପଡ଼ୁଥିଲା। ଶେଷରେ ଜିଲଙ୍କ ହୃଦୟ ତରଳିଥିଲା ଓ ସେ ବିବାହ ପାଇଁ ହଁ କରିଥିଲେ।
ଜୋ ବାଇଡେନ ଏବଂ ଜିଲ ଉଭୟଙ୍କ ଏହା ହେଉଛି ଦ୍ୱିତୀୟ ବିବାହ। ୧୯୭୨ ମସିହାରେ ଏକ କାର ଦୁର୍ଘଟଣାରେ ଜୋ ତାଙ୍କର ପ୍ରଥମ ସ୍ତ୍ରୀ ଏବଂ ଗୋଟିଏ ପୁଅକୁ ହରାଇଥିଲେ। ସେହିପରି ଜିଲ ମଧ୍ୟ ତାଙ୍କ ସ୍ବାମୀଙ୍କ ଠାରୁ ଛାଡପତ୍ର ନେଇଥିଲେ। ବାଇଜେନ ଜିଲଙ୍କୁ ଦେଖିବା ପରେ ତାଙ୍କ ପ୍ରେମରେ ପଡ଼ିଯାଇଥିଲେ। ତାଙ୍କୁ ବିବାହ ପାଇଁ ପ୍ରସ୍ତାବ ଦେଇଥିଲେ। ବାଇଡେନ ଜିଲଙ୍କୁ ୫ ଥର ବିବାହ ପାଇଁ ପ୍ରସ୍ତବ ଦେବା ପରେ ଜିଲ ରାଜି ହୋଇଥିଲେ। ୧୯୭୭ରେ ସେମାନେ ବିବାହ କଲେ। ୨୦୧୨ ମସିହାରେ ଏକ ସାକ୍ଷାତକାରରେ ଜିଲ ଏହିକଥା କହିଥିଲେ। ଏହି ଦମ୍ପତି ହନିମୁନ୍ରେ ନିଜ ପୁଅକୁ ସାଙ୍ଗରେ ନେଇଥିଲେ। ଜିଲଙ୍କୁ ବିବାହ ପରେ ୧୯୮୧ରେ ତାଙ୍କ ଝିଅ ଆଶଲେ ଜନ୍ମଗ୍ରହଣ କରିଥିଲେ। ଝିଅ ଜନ୍ମପରେ ପରିବାର ପୂରଣ ହେଲା ବୋଲି ବାଇଡେନ କୁହନ୍ତି।
