ନୂଆଦିଲ୍ଲୀ,୧୪।୨: ଦୁଇଟି ବଡ଼ OTT ପ୍ଲାଟଫର୍ମ Jio Cinema ଏବଂ Disney Plus Hotstar ଏବେ ଗୋଟିଏ ହୋଇଗଲେଣି। JioHotstar ଏକ ସୁଲଭ OTT ପ୍ଲାଟଫର୍ମ ପାଲଟିଛି। ଏହା କହିବା ଭୁଲ ହେବ ନାହିଁ ଯେ Jio ଏବଂ Hotstarର ଏକାଠି ହୋଇ ଅନ୍ୟ OTT ପ୍ଲାଟଫର୍ମଗୁଡ଼ିକୁ ପରାସ୍ତ କରିବାକୁ ଯାଉଛି। ଜିଓ ହଟଷ୍ଟାରର ମାସିକ ସବସ୍କ୍ରିପସନ୍ ବହୁତ କମ୍ ହାରରେ ପ୍ରଦାନ କରାଯାଉଛି।
JioHotstar Plans Price: ପ୍ଲାନଗୁଡ଼ିକର ମୂଲ୍ୟ କେତେ?
ମୋବାଇଲ ପ୍ଲାନ୍: ପ୍ଲାନ୍ ବିଷୟରେ ସୂଚନା Jio Hotstar ଆପ୍ରେ ଦିଆଯାଇଛି, କମ୍ପାନୀର ସବୁଠାରୁ ଶସ୍ତା ପ୍ଲାନ୍ ମୋବାଇଲ ଉପଭୋକ୍ତାଙ୍କ ପାଇଁ ରହିଛି। ଗୋଟିଏ ଡିଭାଇସ୍ରେ କାମ କରୁଥିବା ପ୍ଲାନ୍ ତିନି ମାସ ପାଇଁ ୧୪୯ ଟଙ୍କାରେ ପ୍ରଦାନ କରାଯାଉଛି। ଅର୍ଥାତ ପ୍ରତି ମାସ ୫୦ ଟଙ୍କାରେ (୩୦ ଦିନ ପାଇଁ ଦୈନିକ ଖର୍ଚ୍ଚ ୧.୬୬ ଟଙ୍କା) ଆପଣଙ୍କୁ ୭୨୦ ପିକ୍ସେଲ ରିଜୋଲ୍ୟୁସନ ସହିତ ଏକ ପ୍ଲାନ ମିଳିବ।
ହେଲେ ଧ୍ୟାନ ରଖନ୍ତୁ ଏହି ଯୋଜନାରେ ଆପଣଙ୍କୁ ଭିଡିଓ ଦେଖିବା ସମୟରେ ମଝିରେ ବିଜ୍ଞାପନ ଦେଖିବାକୁ ପଡିବ। ଯଦି ଆପଣ ଏହି ପ୍ଲାନ୍ ଗୋଟିଏ ବର୍ଷ ପାଇଁ କିଣିବେ, ତେବେ ଆପଣଙ୍କୁ ୪୯୯ ଟଙ୍କା ଖର୍ଚ୍ଚ କରିବାକୁ ପଡିବ, ଅର୍ଥାତ୍ ମାସିକ ଖର୍ଚ୍ଚ କେବଳ ୪୨ ଟଙ୍କା ହେବ।
ସୁପର୍ ଟିଭି ପ୍ଲାନ୍: ଏହି ଜିଓ ହଟଷ୍ଟାର୍ ପ୍ଲାନ ୨୯୯ ଟଙ୍କାରେ ତିନି ମାସ ପାଇଁ ଉପଲବ୍ଧ, ଯାହାର ଅର୍ଥ ହେଉଛି ମାସିକ ଖର୍ଚ୍ଚ ୧୦୦ ଟଙ୍କା ହେବ। ଏହି ଯୋଜନାଟି ୧ ବର୍ଷ ପାଇଁ ୮୯୯ ଟଙ୍କାରେ ଉପଲବ୍ଧ ହେବ। ଅର୍ଥାତ ଗୋଟିଏ ମାସର ଖର୍ଚ୍ଚ ୭୫ ଟଙ୍କା ହେବ। ଏହି ଯୋଜନା ସହିତ ଆପଣ ୨ଟି ଡିଭାଇସ୍ରେ (ଟିଭି, ମୋବାଇଲ କିମ୍ବା ଲାପଟପ୍) ୧୦୮୦ ପିକ୍ସେଲ ରିଜୋଲ୍ୟୁସନ କଣ୍ଟେଣ୍ଟ ଦେଖିପାରିବେ। ଧ୍ୟାନ ଦେବାର କଥା ହେଉଛି ଏହି ଯୋଜନାଟି ବିଜ୍ଞାପନ ମୁକ୍ତ ନୁହେଁ, ଅର୍ଥାତ୍ ଆପଣଙ୍କୁ ଭିଡିଓ ମଧ୍ୟରେ ବିଜ୍ଞାପନ ଦେଖିବାକୁ ପଡିବ।
JioHotstar Premium: ଏହି ୩ ମାସର ପ୍ଲାନର ମୂଲ୍ୟ ୪୯୯ ଟଙ୍କା, ଅର୍ଥାତ ଏହି ପ୍ଲାନ୍ ପାଇଁ ମାସିକ ୧୬୬ ଟଙ୍କା ଖର୍ଚ୍ଚ ହେବ। ଯଦି ଆପଣ ଏହି ପ୍ଲାନ୍ ଗୋଟିଏ ବର୍ଷ ପାଇଁ କିଣନ୍ତି, ତେବେ ଆପଣଙ୍କୁ ୧୪୯୯ ଟଙ୍କା ଖର୍ଚ୍ଚ କରିବାକୁ ପଡିବ, ଅର୍ଥାତ ମାସିକ ଖର୍ଚ୍ଚ ୧୨୫ ଟଙ୍କା ହେବ। ଏହି ଯୋଜନାରେ ୪ଟି ଡିଭାଇସ (ଟିଭି, ଲାପଟପ୍, ମୋବାଇଲ) କୌଣସି ବିଜ୍ଞାପନ ନାହିଁ, ଡଲବି ଭିଜନ୍ ଏବଂ ୪K ରିଜୋଲ୍ୟୁସନ କଣ୍ଟେଣ୍ଟ ଉପଲବ୍ଧ ରହିବ।
Netflix ଯୋଜନା ମୂଲ୍ୟ:
ଯଦି ଆମେ Netflixର ସବୁଠାରୁ ଶସ୍ତା ପ୍ଲାନ ବିଷୟରେ କଥା ହେବା, ତେବେ ଏହାର ସବୁଠାରୁ ଶସ୍ତା ମାସିକ ପ୍ଲାନ ମଧ୍ୟ ୧୪୯ ଟଙ୍କା, ଏହି ପ୍ଲାନର ଦୈନିକ ମୂଲ୍ୟ ୩୦ ଦିନ ପାଇଁ ୪.୯୬ ଟଙ୍କା ହେବ। କମ୍ପାନୀ ଏହି ମୂଲ୍ୟରେ ମୋବାଇଲ ପ୍ଲାନ ପ୍ରଦାନ କରେ।
JioCinema ବ୍ୟବହାରକାରୀଙ୍କ ପ୍ରତି କ’ଣ ହେବ?
ଯଦି ଆପଣଙ୍କ ମନରେ ଏହି ପ୍ରଶ୍ନ ଘୁରି ବୁଲୁଛି ଯେ ଜିଓ ସିନେମା ବ୍ୟବହାର କରୁଥିବା ଉପଭୋକ୍ତାଙ୍କ ଅବସ୍ଥା କ’ଣ ହେବ, ତେବେ ଆମେ ଆପଣଙ୍କୁ କହି ରଖୁଛୁ ଯେ ଜିଓ ସିନେମା ବ୍ୟବହାରକାରୀଙ୍କୁ ଜିଓ ହଟଷ୍ଟାର ଆପକୁ ରି ଡାଇରେକ୍ଟ କରାଯାଉଛି।
