ପ୍ରତିଦିନ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହେଉଛି। ବର୍ତ୍ତମାନ ଏପରି ଏକ ଭିଡିଓ ଭାଇରାଲ ହୋଇଛି ଯାହାକୁ ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ। ଏକ ଜେସିବି ମେଶିନ ଦେବଦୂତ ସାଜି ୩ ଜଣ ଯୁବକଙ୍କ ଜୀବନକୁ ବଞ୍ଚାଇଛି।
ଭିଡିଓରେ ଦେଖାଯାଇଛି, ଗୋଟିଏ କାର ଗଭୀର ପାଣି ଭିତରେ ଫସି ରହିଛି। ଏହି କାର ଉପରେ ତିନି ଜଣ ବ୍ୟକ୍ତି ରହିଛନ୍ତି। ପାଣିର ସ୍ରୋତ ଏତେ ପ୍ରଖର ରହିଛି ଯେ କାରଟି କେଉଁ ମୂହୁର୍ତ୍ତରେ ଭାସିଯିବ ତାହା କେହି କହିପାରିବେ ନାହିଁ। କାର ଉପରେ ଫସି ରହିଥିହା ଏହି ୩ ବ୍ୟକ୍ତି ବଞ୍ଚିବା ପାଇଁ ଜୀବନ ସହ ସଂଗ୍ରାମ କରୁଛନ୍ତି। ଠିକ ସେହି ସମୟରେ ଏକ ଜେସିବି ମେଶିନ ଆସି ଫସି ରହିଥିବା ୩ ଯୁବକଙ୍କୁ ସେଠାରୁ ସୁରକ୍ଷିତ ଭାବେ ଉଦ୍ଧାର କରି ନେଉଛି। ଏହି ଭିଡିଓ କେବେର ଏବଂ କେଉଁଠିକାର ଜଣାପଡିନାହିଁ। ମାତ୍ର ଏହି ଭିଡିଓଟି ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି।
