ମୁମ୍ବାଇ: ନିକଟରେ ପିତାଙ୍କ ଜନ୍ମଦିନ ପାଳନ କରିବାକୁ ଦୁବଇ ବୁଲି ଯାଇଥିବା ଜାହ୍ନବୀ କପୁର ଏବେ ସୋସିଆଲ ମିଡିଆରେ ଛାଇ ଯାଇଛନ୍ତି । କିଛିଦିନ ତଳେ ଭଉଣୀ ଖୁସି କପୁରଙ୍କ ସହ ମରୁଭୂମୀରେ ବୁଲୁଥିବାର କିଛି ଫଟୋ ବଲିଉଡ୍ ନାୟିକା ଜାହ୍ନବୀ କପୁର ସୋସିଆଲ ମିଡିଆରେ ଶେୟାର କରିଥିଲେ । ଯାହା ତାଙ୍କ ପ୍ରଶଂସକଙ୍କୁ ବେଶ୍ ଭଲ ଲାଗିଥିଲା । ଏହାପରେ ଉଭୟ ପିତା ବୋନି କପୁରଙ୍କ ସହ ଦୁବଇରେ ଥିବା ଜଣାପଡିଥିଲା । ଆଉ ଏବେ ଜାହ୍ନବୀ ଲସ ଆଞ୍ଜେଲସରେ ମସ୍ତି କରୁଥିବା ଦେଖାଯାଇଛି । ଏହି ଖବର ନିଜେ ଜାହ୍ନବୀ ଦେଇଛନ୍ତି । ସୋସିଆଲ ମିଡିଆରେ କିଛି ଫଟୋ ଶେୟାର କରିଛନ୍ତି ଅଭିନେତ୍ରୀ । ଯେଉଁଥିରେ ସେ ଲସ ଆଞ୍ଜେଲସ ରାସ୍ତାରେ ମସ୍ତି କରୁଥିବା ଦେଖାଯାଇଛି । ବ୍ଲାକ ଆଉଟଫିଟ ସହ ମ୍ୟାଚିଙ୍ଗ ଜୋତା ତା’ ସାଙ୍ଗକୁ ବ୍ଲାକ ପ୍ରିଣ୍ଡ ପର୍ସରେ ଖୁବ୍ ସୁନ୍ଦର ଲାଗୁଛନ୍ତି ଏହି ଷ୍ଟାର କିଡ । ତାଙ୍କର କିଛି ଫଟୋରେ ଖୁବ୍ ଇନୋସେଣ୍ଟ ନଜର ଆସିଛନ୍ତି ଜାହ୍ନବୀ । ଆଉ ଏଇଥିପାଇଁ ସେ ଦର୍ଶକଙ୍କ ହୃଦୟରେ ଖୁବ ଶୀଘ୍ର ପହଞ୍ଚି ପାରନ୍ତି ବୋଲି କୁହାଯାଏ ।
