ତିରୁପତି,୨୬ ।୧୧: ଭାରତୀୟ ମହାକାଶ ଗବେଷଣା ସଂସ୍ଥା(ଇସ୍ରୋ) ନିକଟରେ ସ୍ୱଦେଶୀ ମିଶନକୁ ଲଞ୍ଚ କରି ଇତିହାସ ରଚିବା ପରେ ଏହାର ପରବର୍ତ୍ତି ମିଶନ ପିଏସଏଲଭି-ସି୫୪/ଇଓଏସ-୦୬ ପାଇଁ ପ୍ରସ୍ତୁତ ହୋଇସାରିଛି । ଏହାର କାଉଣ୍ଟଡାଉନ ଏବେ ଆରମ୍ଭ ହୋଇଯାଇଛି । ଏହି ମିଶନ ଅଧିନରେ ଇସ୍ରୋ ଓଶନସାଟ ସିରିଜର ୩ୟ ସଂସ୍କରଣର ସାଟେଲାଇଟ ଓଶନସାଟ-୩ ସାଟେଲାଇଟ ସହ ୮ଟି ନାନୋ ଉପଗ୍ରହ ଉତକ୍ଷେପଣ କରୁଛି । ଏହି ମିଶନ ଶନିବାର (୨୬ ନଭେମ୍ବର) ସକାଳ ୧୧ଟା ୪୬ରେ ଶ୍ରୀହରିକୋଟାର ଉତକ୍ଷେପଣ କରାଯିବ । ଏହାର ୨୫ ଘଣ୍ଟିଆ କାଉଣ୍ଟ ଡାଉନ ଶୁକ୍ରବାର(୨୫ ନଭେମ୍ବର) ସକାଳ ୧୦ଟା ୪୬ରୁ ଆରମ୍ଭ ହୋଇଛି ।
ମିଶନର ପ୍ରାଥମିକ ପେଲୋଡ ଓଶନସାଟ ସିରିଜର ଥାର୍ଡ ଜେନେରେଶନ ସାଟେଲାଇଟ ହେଉଛି ଓଶନସାଟ-୩ । ଓଶନସାଟ ସିରିଜର ସାଟେଲାଇଟ ଅର୍ଥ ଅବଜରଭେଶନ ସାଟେଲାଇଟ, ଯାହା ସମୁଦ୍ର ବିଜ୍ଞାନ ଓ ବାୟୁମଣ୍ଡଳୀୟ ଅଧ୍ୟୟନ ପାଇଁ ସମର୍ପିତ । ଏହା ବ୍ୟତୀତ ଏହି ସାଟେଲାଇଟ ସମୁଦ୍ର ପାଣିପାଗର ପୂର୍ବାନୁମାନ କରିବାର କ୍ଷମତା ରଖିଛି, ଯାହାଦ୍ୱାରା ଦେଶ ଯେ କୌଣସି ପ୍ରକାର ଘୂର୍ଣ୍ଣିବଳୟକୁ ନେଇ ପୂର୍ବରୁ ପ୍ରସ୍ତୁତ ରହିବ । ଏହି ସିରିଜର ପ୍ରଥମ ଉପଗ୍ରହ ଓଶନସାଟ-୧ ମେ ୨୬ ୧୯୯୯ରେ ଲଞ୍ଚ କରାଯାଇଥିଲା ।
