ୱାଶିଂଟନ,୨୪।୧୦: ଇସ୍ରାଏଲ ଏବଂ ହମାସ ଯୁଦ୍ଧ ଦିନକୁ ଦିନ ଜଟିଲ ହେବାରେ ଲାଗିଛି। ଅନ୍ୟପକ୍ଷେ ଯୁଦ୍ଧ ଉପରେ ସମଗ୍ର ବିଶ୍ୱ ଅନେଇ ବସିଥିବା ବେଳେ ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମା ଇସ୍ରାଏଲକୁ ସତର୍କ କରିଛନ୍ତି। ଗାଜାରେ ଇସ୍ରାଏଲର କାର୍ଯ୍ୟକଳାପର ସମ୍ଭାବ୍ୟ ପରିଣାମ ବିଷୟରେ ପୂର୍ବତନ ରାଷ୍ଟ୍ରପତି ଓବାମା ଚେତାବନୀ ଦେଇଛନ୍ତି। ଗାଜାକୁ ଖାଦ୍ୟ ଏବଂ ଜଳ ସଂଯୋଗ କାଟିବା ପାଲେଷ୍ଟାଇନର ମନୋଭାବକୁ ପରିବର୍ତ୍ତନ କରିପାରେ ବୋଲି ସେ କହିଛନ୍ତି।
ଓବାମା ସୋମବାର ଏକ ବିବୃତ୍ତି ଜାରି କରି ହମାସଙ୍କ ଆକ୍ରମଣକୁ ନିନ୍ଦା କରିବା ସହ ଇସ୍ରାଏଲ ନିଜକୁ ରକ୍ଷା କରିବାର ଅଧିକାରକୁ ସମର୍ଥନ କରୁଥିବା ବେଳେ ଏଭଳି ଯୁଦ୍ଧରେ ସାଧାରଣ ନାଗରିକଙ୍କ ପ୍ରତି ବିପଦ ଥିବା ନେଇ ଚେତାବନୀ ଦେଇଛନ୍ତି।
