ବାସୁଦେବପୁର, ୨୯।୧ (ଡି.ଏନ.ଏ.) ଭଦ୍ରକ ଜିଲା ବାସୁଦେବପୁର ବ୍ଲକ ଅଧୀନ ନୂଆଗାଁ ପଞ୍ଚାୟତରେ ରିଟେଲର କିରୋସିନ ବଣ୍ଟନରେ ଅନିୟମିତତା କରିଥିବା ଅଭିଯୋଗ ହୋଇଛି। ଏହାର ପ୍ରତିବାଦରେ ହିତାଧିକାରୀମାନେ ଗୁରୁବାର ସନ୍ଧ୍ୟାରେ କଣ୍ଟ୍ରୋଲ ଦୋକାନ ଆଗରେ ହୋହଲ୍ଲା କରିଥିଲେ। ଫଳରେ କିରୋସିନ ବଣ୍ଟନକୁ ବନ୍ଦ ରଖାଯାଇଥିଲା। ହିତାଧିକାରୀଙ୍କ ଅଭିଯୋଗ ଅନୁଯାୟୀ, ରିଟେଲର ତା ୨୨ା୧୦ା୨୧ ରିଖରେ ୧୫୫୦ ଲିଟର, ୨୩।୧୦ା୨୧ରେ ୩୯୫ ଲିଟର ମୋଟ ୧୯୪୫ ଲିଟର କିରୋସିନ ଉଠାଣ କରିଥିଲେ। ନଭେମ୍ବର ଓ ଡିସେମ୍ବରର ଏହି କୋଟା ତେଲ ଉଠାଣ କରିଥିଲେ ମଧ୍ୟ କେତେକ ହିତାଧିକାରୀଙ୍କୁ ଉକ୍ତ ଦୁଇ ମାସର ଦେଇ ନାହାନ୍ତି। ଜାନୁୟାରୀର ୯୬୮ ଲିଟର କିରୋସିନ ଉଠାଣ କରି ଗୁରୁବାର ସେ ବଣ୍ଟନ କରୁଥିଲେ। ପୂର୍ବ ଦୁଇମାସର କିରୋସିନ ନେବାକୁ କେତେକ ହିତାଧିକାରୀ ଜିଦ୍ ଧରିବାରୁ ଏହି ବିବାଦ ଉପୁଜିଥିଲା। ଏ ସମ୍ପର୍କରେ ରିଟେଲର ଉମାକାନ୍ତ ଦାସଙ୍କୁ ଫୋନ ମାଧ୍ୟମରେ ପଚାରିବାରୁ ୩ ମାସର କିରୋସିନ ଠିକ୍ ଭାବେ ସେ ବଣ୍ଟନ କରିଛନ୍ତି। ଏହି କିରୋସିନର ପରିମାଣ ମଧ୍ୟ ହିତାଧିକାରୀଙ୍କ ଖାତାରେ ପଡ଼ିଛି। ତାଙ୍କୁ ବଦ୍ନାମ କରିବାକୁ ଏହା ଏକ ଷଡ଼ଯନ୍ତ୍ର ବୋଲି ସେ କହିଛନ୍ତି। ଯୋଗାଣ ଅଧିକାରୀ ଅଜୟ ଦାସ ଘଟଣାର ଅନୁଧ୍ୟାନ କରାଯାଉଥିବା ପ୍ରକାଶ କରିଛନ୍ତି।
