ଚେନ୍ନାଇ,୪।୩ : ଚେନ୍ନାଇ ସୁପର କିଙ୍ଗ୍ସ (ସିଏସ୍କେ)ର ଅଧିନାୟକ ମହେନ୍ଦ୍ର ସିଂ ଧୋନୀ ବୁଧବାର ରାତିରେ ତାମିଲନାଡୁର ରାଜଧାନୀରେ ପହଞ୍ଚିଛନ୍ତି। ଆଗାମୀ ଆଇପିଏଲ ଲାଗି ଧୋନୀଙ୍କ ଦଳ ଆସନ୍ତା ୯ ତାରିଖରୁ ଟ୍ରେନିଂ କ୍ୟାମ୍ପ ଆରମ୍ଭ କରିପାରେ। ସେ ଏଠାରେ ୫ ଦିନିଆ କ୍ୱାରେଣ୍ଟିନରେ ରହିବେ। ଚେନ୍ନାଇ ଫ୍ରାଞ୍ଚାଇଜ ତା’ର ଅଫିସିଆଲ ଟୁଇଟର ପେଜରେ ବିମାନ ବନ୍ଦରରେ ଧୋନୀଙ୍କ ଫଟୋ ଶେୟାର କରିଛି। ଧୋନୀଙ୍କ ବ୍ୟତୀତ ପୂର୍ବତନ ଭାରତୀୟ ବ୍ୟାଟ୍ସମ୍ୟାନ ଅମ୍ବାତି ରାୟୁଡୁ ମଧ୍ୟ ଚେନ୍ନାଇରେ ପହଞ୍ଚିଛନ୍ତି। ତାମିଲ ନାଡୁର ଖେଳାଳିମାନେ ପରବର୍ତ୍ତୀ ସମୟରେ କ୍ୟାମ୍ପରେ ଯୋଗଦେବେ।
ସିଏସ୍କେ ଦଳର କ୍ୟାମ୍ପ ୯ ତାରିଖରୁ ଆରମ୍ଭ ହୋଇପାରେ। ଅନ୍ତର୍ଜାତୀୟ କ୍ରିକେଟ ଖେଳୁ ନ ଥିବା ଖେଳାଳିମାନେ ଏହି କ୍ୟାମ୍ପରେ ଯୋଗଦେବେ। ଟ୍ରେନିଂ ଆରମ୍ଭ କରିବା ପୂର୍ବରୁ ଖେଳାଳିମାନଙ୍କୁ ୫ ଦିନିଆ କ୍ୱାରେଣ୍ଟିନରେ ରଖାଯିବ। ୩ ଥର ନେଗେଟିଭ ରିପୋର୍ଟ ଆସିବା ପରେ ସେମାନେ ଟ୍ରେନିଂ କ୍ୟାମ୍ପରେ ଭାଗ ନେଇପାରିବେ ବୋଲି ଫ୍ରାଞ୍ଚାଇଜ ସିଇଓ କେ. ଏସ୍. ବିଶ୍ୱନାଥନ କହିଛନ୍ତି।
