ୟୁଏଇ,୨୮।୯: ରାଜସ୍ଥାନ ବିପକ୍ଷ ମ୍ୟାଚ ସମୟରେ ସନରାଇଜର୍ସ ହାଇଦ୍ରାବାଦ ଖେଳୁଥିବା ଏକାଦଶରେ ଡେଭିଡ ୱାର୍ଣ୍ଣରଙ୍କୁ ସ୍ଥାନ ଦେଇ ନ ଥିଲା। ଖରାପ ଫର୍ମରେ ଥିବା ୱାର୍ଣ୍ଣର ଏତେ ନିରାଶ ହୋଇଛନ୍ତି ଯେ ମ୍ୟାଚ ଦିନ ସେ ଷ୍ଟାଡିୟମକୁ ମଧ୍ୟ ନ ଆସି ହୋଟେଲ ରୁମରୁ ପୁରା ମ୍ୟାଚ ଦେଖିଥିଲେ। ୱାର୍ଣ୍ଣର ଷ୍ଟାଡିୟମରେ ନ ଥିବାରୁ କ୍ରିକେଟ ପ୍ରଶଂସକମାନେ ଅତ୍ୟନ୍ତ ନିରାଶ ହୋଇଥିଲେ। ଜଣେ ପ୍ରଶଂସକ ସୋସିଆଲ ମିଡିଆରେ ହାଇଦ୍ରାବାଦର ଇନଷ୍ଟାଗ୍ରାମ ଆକାଉଣ୍ଟକୁ ପ୍ରଶ୍ନ କରିଥିଲେ, ଏଥିରେ ୱାର୍ଣ୍ଣରଙ୍କ ଉତ୍ତର ଆସିଥିଲା। ଜଣେ ପ୍ରଶଂସକ କମେଣ୍ଟରେରେ ଲେଖିଛନ୍ତି, ‘ଆମେ ୱାର୍ଣ୍ଣରଙ୍କୁ ଦେଖିପାରୁ ନାହୁଁ, ଆପଣ ତାଙ୍କୁ ଷ୍ଟାଡିୟମରେ ଦେଖିଛନ୍ତି କି?’ ପ୍ରଶଂସକଙ୍କ ଦ୍ୱାରା କରାଯାଇଥିବା ଏହି ମନ୍ତବ୍ୟର ଡେଭିଡ ୱାର୍ଣ୍ଣର ଉତ୍ତର ଦେଇ ଲେଖିଛନ୍ତି, ଦୁର୍ଭାଗ୍ୟବଶତଃ ଏହା ଆଉ ଘଟିବ ନାହିଁ। କିନ୍ତୁ ଦୟାକରି ସମର୍ଥନ ଜାରି ରଖନ୍ତୁ। ୱାର୍ଣ୍ଣରଙ୍କ ଏହି ବାର୍ତ୍ତା ସୋସିଆଲ ମିଡିଆରେ ଭାଇରାଲ ହୋଇଛି ଏବଂ ପ୍ର ୱାର୍ଣ୍ଣର ଆସନ୍ତା ସିଜନରେ ହାଇଦ୍ରାବାଦ ପାଇଁ ଖେଳିବେ ନାହିଁ ବୋଲି ଚର୍ଚ୍ଚା ହେଉଛି।
