ୟୁଏଇ,୧୫।୯: ଆଇପିଏଲ୍ ଦ୍ୱିତୀୟ ପର୍ଯ୍ୟାୟ ପୂର୍ବରୁ ରୟାଲ୍ସ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଦଳ ଅଭ୍ୟାସ କରୁଛି। ଏହି ସମୟରେ ଖେଳାଳିମାନେ ନିଜ ମଧ୍ୟରେ ୨ଟି ଦଳ କରି ଅଭ୍ୟାସ ମ୍ୟାଚ୍ ଖେଳୁଛନ୍ତି। ଏକ ଅଭ୍ୟାସ ମ୍ୟାଚ୍ରେ ଦେବଦତ୍ତ ଏକାଦଶ ବିପକ୍ଷରେ ଏବି ଡିଭିଲିୟର୍ସ ଧମାକା କରିଛନ୍ତି। ସେ ୪୬ଟି ବଲ୍ରେ ୧୦୪ ରନ୍ର ପାଳି ଖେଳିଛନ୍ତି। ଏଥିରେ ଡିଭିଲିୟର୍ସ ୧୦ ଛକା ଏବଂ ୭ ଚୌକା ମାରିଥିଲେ। ଡିଭିଲିୟର୍ସଙ୍କ ବ୍ୟତୀତ ମହମ୍ମଦ ଆଜାହରୁଦ୍ଦିନ ୬୬ ରନ୍ର ପାଳି ଖେଳିଥିଲେ। ଫଳରେ ହର୍ଷଲ ଏକାଦଶ ନିର୍ଦ୍ଧାରିତ ୨୦ ଓଭରରେ ୪ ଉଇକେଟ୍ ହରାଇ ୨୧୨ ରନ୍ କରିଥିଲା। ଡିଭିଲିୟର୍ସଙ୍କ ଶତକ ସତ୍ତ୍ୱେ ହର୍ଷଲ ଏକାଦଶକୁ ପରାଜୟର ସାମ୍ନା କରିବାକୁ ପଡିଥିଲା। ୨୧୨ ରନ୍ର ପିଛାକରି ଦେବଦତ୍ତ ଏକାଦଶ ୨୧୬ ରନ୍ କରି ମ୍ୟାଚ୍ ଜିତିଥିଲା। ଦଳ ପାଇଁ କେଏସ୍ ଭରନ ୯୫ ଏବଂ ଦେବଦତ୍ତନ ପଡିକ୍କଲ ୩୬ ରନ୍ କରିଥିଲେ। ଆରସିବି ନିଜ ଅଫିସିଆଲ୍ ଟୁଇଟର୍ ଆକାଉଣ୍ଟରେ ଏହି ମ୍ୟାଚ୍୍ର ଭିଡିଓ ଶେୟାର କରିଛି।
