ଶାରଜା,୪।୧୧: ଆଇପିଏଲ୍ ୨୦୨୦ରେ ମୁମ୍ବାଇ ଇଣ୍ଡିଆନ୍ସ ବିପକ୍ଷ କର ବା ମର ମ୍ୟାଚ୍ରେ ହାଇଦ୍ରାବାଦ ଚମତ୍କାର ବିଜୟ ହାସଲ କରି ଚଳିତ ଆଇପିଏଲରେ ପ୍ଲେ-ଅଫ ଟିକେଟ ହାସଲ କରିଛି। ହାଇଦ୍ରାବାଦ ବିଜୟ ଲାଭ କରିବାରୁ କୋଲକାତା ନାଇଟ ରାଇଡର୍ସର ଚଳିତ ବର୍ଷ ଆଇପିଏଲ ଅଭିଯାନ ଶେଷ ହୋଇଛି। ଇତିମଧ୍ୟରେ ଆଇପିଏଲ୍ ୨୦୨୦ର ସମସ୍ତ ଲିଗ୍ ମ୍ୟାଚ୍ ଶେଷ ହୋଇଛି। ୪ଟି ଦଳ ମୁମ୍ବାଇ ଇଣ୍ଡିଆନ୍ସ, ଦିଲ୍ଲୀ କ୍ୟାପିଟାଲ୍ସ, ସନରାଇଜର୍ସ ହାଇଦ୍ରାବାଦ ଏବଂ ରୟାଲ୍ସ ଚ୍ୟାଲେଞ୍ଜର୍ସ ବେଙ୍ଗାଲୁରୁ ପହଞ୍ଚିଛନ୍ତି। ୫ ତାରିଖରେ ମୁମ୍ବାଇ ଓ ଦିଲ୍ଲୀ ମଧ୍ୟରେ ପ୍ରଥମ କ୍ୱାଲିଫାୟର ଖେଳାଯିବ। ଏହି ମ୍ୟାଚ୍ ଯେଉଁ ଦଳ ଜିତିବ ସିଧାସଳଖ ଫାଇନାଲକୁ ଯିବ। ସନରାଇଜର୍ସ ହାଇଦ୍ରାବାଦ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ଆସନ୍ତା ୬ ତାରିଖରେ ପ୍ରଥମ ଏଲିମିନେଟର ଖେଳିବ। ସେହିପରି ପ୍ରଥମ କ୍ୱାଲିଫାୟାରରେ ପରାସ୍ତ ହୋଇଥିବା ଦଳ ହାଇଦ୍ରାବାଦ ଓ ବାଙ୍ଗାଲୋର ମଧ୍ୟରେ ଯିଏ ଜିତିବ, ତାହା ସହ ଦ୍ୱିତୀୟ କ୍ୱାଲିଫାୟର ଖେଳିବ।
୫।୧୧।୨୦୨୦- ମୁମ୍ବାଇ ଇଣ୍ଡିଆନ୍ସ ବନାମ ଦିଲ୍ଲୀ କ୍ୟାପିଟାଲ୍ସ – ପ୍ରଥମ ଯୋଗ୍ୟତା – ୦୭:୩୦ – ଦୁବାଇ
୬।୧୧।୨୦୨୦-ସନରାଇଜର୍ସ ହାଇଦ୍ରାବାଦ ବନାମ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର – ପ୍ରଥମ ଏଲିମିନେଟର – ୦୭:୩୦ – ଆବୁଧାବି।
୮।୧୧।୨୦୨୦- ଦ୍ୱିତୀୟ ଯୋଗ୍ୟତା – ୦୭:୩୦- ଆବୁଧାବି
୧୦।୧୧।୨୦୨୦ – ଫାଇନାଲ – ୦୭:୩୦ ଅପରାହ୍ନ- ଦୁବାଇ
