କଳାମନ୍ଦିର ଓଡ଼ିଶାବାସୀଙ୍କ ଶ୍ରଦ୍ଧା ଓ ଭଲପାଇବାକୁ ସାଉଁଟି ଏକ ପାରିବାରିକ ବ୍ରାଣ୍ଡ୍ ପାଲଟିଯାଇଛି। ୧୯୭୭ରେ ପ୍ରଥମ ଷ୍ଟୋର୍ ଆରମ୍ଭ ହେବା ପରଠାରୁ ଏହି ବ୍ରାଣ୍ଡ୍ ସର୍ବୋତ୍ତମ ଗୁଣବତ୍ତା ଉପତ୍ାଦ ଓ ସେବା ଯୋଗାଇବାରେ କେବେ ବିଫଳ ହୋଇନାହିଁ। ପ୍ରତିଯୋଗିତା ଯେତେ ବଢ଼ିଚାଲିଲେ ମଧ୍ୟ ଉକ୍ତ ଫ୍ୟାଶନ୍ ଆଣ୍ଡ ଫ୍ୟାମିଲି ଶୋ’ରୁମ୍ ଗ୍ରାହକଙ୍କୁ ସନ୍ତୁଷ୍ଟ କରିବା ଲାଗି ପ୍ରତିଶ୍ରୁତିବଦ୍ଧ ବୋଲି କୁହନ୍ତି କଳାମନ୍ଦିର ପରିଚାଳନା ସହଯୋଗୀ ରାଜିନ୍ଦର ସିଂ।
କିପରି ରାଜ୍ୟର ସର୍ବାଦୃତ ଫ୍ୟାଶନ୍ ସ୍ଥାନ ହୋଇପାରିଛି?
୪୦ ବର୍ଷ ତଳେ କଳାମନ୍ଦିର ଆରମ୍ଭ ହେବା ଦିନଠାରୁ ଏଯାବତ୍ ଅଧିକାଂଶ ପରିବାର ପାଇଁ ପସନ୍ଦର ଫ୍ୟାଶନ୍ ଡେଷ୍ଟିନେଶନ ପାଲଟିଛି। ସମଗ୍ର ଓଡ଼ିଶା ବିଶେଷକରି ଭୁବନେଶ୍ୱର ଗ୍ରାହକମାନଙ୍କଠାରୁ ଆମେ ପର୍ଯ୍ୟାପ୍ତ ସ୍ନେହ, ସମର୍ଥନ ଓ ବିଶ୍ୱାସ ହାସଲ କରିପାରିଛୁ। ଏତେ ଆଦୃତି ପାଇବାର କାରଣ ହେଲା, ଆମ ଗ୍ରାହକଙ୍କୁ ଆମେ ପୁରୁଷ, ମହିଳା, ପିଲାଙ୍କ ପାଇଁ ପୋଷାକ ସହିତ ଶାଢ଼ି ଓ ଲେହଙ୍ଗାର ସର୍ବୋତ୍ତମ ସଂଗ୍ରହ ଯୋଗାଇବାରେ ବିଶ୍ୱାସ କରୁ। ଆମର ସୁଲଭ ମୂଲ୍ୟ ନୀତି ହେଉଛି ସଫଳତାର ଅନ୍ୟତମ କାରଣ।
ମହାମାରୀ ବେଳେ ବ୍ୟବସାୟ କିପରି ଥିଲା?
ଲକ୍ଡାଉନ୍ ବେଳେ ଆମେ କଠିନ ପରିସ୍ଥିତି ଦେଇ ଗତି କରିଥିଲୁ। ବାସ୍ତବରେ ଶୋ’ରୁମ୍ ମାର୍ଚ୍ଚ ୧୫ରୁ ମେ’ ମାସ ଶେଷ ପର୍ଯ୍ୟନ୍ତ ବନ୍ଦ ରହିଥିଲା। ପରେ ଖୋଲିଥିଲେ ବି ଜୁନ୍ରୁ ସେପ୍ଟେମ୍ବର ପର୍ଯ୍ୟନ୍ତ ବିକ୍ରି ୨୫-୩୦% ହ୍ରାସ ପାଇଥିଲା। ତେବେ ମହାପ୍ରଭୁ ଶ୍ରୀଜଗନ୍ନାଥଙ୍କ କୃପାରୁ ଅକ୍ଟୋବର ମାସଠାରୁ ବିକ୍ରି ବୃଦ୍ଧି ଘଟିଛି। ଏବେ ଆମ ବିକ୍ରି ପରିମାଣ କୋଭିଡ୍ ପୂର୍ବ ବିକ୍ରି ସହ ପ୍ରାୟ ସମାନ ହୋଇଆସିଲାଣି।
ବଜେଟ ସଂକ୍ରାନ୍ତରେ ଆପଣଙ୍କର ମତ କ’ଣ?
ଖୁବ୍ କଠିନ ପରିସ୍ଥିତି ମଧ୍ୟରେ କେନ୍ଦ୍ର ଅର୍ଥମନ୍ତ୍ରୀ ଏକ ଉନ୍ନତ, ସାହସିକ ଏବଂ ବିକାଶୋନ୍ମୁଖୀ ବଜେଟ ଉପସ୍ଥାପନ କରିଛନ୍ତି। ଏହି ବଜେଟ ବିଭିନ୍ନ କ୍ଷେତ୍ରର ବ୍ୟବସାୟ ପୁନରୁଦ୍ଧାରରେ ସହାୟକ ହେବ। ଏହା ସାଧାରଣ ଲୋକଙ୍କ ଆମତ୍ବିଶ୍ୱାସ ବଢ଼ାଇବ ଏବଂ ସେମାନେ ପୁଣି ଅଧିକ ଖର୍ଚ୍ଚ କରିବାକୁ ଆଗେଇ ଆସିବେ। ଏଥିଯୋଗୁ ବ୍ୟବସାୟିକ ପ୍ରତିଷ୍ଠାନଗୁଡିକର ଅଭିବୃଦ୍ଧି ଘଟିବ ବୋଲି ମୋର ବିଶ୍ୱାସ।
ଆର୍ଥିକ ବର୍ଷର କାରବାର ପାଇଁ କ’ଣ ସବୁ ଯୋଜନା କରିଛନ୍ତି?
ଗତ ବର୍ଷ ଅପେକ୍ଷା ଚଳିତ ବର୍ଷର ବ୍ୟବସାୟ ପ୍ରାୟ ୪୦% କମିଛି। ଚଳିତ ଆର୍ଥିକ ବର୍ଷରେ ଏହାକୁ ପୂରଣ କରିବା ସହ ଶୋ’ରୁମ୍ର ବିକାଶ ଏବଂ ଗ୍ରାହକଙ୍କ ପସନ୍ଦ ମୁତାବକ ସାମଗ୍ରୀ ଯୋଗାଇବା ଆମର ପ୍ରଥମ ଲକ୍ଷ୍ୟ। ଗ୍ରାହକଙ୍କର ଭରସା ଓ ଭଲ ପାଇବାକୁ ନେଇ ବ୍ୟବସାୟ କରିବା ହେଉଛି ଆମର ବଡ଼ ଯୋଜନା। ଆଗାମୀ ଦିନରେ ଗ୍ରାହକଙ୍କୁ ପୂର୍ବଭଳି ବିଭିନ୍ନ ଅଫର ଓ ରିହାତି ଯୋଗାଇ ଦେବାକୁ ଯୋଜନା କରାଯାଇଛି।
କେଉଁ ବ୍ରାଣ୍ଡ୍ର ପୋଷାକ ସବୁ ଉପଲବ୍ଧ ରହିଛି?
କଳାମନ୍ଦିର ହେଉଛି ଏକ ଫ୍ୟାଶନ ଆଣ୍ଡ୍ ଫ୍ୟାମିଲି ଶୋ’ରୁମ୍, ଯାହାକି ତା’ର ପ୍ରିୟ ଗ୍ରାହକଙ୍କ ସେବାରେ ସର୍ମିପିତ ଅଟେ। ଏଠାରେ ସବୁ ବର୍ଗର ଲୋକଙ୍କ ପାଇଁ ପୋଷାକ ରହିଛି। ପୁରୁଷ, ମହିଳା, ବରିଷ୍ଠ ନାଗରିକ ଓ ଛୋଟ ପିଲା ଏପରି କି ବିଭାଘର ଓ ପାର୍ବଣ ପାଇଁ ସ୍ବତନ୍ତ୍ର ପୋଷାକ, ଋତୁ ଅନୁସାରେ ମଧ୍ୟ ଡ୍ରେସ୍ ଗ୍ରାହକଙ୍କ ଆବଶ୍ୟକତାକୁ ଆଖି ଆଗରେ ରଖି ପୂରଣ କରିଥାଏ।
ସଫଳତାର ରହସ୍ୟ କଣ?
ଶୋ’ରୁମ୍ର ବ୍ରାଣ୍ଡ୍ ସବୁ ପ୍ରକାର ହେବା ଦରକାର। ଗ୍ରାହକ ସେବା, ବନ୍ଧୁତା, ବିଶ୍ୱାସ, ଚାହିଦା ପୂରଣ ଏବଂ ଆକର୍ଷଣୀୟ ଅଫର ସହ ଉପହାର ପ୍ରଦାନ ବ୍ୟବସାୟିକ ସଫଳତାର ମୂଳମନ୍ତ୍ର।
