ନୂଆଦିଲ୍ଲୀ,୨୫ ।୧୧: ଦେଶ ଲଗାତାର ଭାବେ ତା’ର ସେନା ଶକ୍ତିକୁ ବୃଦ୍ଧି କରି ଚାଲିଛି । ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉତ୍ତର ପ୍ରଦେଶର ଝାନ୍ସୀରେ କିଛି ଇକ୍ୟୁପମେଣ୍ଟସକୁ ଅଫିସିୟାଲି ସେନାକୁ ଦେଇଥିବା ବେଳେ ନୌସେନାରେ ଇତିମଧ୍ୟରେ ସାମିଲ ହୋଇଛି ଆଇଏନ୍ଏସ୍ ବିଶାଖାପଟ୍ଟନମ୍ । ଏହାଦ୍ୱାରା ସମୁଦ୍ରରେ ନୌସେନାର ଶକ୍ତି ବୃଦ୍ଧି ହୋଇଛି । ଆଉ ଏବେ ମହାସାଗରର ଅଥଳ ଗର୍ଭରେ ସେନା ତା’ର ୪ ଗୁଣା ଶକ୍ତି ବୃଦ୍ଧି କରିବାକୁ ଯାଉଛି । ଏବେ କଲାୱରୀ କ୍ଲାସର ବୁଡାଜାହାଜ ଆଇଏନ୍ଏସ୍ ଭେଲା ନୌସେନାରେ ସାମିଲ ହେବ । ଏହା କଲାୱରୀ କ୍ଲାସର ଚତୁର୍ଥ ବୁଡାଜାହାଜ । ୨୨୧ ଫୁଟ ଲମ୍ବ, ୪୦ ଫୁଟ ଉଚ୍ଚା ଓ ୧୫୬୫ ଟନ ଓଜନ ହେଉଛି ଭେଲା । ଏଥିରେ ମେଶିନାରୀ ସେଟ କରିବାକୁ ପାଖାପାଖି ୧୧ କିଲୋମଟର ଲମ୍ବା ପାଇପ ଓ ୬୦ କିଲୋମିଟର କେବୁଲ ଫିଟିଂ କରାଯାଇଛି । ଏହି ବୁଡାଜାହାଜ ସ୍ପେଶାଲ ଷ୍ଟିଲରେ ତିଆରି କରାଯାଇଛି । ଏଥିରେ ହାଇ ଟେଂସାଇଲ ଷ୍ଟ୍ରେଂଥ ରହିଛି ଯାହା ପାଣି ଭିତରକୁ ଯାଇ ଅପରେଟ କରିବାକୁ ସକ୍ଷମ ହେବ । ଏହାକୁ ରାଡାର ଟ୍ରାକ କରିପାରିବ ନାହିଁ । ଶତ୍ରୁକୁ ଖବର ହେବା ପୂର୍ବରୁ ଏହା ତା’ର କାମ ଶେଷ କରିଦେଇଥିବ । ଏହାସହ ଏହାକୁ ଯେକୌଣସି ପାଗରେ ଅପରେଟ କରିହେବ ।
