ଦିଗପହଣ୍ଡି,୨୬।୩(ଡି.ଏନ୍.ଏ.): କେନ୍ଦ୍ର ସରକାରଙ୍କ କୃଷି ବିଲ୍କୁ ବିରୋଧ କରି ସର୍ବଭାରତୀୟସ୍ତରରେ ଗଠିତ ସଂଯୁକ୍ତ କୃଷକ ମୋର୍ଚ୍ଚା ପକ୍ଷରୁ ଡାକରା ଦିଆଯାଇଥିବା ଭାରତ ବନ୍ଦକୁ ସଫଳ କରିବା ନିମନ୍ତେ ଦିଗପହଣ୍ଡିରେ ଶୋଭାଯାତ୍ରା କରାଯାଇଛି। ଶୁକ୍ରବାର ସ୍ଥାନୀୟ ବସଷ୍ଟାଣ୍ଡ – ଟାଉନ ଛକରେ ସିପିଆଇ (ଏମ୍) ଗଞ୍ଜାମ ଜିଲା କମିଟି ସମ୍ପାଦକ କୈଳାସ ଷଡ଼ଙ୍ଗୀ, ସିପିଆଇ ରାଜ୍ୟ ପରିଷଦ ସଦସ୍ୟ ଅଳକ ନାଥ ମିଶ୍ର, ଗଞ୍ଜାମ ଜିଲା କଂଗ୍ରେସ କମିଟି ଉପସଭାପତି ପ୍ରଫୁଲ୍ଲ ପଣ୍ଡାଙ୍କ ନେତୃତ୍ୱରେ ବହୁ ସଂଖ୍ୟକ ଦଳୀୟ କର୍ମୀ ବିକ୍ଷୋଭ ପ୍ରଦର୍ଶନ କରିଥିଲେ। ସ୍ଥାନୀୟ କଂଗ୍ରେସ – କମ୍ୟୁନିଷ୍ଟ ପାର୍ଟିର ନେତୃବୃନ୍ଦ ଅଶିନୀ କୁମାର ଦାସ, କୁରେଶୁ ପଣ୍ଡା, ତପନ କୁମାର ମିଶ୍ର, କିଶୋର ଶତପଥୀ, ପ୍ରମୋଦ ସ୍ବାଇଁ, ଦୈତାରୀ ରେଡ୍ଡୀ, ମୂଷା ବେହେରା, ରସାନନ୍ଦ ରାଉତ, ଦୀପକ କୁମାର ମିଶ୍ର, ଡମ୍ବରୁଧର ବେହେରା, ଭଗବାନ ସ୍ବାଇଁ, କୈଳାସ ରଣା,ମହେନ୍ଦ୍ର ସାହୁ,ଶଙ୍କର ରାଓଙ୍କ ସମେତ ବହୁ ଦଳୀୟ କର୍ମୀ ଉପସ୍ଥିତ ଥିଲେ। ବନ୍ଦ ପାଳନ ଯୋଗୁ ବ୍ରହ୍ମପୁର- ରାୟଗଡ଼ା ଭାୟା ଦିଗପହଣ୍ଡି ୧୭ ନଂ. ରାଜ୍ୟ ରାଜପଥ ସମେତ ଆସିକା – ରାଞ୍ଚି ବିଜୟଓ୍ବାଡା ୩୨୬ ନଂ. ଜାତୀୟ ରାଜପଥରେ ଗାଡ଼ି ଚଳାଚଳ ବନ୍ଦ ଥିଲା।
