ଆଡିଲେଡ୍,୧୯।୧୨: ଅଷ୍ଟ୍ରେଲିଆ ବିପକ୍ଷରେ ଏଠାରେ ଚାଲିଥିବା ପ୍ରଥମ ତଥା ଦିବାରାତ୍ର ଟେଷ୍ଟ ମ୍ୟାଚ୍ର ଦ୍ୱିତୀୟ ଇନିଂସରେ ଭାରତ ଖରାପ ପ୍ରଦର୍ଶନ କରିଛି। ଶନିବାର ମ୍ୟାଚ୍ର ତୃତୀୟ ଦିନରେ ବ୍ୟାଟିଂ କରିବାକୁ ଆସିଥିବା ଭାରତୀୟ ଦଳ ମାତ୍ର ୩୬ ରନ୍ରେ ୯ ଉଇକେଟ ହରାଇ ପାଳି ଘୋଷଣା କରିଛି। ପ୍ରଥମ ଇନିଂସରେ ୫୩ରନ୍ରେ ଅଗ୍ରଣୀ ରହିଥିଲା ଭାରତ। ଏଣୁ ଘରୋଇ ଦଳକୁ ମାତ୍ର ୯୦ ରନ୍ର ବିଜୟ ଲକ୍ଷ୍ୟ ମିଳିଛି।
ମ୍ୟାଚ୍ର ଦ୍ୱିତୀୟ ଦିନରେ ଭାରତୀୟ ବୋଲରଙ୍କ ସମ୍ମୁଖୀନ ହୋଇ ନ ପାରି ୧୯୧ରନ୍ କରି ଅଲ୍ଆଉଟ୍ ହୋଇଥିଲା ଅଷ୍ଟ୍ରେଲିଆ ଦଳ। ପରେ ଭାରତୀୟ ଦଳ ଦ୍ୱିତୀୟ ଇନିଂସ ଖେଳ ୯/୧ରୁ ଆରମ୍ଭ କରିଥିଲା। ହେଲେ ୧୫ରନ୍ କରି ୪, ୧୯ ରନ୍ରେ ୬, ୩୧/୯ ଉଇକେଟ୍ ହରାଇଥିଲା ଦଳ। ପ୍ରଥମେ ଜସପ୍ରିତ ବୁମରାହ(୨) ପେଟ୍ କମିନ୍ସଙ୍କ ବଲ୍ରେ ଆଉଟ୍ ହୋଇଥିଲେ। ପରେ ଚେତେଶ୍ୱର ପୂଜାରା(୦), ମୟଙ୍କ ଅଗ୍ରଓ୍ବାଲ(୯), ଅଜିଙ୍କ୍ୟ ରାହାଣେ(୦), ବିରାଟ କୋହଲି(୪), ରିଦ୍ଧିମାନ ଶାହା(୪), ରବିଚନ୍ଦ୍ରନ ଅଶ୍ୱିନ(୦), ହନୁମା ବିହାରୀ(୮) ଆଉଟ୍ ହୋଇଥିଲେ। ତେବେ ମହମ୍ମଦ ଶାମି ଆହତ ହେବା ଯୋଗୁ ଭାରତୀୟ ଦଳ ୩୬/୯ରେ ପାଳି ଘୋଷଣା କରିବାକୁ ବାଧ୍ୟ ହୋଇଛି। ଅଷ୍ଟ୍ରେଲିଆ ପକ୍ଷରୁ ଜୋଶ ହେଜଲଉଡ୍ ୫ ଓଭରରେ ୮ ରନ ଦେଇ ୫ ଉଇକେଟ ନେଇଛନ୍ତି। ସେହିଭଳି କମିନ୍ସ ୧୦.୨ ଓଭରରେ ୨୧ ରନ୍ ଦେଇ ୪ ଉଇକେଟ୍ ନେଇଛନ୍ତି।
୧୯୭୪ରେ ଇଲଂଣ୍ଡ ବିପକ୍ଷରେ ଭାରତୀୟ ଦଳ ସର୍ବନିମ୍ନ ସ୍କୋର ୪୨ ରନ୍ କରିଥିଲା। ଆଡିଲେଡ୍ ଟେଷ୍ଟରେ ଦଳ ଏହାକୁ ଭାଙ୍ଗି ସର୍ବନିମ୍ନ ସ୍କୋରର ଲଜ୍ଜାଜନକ ରେକର୍ଡ କରିଛି।
