ପ୍ରାଗ୍,୨୧।୮(ପି.ଟି.): ଏଠାରେ ଚାଲିଥିବା ଏଟିପି ଚ୍ୟାଲେଞ୍ଜର ପ୍ରାଗ୍ ଓପନ୍ରେ ଭାରତୀୟ ଅଭିଯାନ ଶେଷ ହୋଇଛି। ଡବଲ୍ସ ଇଭେଣ୍ଟରେ ସବୁ ୩ ଭାରତୀୟ ଖେଳାଳି ପରାଜୟ ବରଣ କରିବା ପରେ ଏହା ସ୍ପଷ୍ଟ ହୋଇଛି। ଟପ୍ ସିଡ୍ ଖେଳାଳି ଦିଭିଜ୍ ଶରଣ ଓ ରବିନ୍ ହାସ କ୍ୱାର୍ଟର ଫାଇନାଲରେ ୩-୬, ୬-୭ ସେଟ୍ରେ ଜିରି ଲେହେକା ଓ ତୋମାସ ମ୍ୟାକହାତଙ୍କଠାରୁ ପରାସ୍ତ ହୋଇ ଟୁର୍ନାମେଣ୍ଟରୁ ବିଦାୟ ନେଇଛନ୍ତି।
ସେହିପରି ଏନ୍. ଶ୍ରୀରାମ ବାଲାଜୀ ଓ ତାଙ୍କ ସାଥୀ କିମେର କୋପିଜାନ୍ସ ୪-୦୬, ୩-୬ ସେଟରେ ଷ୍ଟିଭେନ୍ ଡିଏଜ୍ ଓ ବ୍ଲେଜ୍ ରୋଲାଙ୍କଠାରୁ ପରାସ୍ତ ହୋଇ ବିଦାୟ ନେଇଛନ୍ତି। ଅପରପକ୍ଷରେ ସିଙ୍ଗଲ୍ସରେ ଭାରତ ସୁମିତ ନାଗାଲ ବିଶ୍ୱର ୧୭ ନମ୍ବର ଖେଳାଳି ତଥା ୩ଥର ଗ୍ରାଣ୍ଡସ୍ଲାମ ବିଜେତା ଷ୍ଟାନିସ୍ ଲାସ୍ ଓ୍ବାରିଙ୍କା ପରାସ୍ତ ହୋଇଥିଲେ। ସେହିପରି ସେ ଡବଲ୍ସରେ ମଧ୍ୟ ପରାସ୍ତ ହୋଇଥିଲେ। ଡବଲ୍ସରେ ନାଗାଲ ଓ ତାଙ୍କ ସାଥି ଇଲ୍ୟା ଇଭାଶ୍କା ୨-୬, ୪-୬ରେ ପ୍ରତିପକ୍ଷ ପିୟର- ହ୍ୟୁଗ୍ସ ହବର୍ଟ ଓ ଆର୍ଥର ରିନଡେକେନେଚଙ୍କଠାରୁ ପରାସ୍ତ ହୋଇଥିଲେ। ଗତ ମାର୍ଚ୍ଚରେ କୋଭିଡ୍-୧୯ ମାହାମାରୀର ପ୍ରକୋପ ଆରମ୍ଭ ହେବା ପରେ ପ୍ରଥମଥର ପାଇଁ ଏହି ୩ଜଣ ଭାରତୀୟ ଖେଳାଳି କୌଣସି ପ୍ରତିଯୋଗିତାମୂଳକ ଟୁର୍ନାମେଣ୍ଟରେ ଅଂଶଗ୍ରହଣ କରିଥିଲେ।
