ନୂଆଦିଲ୍ଲୀ,୨୯ ।୭: ଭାରତ ତା’ର ପଡୋଶୀ ଦେଶ ଚାଇନା ସହ ଲଦ୍ଦାଖ ସୀମା ବିବାଦ ପରେ ସେଠାରେ ସେନାର ଶକ୍ତି ବୃଦ୍ଧି ଉପରେ ଲଗାତାର ଧ୍ୟାନ ଦେଉଛି । ଫଳ ସ୍ୱରୁପ କେନ୍ଦ୍ର ସରକାର ଚାଇନାକୁ କଡା ଜବାବ ଦେବାକୁ ଲଦ୍ଦାଖରେ ସେନାକୁ ଯୁଦ୍ଧ ବାହାନ ବା କମବ୍ୟାକ୍ଟ ଭେଇକିଲ ଯୋଗାଇ ଦେଇଛନ୍ତି । ଳଦ୍ଦାଖରେ ଭାରତୀୟ ସେନାର ଶକ୍ତିକୁ ଆହୁରି ମଜଭୁତ କରାଯାଉଛି ।
କୁହାଯାଉଛି କି ଭାରତୀୟ ସେନାକୁ ମିଳିଥିବା କମବ୍ୟାକ୍ଟ ଭେଇକିଲ ଖୁବ ଅତ୍ୟାଧୁନିକ । ଏହା ୧୬,୦୦୦ ଫୁଟ ଉଚ୍ଚରୁ ଅଧିକ କଠିନ ଅଞ୍ଚଳରେ ଦ୍ରୁତ ଗତିରେ କାମ କରିବାକୁ ଯୋଗ୍ୟ । ମିଳିଥିବା ସୂଚନା ଅନୁସାରେ ନୂଆ କମବ୍ୟାକ୍ଟ ଭେଇକିଲର ବ୍ୟବହାର ଦ୍ରୁତ ଗତିରେ ଯିବା ପାଇଁ ଓ ଆକ୍ରମଣ ଅଭିଯାନ ଭଳି ବିଭିନ୍ନ ଅଭିଯାନ ପାଇଁ ସେନାଙ୍କୁ ଶୀଘ୍ର ପହଞ୍ଚିବାରେ ବ୍ୟବହାର କରାଯାଇ ପାରିବ ।
ଭାରୀତୀୟ ସେନାଙ୍କୁ ମିିଳିଥିବା ଏହି ଯୁଦ୍ଧ ବାହାନକୁ ପୂର୍ବ ଲଦ୍ଦାଖର ଉଚ୍ଚତା ବିଶିଷ୍ଟ ପଥୁରିଆ ସ୍ଥାନରେ ବ୍ୟାପକ ପରୀକ୍ଷଣ ପରେ ଏହାକୁ ସେନାରେ ସାମିଲ କରାଯାଇଛି । ଏହାର ନାମ ଇନଫ୍ୟାନଟ୍ରି ପ୍ରୋଟେକଟେଡ ମୋବିଲିଟି ଭେଇକିଲ ରଖାଯାଇଛି । ଏଥିରେ ସୁରକ୍ଷା ପାଇଁ ୩୬୦ ଡିଗ୍ରୀ ମେଶିନ ଗନ ମିଳିବ, ଯାହାକୁ ରିମୋଟରେ ନିୟନ୍ତ୍ରଣ କରାଯାଇ ପାରିବ ।
