ନୂଆଦିଲ୍ଲୀ, ୯।୬ : ଭାରତ ବାୟୋଟେକ୍ କ୍ଷେତ୍ରରେ ଖୁବ୍ ଶୀଘ୍ର ପୃଥିବୀର ୧୦ ଶୀର୍ଷ ଦେଶ ମଧ୍ୟରେ ସ୍ଥାନୀତ ହେବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଦିଲ୍ଲୀର ପ୍ରଗତି ମଇଦାନରେ ଦେଶର ପ୍ରଥମ ବାୟୋଟେକ ଷ୍ଟାର୍ଟଅପ ଏକ୍ସପୋ-୨୦୨୨ର ଉଦଘାଟନ କର ଏଭଳି କହିଛନ୍ତି। ଏହି ଅବସରରେ କେନ୍ଦ୍ର ମନ୍ତ୍ରୀ ଡ. ଜିତେନ୍ଦ୍ର ସିଂ, ପୀୟୁଷ ଗୋୟଲ ଏବଂ ଧର୍ମେନ୍ଦ୍ର ପ୍ରଧାନ ମଧ୍ୟ ଉପସ୍ଥିତ ଥିଲେ।
ପ୍ରଧାନମନ୍ତ୍ରୀ କହିଛନ୍ତି ଯେ ଦେଶର ପ୍ରଥମ ବାୟୋଟେକ ଷ୍ଟାର୍ଟଅପ ଏକ୍ସପୋ ହେଉଛି ବାୟୋଟେକ କ୍ଷେତ୍ରର ବ୍ୟାପକ ବିକାଶର ପ୍ରତିଫଳନ। ପ୍ରଧାନମନ୍ତ୍ରୀ କହିଛନ୍ତି ଗତ ଆଠ ବର୍ଷ ମଧ୍ୟରେ ଭାରତର ଜୈବ ଅର୍ଥନୀତି ଆଠ ଗୁଣ ବୃଦ୍ଧି ପାଇଛି। ୧୦ ବିଲିୟନରୁ ଏହା ୮୦ ବିଲିୟନ ଡଲାରରେ ପହଞ୍ଚିଛି। ନୂଆ ଭାରତର ଏହି ନୂତନ ସଫଳତାରେ ବାୟୋଟେକ୍ନୋଲୋଜି ଶିଳ୍ପ ଅନୁସନ୍ଧାନ ସହାୟତା ପରିଷଦ (ବିଆଇଆରଏସି) ଏକ ପ୍ରମୁଖ ଭୂମିକା ଗ୍ରହଣ କରିଛି ବୋଲି ସେ କହିଛନ୍ତି।
ବାୟୋଟେକ କ୍ଷେତ୍ରରେ ଭାରତକୁ ସୁଯୋଗର ଦେଶ ଭାବେ ବିବେଚନା କରାଯାଉଛି। ଏହାର ମୁଖ୍ୟତ ପାଞ୍ଚଟି କାରଣ ଅଛି। ଏଥିରେ ଭାରତର ବିଭିନ୍ନ ଜନସଂଖ୍ୟା, ବିବିଧ ଜଳବାୟୁ ଜୋନ, ପ୍ରତିଭାବାନ ମାନବ ପୁଞ୍ଜି ପୁଲ, ବ୍ୟବସାୟ କରିବା ସହଜତା ଏବଂ ଜୈବ ଉତ୍ପାଦର ଚାହିଦା ଅନ୍ତର୍ଭୁକ୍ତ ।
ଗତ ୮ ବର୍ଷ ମଧ୍ୟରେ, ଆମ ଦେଶରେ ଷ୍ଟାର୍ଟ ଅପ ସଂଖ୍ୟା ପ୍ରାୟ ୬୦ ଟି ବିଭିନ୍ନ ଶିଳ୍ପରେ ୭୦,୦୦୦କୁ ବୃଦ୍ଧି ପାଇଛି। ଏଥିମଧ୍ୟରୁ ୫୦୦୦ରୁ ଅଧିକ ଷ୍ଟାର୍ଟ ଅପ ବାୟୋଟେକ ସେକ୍ଟର ସହିତ ଜଡିତ ରହିଥିବା ପ୍ରଧାନମନ୍ତ୍ରୀ କହିଛନ୍ତି।
