ସିଡନୀ,୩୦।୧୧: ଅଷ୍ଟ୍ରେଲିଆ ବିପକ୍ଷ ଏକଦିବସୀୟ ସିରିଜରେ ହାରିବା ପରେ ବିରାଟ କୋହଲି ପ୍ରବଳ ଚାପରେ ଅଛନ୍ତି। ଏଥିରୁ ଜଣାପଡୁଛି ଯେ ଭାରତୀୟ ଦଳ ଅଷ୍ଟ୍ରେଲିଆ ସମ୍ମୁଖରେ ଆତ୍ମସମର୍ପଣ କରିଛି। ଏବେ ଅଷ୍ଟ୍ରେଲିଆ ଗସ୍ତରେ ଗୋଟିଏ ଏକଦିବସୀୟ ବାକି ଅଛି। ଏହାପରେ ଦଳକୁକୁ ମଧ୍ୟ ଟି -୨୦ ଏବଂ ଟେଷ୍ଟ ସିରିଜରେ ଅଷ୍ଟ୍ରେଲିଆକୁ ସାମ୍ନା କରିବାକୁ ପଡିବ। ଏଭଳି ପରିସ୍ଥିତିରେ ବିରାଟଙ୍କ ପାଇଁ ଏଥର ଅଷ୍ଟ୍ରେଲିଆ ଗସ୍ତର ଆହ୍ବାନ ସୃଷ୍ଟି ହୋଇଛି। ଗତ ୫ଟି ମ୍ୟାଚ୍ରେ ଟିମ ଇଣ୍ଡିଆ କ୍ରମାଗତ ଭାବେ ପରାଜୟର ସାମ୍ନାକ ରିବାକୁ ପଡିଛି। ଏହାପୂର୍ବରୁ ବିରାଟଙ୍କ ଅଧିନାୟକତ୍ୱରେ କ୍ରମାଗତ ଏତେ ମ୍ୟାଚ୍ରେ ପରାଜୟର ସମ୍ମୁଖୀନ ହୋଇ ନ ଥିଲା। ୨୦୧୩ରୁ ବିରାଟ କୋହଲି ଏକଦିବସୀୟରେ ଟିମ ଇଣ୍ଡିଆର ଅଧିନାୟକ ରହିଛନ୍ତି। ତାଙ୍କ ଅଧିନାୟିକତ୍ୱରେ ଟିମ ଇଣ୍ଡିଆ ବିଜୟର ଅନେକ ରେକର୍ଡ ସୃଷ୍ଟି କରିଛି, କିନ୍ତୁ ଗତ ୫ଟି ଦିନିକିଆରେ ଟିମ ଇଣ୍ଡିଆ କ୍ରମାଗତ ପରାଜୟ ଭୋଗିଛି। ଗତ ବର୍ଷ ହାମିଲଟନ ଗ୍ରାଉଣ୍ଡରେ ନ୍ୟୁଜିଲ୍ୟାଣ୍ଡ ବିପକ୍ଷରେ ସିରିଜ ପରାଜୟ ଆରମ୍ଭ ହୋଇଥିଲା। ନ୍ୟୁଜିଲ୍ୟାଣ୍ଡର ଏହି ଗସ୍ତରେ ଟିମ ଇଣ୍ଡିଆକୁ କ୍ରମାଗତ ତିନିଟି ମ୍ୟାଚ୍ରେ ପରାଜୟର ସାମ୍ନା କରିବାକୁ ପଡିଥିଲା। ଏହା ପରେ ଟିମ ଇଣ୍ଡିଆ ଅଷ୍ଟ୍ରେଲିଆ ଗସ୍ତରେ କ୍ରମାଗତ ୨ ମ୍ୟାଚ ହାରିଛି। ଏହାପୂର୍ବରୁ ବିରାଟଙ୍କ ଅଧିନାୟୀକତ୍ୱରେ ଟିମ ଇଣ୍ଡିଆକୁ ୨୦୧୯ ମସିହାରେ ଅଷ୍ଟ୍ରେଲିଆ ବିପକ୍ଷରେ ଲଗାତାର ୩ ମ୍ୟାଚ ହରାଇବାକୁ ପଡିଥିଲା। ଗତ ୪୬ବର୍ଷ ମଧ୍ୟରେ କ୍ରମାଗତ ୮ଟି ମ୍ୟାଚରେ ଟିମ ଇଣ୍ଡିଆ ସର୍ବାଧିକ ପରାଜୟର ସମ୍ମୁଖୀନ ହୋଇଛି। ଟିମ ଇଣ୍ଡିଆର ଏହି କ୍ରମାଗତ ପରାଜୟ ୧୯୮୧ମସିହାରେ ସୁନୀଲ ଗାଭାସ୍କରଙ୍କ ଅଧିନାୟିକତ୍ୱରେ ହୋଇଥିଲା। ସିଡନୀ ପଡ଼ିଆରେ ଏହି ପରାଜୟର ସିରିଜ ଆରମ୍ଭ ହୋଇଥିଲା। ଏହା ପରେ, ୧୯୮୯ରେ, ଭାରତକୁ ଲଗାତାର ୭ଟି ମ୍ୟାଚରେ ପରାଜୟର ସମ୍ମୁଖୀନ ହେବାକୁ ପଡିଲା। ସେହି ସମୟରେ ଟିମ ଇଣ୍ଡିଆର ଅଧିନାୟକ କେ. ଶ୍ରୀକାନ୍ତ ଏବଂ ପରେ ଭେଙ୍ଗସରକରଙ୍କ ହାତରେ ଥିଲା। ଏବେ ପଞ୍ଚମ ଥର ପାଇଁ ଟିମ ଇଣ୍ଡିଆ କ୍ରମାଗତ ୫ ଟି ମ୍ୟାଚରେ ପରାଜୟର ସମ୍ମୁଖୀନ ହୋଇଛି।
କ୍ରମାଗତ ୫ଟି ମ୍ୟାଚ ହାରିଥିବା ତାଳିକାରେ ଭାରତୀୟ ଅଧିନାୟକ ବିଶ୍ୱନ ସିଂ ବେଦୀ ଏବଂ ଭେଙ୍କଟାରାଗାମନଅନ୍ତି। ୧୯୭୮ରେ, ଏହି ଦୁଇଜଣଙ୍କ ଅଧିନାୟକତ୍ୱରେ ଭାରତକୁ ଲଗାତାର ୫ଟି ମ୍ୟାଚରେ ପରାଜୟର ସମ୍ମୁଖୀନ ହେବାକୁ ପଡିଲା। ୧୯୮୩ ମସିହାରେ କପିଲ ଦେବଙ୍କ ଅଧିନାୟକତ୍ୱରେ ଭାରତକୁ ୫ ଟି ମ୍ୟାଚରେ କ୍ରମାଗତ ପରାଜୟର ସାମ୍ନା କରିବାକୁ ପଡିଥିଲା। ୧୯୮୮ରେ ରବି ଶାସ୍ତ୍ରୀ, ୨୦୦୨ ଏବଂ ୨୦୦୫ମସିହାରେ, ସୌରଭ ଗାଙ୍ଗୁଲି ଏବଂ ରାହୁଲ ଦ୍ରାବିଡଙ୍କ ଅଧିନାୟକ ଭାବରେ ଭାରତ କ୍ରମାଗତ ୫ ଟି ମ୍ୟାଚ ହାରିଥିଲା।
