କାନବେରା,୨।୧୨: ଭାରତୀୟ କ୍ରିକେଟ ଦଳର ଅଧବନାୟକ ବିରାଟ କୋହଲି ଅଷ୍ଟ୍ରେଲିଆ ବିପକ୍ଷ ତୃତୀୟ ଏକଦିବସୀୟ ମ୍ୟାଚ୍ରେ ୬୩ରନ୍ କରି ଜୋଶ ହେଜେଲଉଡଙ୍କ ଶିକାର ହୋଇଥିଲେ। ଲଗାତାର ୩ଟି ମ୍ୟାଚ୍ରେ ସେ ହେଜେଲଉଡଙ୍କ ଶିକାର ହୋଇଛନ୍ତି। ଏହା ସହ ଡେବ୍ୟୁ ମ୍ୟାଚ୍ ପରେ ପ୍ରଥମଥର ପାଇଁ କୋହଲି ଗୋଟିଏ ବର୍ଷରେ ବିନା ଶତକ ମାରି ବର୍ଷ ଶେଷ କରିଛନ୍ତି। ଚଳିତବର୍ଷ ଭାରତୀୟ ଦଳର ଏହା ଶେଷ ଏକଦିବସୀୟ ମ୍ୟାଚ୍ ଥିଲା। ତେବେ ଶେଷ ମ୍ୟାଚ୍ରେ ସେ ଏକ ଶତକର ନିକଟତର ହୋଇଥିଲେ। କିନ୍ତୁ ତାଙ୍କୁ ୮୯ ରନ ପାଇଁ ହେଜେଲଉଡ ପ୍ୟାଭିଲିୟନକୁ ପଠାଯାଇଥିଲା। କୋହଲି ୨୦୦୮ରେ ନିଜର ଏକଦିବସୀୟ ଡେବ୍ୟୁ କରିଥିଲେ। ତା’ପରେ ସେ ପାଞ୍ଚ ଇନିଂସ ଖେଳି ଶତକ ହାସଲ କରିପାରି ନ ଥିଲେ। ସେବେଠାରୁ ସେ ପ୍ରତିବର୍ଷ ଏକଦିବସୀୟ କ୍ରିକେଟରେ ଏକ ଶତକ ହାସଲ କରିଛନ୍ତି। ସେ ୨୦୧୭ ଏବଂ ୨୦୧୮ରେ ସର୍ବାଧିକ ଶତକ ମାରିଥିଲେ। ୨୦୧୭ରେ କୋହଲି ୨୬ଇନିଂସ ଏବଂ ପରବର୍ତ୍ତୀ ସିଜନରେ ସେ ୧୪ ଇନିଂସରେ ଯଥାକ୍ରମେ ୬-୬ଟି ଶତକ ହାସଲ କରିଥିଲେ।
୨୦୦୮ – ୦
୨୦୦୯ – ୧
୨୦୧୦ -୩
୨୦୧୧ -୪
୨୦୧୨-୫
୨୦୧୩-୪
୨୦୧୪-୪
୨୦୧୫-୨
୨୦୧୬-୩
୨୦୧୭-୬
୨୦୧୮-୬
୨୦୧୯-୫
୨୦୨୦-୦
ଅଷ୍ଟ୍ରେଲିଆ ବିପକ୍ଷ ଘରୋଇ ଏକଦିବସୀୟ ସିରିଜରୁ କୋହଲି ବର୍ଷ ଆରମ୍ଭ କରିଥିଲେ। ଏହା ପରେ ଦଳ ନ୍ୟୁଜିଲାଣ୍ଡ ଗସ୍ତରେ ଯାଇଥିଲା ଏବଂ ପରେ କରୋନା ପରେ କ୍ରିକେଟ କିଛି ସମୟ ପାଇଁ ଅଟକି ଯାଇଥିଲା। ଅଷ୍ଟ୍ରେଲିଆ ବିପକ୍ଷ ଏକଦିବସୀୟ ସିରିଜ ହେଉଛି କରୋନା ପରେ ଟିମ ଇଣ୍ଡିଆର ପ୍ରଥମ ସିରିଜ।
