ନୂଆଦିଲ୍ଲୀ,୯।୧୧: ଭାରତୀୟ କ୍ରିକେଟ ଦଳର ଓପନର୍ ରୋହିତ ଶର୍ମା ଅଷ୍ଟ୍ରେଲିଆ ଗସ୍ତରେ ଯିବେ। ଯଦିଓ ସେ ଦଳରେ ଚୟନ ହୋଇନାହାନ୍ତି କିନ୍ତୁ ସେ ଟେଷ୍ଟ ସିରିଜ ଖେଳିପାରନ୍ତି ବୋଲି ଜଣାପଡିଛି। ଭାରତୀୟ ଦଳ ନଭେମ୍ବର ୧୧ରେ ଅଷ୍ଟ୍ରେଲିଆ ଗସ୍ତରେ ଯିବ। ରୋହିତ ଶର୍ମା ନଭେମ୍ବର ୧୧ରେ ଭାରତୀୟ କ୍ରିକେଟ ଦଳ ସହ ଅଷ୍ଟ୍ରେଲିଆ ଗସ୍ତରେ ଯିବେ ନାହିଁ। ପରେ ସେ ଦଳ ସହ ଯୋଡି ହେବେ। ମିଳିଥିବା ସୂଚନା ଅନୁଯାୟୀ, ରୋହିତ ଶର୍ମା ନିଶ୍ଚିତ ଭାବେ ଅଷ୍ଟ୍ରେଲିଆ ଗସ୍ତରେ ଭାରତୀୟ ଦଳର ଏକ ଅଂଶ ହେବେ, କିନ୍ତୁ ସେ କେବଳ ଟେଷ୍ଟ ସିରିଜ ଖେଳିବାର ସମ୍ଭାବନା ରହିଛି। ଯେହେତୁ ଅଷ୍ଟ୍ରେଲିଆରେ କ୍ୱାରାଣ୍ଟାଇନ୍ ରହିବା ବାଧ୍ୟତାମୂଳକ, ତେଣୁ ସେ ସୀମିତ ଓଭରରେ ଅଂଶଗ୍ରହଣ କରିପାରିବେ ନାହିଁ। ଶେଷ ଥର ପାଇଁ ଭାରତୀୟ ଦଳ ଅଷ୍ଟ୍ରେଲିଆ ଗସ୍ତରେ ଯାଇ ୪ ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ ୨-୧ରେ ଜିତିଥିଲା। ସୂଚନାଯୋଗ୍ୟ, ଆହତ ଯୋଗୁ ରୋହିତ ଶର୍ମାଙ୍କୁ ଅଷ୍ଟ୍ରେଲିଆ ସିରିଜ୍ରୁ ବାଦ୍ ଦିଆଯାଇଥିଲା। କିନ୍ତୁ ସେ ଏବେ ଫିଟ୍ ହୋଇ ଆଇପିଏଲ୍ ଖେଳିବା ଜାରି ରଖିଛନ୍ତି। ତାଙ୍କ ଦଳ ମୁମ୍ବାଇ ଇଣ୍ଡିଆନ୍ସ ଚଳିତ ବର୍ଷ ଫାଇନାଲକୁ ଯାଇଛି।
ନଭେମ୍ବର ୨୭ରେ ଅଷ୍ଟ୍ରେଲିଆର ଭାରତ ଗସ୍ତ ଆରମ୍ଭ ହେବ। ୩ ମ୍ୟାଚ ବିଶିଷ୍ଟ ଏକଦିସବୀୟ ସିରିଜ ସହିତ ଏହି ସିରିଜ ଆରମ୍ଭ ହେବ। ଏହା ପରେ ଟି -୨୦ ମ୍ୟାଚର ଏକ ସିରିଜ ହେବ। ଶେଷରେ ୪ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳାଯିବ।
