ସିଡନୀ,୨୭।୧୧: କରୋନା ମହାମାରୀ ଭିତରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ବହୁପ୍ରତିକ୍ଷୀତ ଦିନିକିଆ ସିରିଜ ଆଜିଠାରୁ ଆରମ୍ଭ ହୋଇଛି। ଦୀର୍ଘ ୯ ମାସ ପରେ ଭାରତୀୟ ଦଳ ଅନ୍ତର୍ଜାତୀୟ ମ୍ୟାଚ ଖେଳିବାକୁ ପଡିଆକୁ ଓହ୍ଲାଇଛି। ଏହି ମ୍ୟାଚ୍ରେ ଅଷ୍ଟ୍ରେଲିଆ ଅଧିନାୟକ ଆରୋନ ଫିଞ୍ଚ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛନ୍ତି। ଅଷ୍ଟ୍ରେଲିଆର ପୂର୍ବତନ ମହାନ ଖେଳାଳି ଡିନ୍ ଜୋନ୍ସଙ୍କୁ ସମ୍ମାନ ଜଣାଇବା ପାଇଁ ମ୍ୟାଚ୍ ପୂର୍ବରୁ ଖେଳାଳିମାନେ ଏମ ମିନିଟ୍ ନୀରବ ପ୍ରାର୍ଥନା କରିବା ସହ କଳା ଫିତା ପିନ୍ଧି ପଡିଆକୁ ଓହ୍ଲାଇଛନ୍ତି। ସେହିପରି ଅଷ୍ଟ୍ରେଲିଆ ଖେଳାଳିମାନେ ନିଜ ଦେଶବାସୀଙ୍କ ଯୋଗଦାନକୁ ଖାସ୍ ସମ୍ମାନ ଦେବା ପାଇଁ ଖାଲି ପାଦରେ ପଡିଆକୁ ଓହ୍ଲାଇଥିଲେ। ସୂଚନାଯୋଗ୍ୟ, ଡିନ୍ ଜୋନ୍ସ ଗତ ସେପ୍ଟେମ୍ବର ୨୪ରେ ଆଇପିଏଲ୍ କମେଣ୍ଟ୍ରି କରୁଥିବା ସମୟରେ ପରଲୋକ ଘଟିଥିଲା।
