ନୂଆଦିଲ୍ଲୀ,୧ ।୧୦: ବିଶ୍ୱକୁ ପଛରେ ପକାଇ ରୁଷିଆ ରାଷ୍ଟ୍ରପତି ଭ୍ଲାଦିମ ପୁଟିନ ୟୁକ୍ରେନର ୪ଟି ଅଞ୍ଚଳକୁ ନିଜ କବଜାକୁ ଆଣିଥିବା ଘୋଷଣା କରଛନ୍ତି । ପୁଟିନଙ୍କର ଏହି ପଦକ୍ଷେପ ପରେ ସମସ୍ତ ଅନ୍ତରାଷ୍ଟ୍ରୀୟ ନିୟମର ଉଲ୍ଲଂଘନ କରାଯାଇଥିବା କୁହାଯାଉଛି । ରୁଷିଆର ଏହି ନିଷ୍ପତ୍ତିକୁ ଆମେରିକା, ବ୍ରିଟେନ ସମେତ କିଛି ପଶ୍ଚିମ ଦେଶ ବିରୋଧ କରିଛନ୍ତି ।
ପୁଟିନଙ୍କ ନିଷ୍ପତ୍ତିକୁ ବିରୋଧ କରି ଆମେରିକା ଓ ଅଲବାନିୟା ସଂଯୁକ୍ତ ରାଷ୍ଟ୍ର ସୁରକ୍ଷା ପରିଷଦ(ୟୁଏନଏସସି)ରୁଷିଆ ବିରୋଧରେ ଏକ ପ୍ରସ୍ତାବ ଆଣିଛନ୍ତି । ଏହି ପ୍ରସ୍ତାବକୁ ୧୦ଟି ଦେଶ ସମର୍ଥନ ଜଣାଇଛନ୍ତି । ହେଲେ ଭାରତ, ଚାଇନା, ବ୍ରାଜିଲ ଓ ଗୌବାନ ଏହି ପ୍ରସ୍ତାବଠାରୁ ଦୂରେଇ ରହିଛନ୍ତି । ଶେଷରେ ରୁଷିଆ ତା’ର ଭିଟୋ ପାୱାର ଜରିଆରେ ପ୍ରସ୍ତାବକୁ ଖାରଜ କରିଦେଇଛି ।
ରୁଷିଆ-ୟୁକ୍ରେନ ମଧ୍ୟରେ ଏବେ ଯୁଦ୍ଧ ଶେଷ ହୋଇନାହିଁ । ଏହାରି ଭିତରେ ରୁଷିଆ ଏମିତି ପଦକ୍ଷେପ ନେଇଛି । ଯାହାକୁ ନେଇ ଆମେରିକା ସମେତ କିଛି ପଶ୍ଚିମ ଦେଶ ଆପତ୍ତି ଉଠାଇଛନ୍ତି । ତେବେ ମାସ ମାସ ଧରି ଚାଲିଥିବା ଏହି ଯୁଦ୍ଧ ପରେ ରୁଷିଆ ୟୁକ୍ରେନର ଡୋନେଟସ୍କ, ଲୁହାନସ୍କ, ଜାପୋରିଜିୟା ଓ ଖେରସନ ଉପରେ କବଜା କରି ନେଇଛି । ଏହାପରେ ନିକଟରେ ଏହି ଅଞ୍ଚଳକୁ ରୁଷିଆ ନିଜ ଦେଶ ସହ ମିଶାଇ ଦେଇଛି । ଏହାପରେ ରୁଷିଆ ଧମକ ଦେଇଛି ଯେ ପଶ୍ଚିମ ଦେଶ ଯଦି ଏହି ଅଞ୍ଚଳରେ ଆକ୍ରମଣ କରିବାକୁ ଚେଷ୍ଟା କରନ୍ତି ତେବେ ରୁଷିଆ ତା’ର ଶକ୍ତି ବଳରେ ଏହାର ଜବାବ ଦେବ ।
