ଓଭାଲ,୨।୯: ଚତୁର୍ଥ ଟେଷ୍ଟର ଗୋଟିଏ ଦିନ ପୂର୍ବରୁ ଟିମ ଇଣ୍ଡିଆ ଦଳରେ ଏକ ବଡ଼ ପରିବର୍ତ୍ତନ କରିଛି। ଦ୍ରୁତ ବୋଲର ପ୍ରସାଦ କ୍ରିଷ୍ଣାଙ୍କୁ ଦଳରେ ସାମିଲ କରାଯାଇଛି। ଏ ପର୍ଯ୍ୟନ୍ତ ସେ ରିଜର୍ଭ ଖେଳାଳି ଭାବରେ ଦଳ ସହିତ ଥିଲେ। ଏଭଳି ପରିସ୍ଥିତିରେ ସେ ଚତୁର୍ଥ ଟେଷ୍ଟରେ ସୁଯୋଗ ପାଇପାରିବେ ବୋଲି ଆଶା କରାଯାଉଛି। ତୃତୀୟ ଟେଷ୍ଟରେ ଟିମ ଇଣ୍ଡିଆ ପରାସ୍ତ ହୋଇଥିଲା। ଏବେ ୫ ମ୍ୟାଚ ବିଶିଷ୍ଟ ସିରିଜ ୧-୧ ରେ ବରାବର ହୋଇଛି । ପ୍ରଥମ ଟେଷ୍ଟ ଡ୍ର ଥିଲାବେଳେ ଲର୍ଡସରେ ଖେଳାଯାଇଥିବା ଦ୍ୱିତୀୟ ଟେଷ୍ଟକୁ ଟିମ ଇଣ୍ଡିଆ ଜିତିଥିଲା।
ପ୍ରସିଦ୍ଧ କ୍ରିଷ୍ଣା ନିଜର ପ୍ରଥମ ଦିନିକିଆ ମ୍ୟାଚ୍ ଘରୋଇ ପଡ଼ିଆରେ ଇଂଲଣ୍ଡ ବିପକ୍ଷରେ ଖେଳିଥିଲା। କ୍ରିଷ୍ଣା ଏହି ମ୍ୟାଚ୍ରେ ୪ଟି ଉଇକେଟ୍ ନେଇଥିଲେ। ସେ ଅନ୍ତର୍ଜାତୀୟ ଦିନିକିଆ ଡେବ୍ୟୁ ମ୍ୟାଚ୍ରେ ୪ ଉଇକେଟ୍ ନେଇଥିବା ପ୍ରଥମ ଭାରତୀୟ ବୋଲର ଥିଲେ। କ୍ରିଷ୍ଣା ୮.୧ ଓଭରରେ ୫୪ ରନ୍ ଦେଇ ୪ ଉଇକେଟ୍ ନେଇଥିଲେ। କ୍ରିଷ୍ଣା ଡେବ୍ୟୁ ମ୍ୟାଚ୍ରେ ନୋଏଲ ଡେଭିଡଙ୍କ ୨୪ ବର୍ଷ ପୁରୁଣା ରେକର୍ଡ ଭାଙ୍ଗିଥିଲେ। ୧୯୯୭ରେ ସ୍ପିନ୍ ବୋଲର୍ ଡେଭିଡ୍ ଓ୍ବେଷ୍ଟଇଣ୍ଡିଜ୍ ବିପକ୍ଷରେ ୨୧ ରନ୍ ଦେଇ ୩ଟି ଉଇକେଟ୍ ନେଇଥିଲେ। ଭାରତୀୟ ବୋଲିଂରେ ଡେବ୍ୟୁ ମ୍ୟାଚ୍ ଏହା ସର୍ବଶ୍ରେଷ୍ଟ ବୋଲିଂ ଫିଗର୍ ଥିଲା। ଅର୍ନ୍ତର୍ଜାତୀୟ ଦିନିକିଆରେ ଡେବ୍ୟୁ ମ୍ୟାଚ୍ରେ ୧୬ ଜଣ ଭାରତୀୟ ୩-୩ ଉଇକେଟ୍ ନେଇଛନ୍ତି। କିନ୍ତୁ କେହି ୪ ଉଇକେଟ ନେଇ ନ ଥିଲେ।
୨୫ ବର୍ଷୀୟ ଦ୍ରୁତ ବୋଲର ପ୍ରସିଦ୍ଧ କ୍ରିଷ୍ଣା କେବଳ ୯ ଟି ପ୍ରଥମ ଶ୍ରେଣୀ ମ୍ୟାଚ ଖେଳିବାର ଅଭିଜ୍ଞତା ଅଛି। ସେ ୯ ଟି ମ୍ୟାଚରେ ୩୪ ଉଇକେଟ ନେଇଛନ୍ତି। ସେ ଗତ ବର୍ଷ ମାର୍ଚ୍ଚରେ ଶେଷ ପ୍ରଥମ ଶ୍ରେଣୀ ମ୍ୟାଚ ଖେଳିଥିଲେ। ସେ ଟିମ ଇଣ୍ଡିଆ ପାଇଁ ଦିନିକିଆରେ ଅବତରଣ କରିଛନ୍ତି। ସେ ୩ଟି ଦିନିକିଆରେ ୬ଟି ଉଇକେଟ ନେଇଥିଲେ। ଏହା ବ୍ୟତୀତ ସେ ୫୧ତାଲିକା ଏ ମ୍ୟାଚରେ ୮୭ ଉଇକେଟ ନେଇଛନ୍ତି। ଟି -୨୦ କ୍ୟାରିୟର ବିଷୟରେ କହିବାକୁ ଗଲେ ସେ ୪୭ ଟି ମ୍ୟାଚରେ ୪୧ ଉଇକେଟ ନେଇଛନ୍ତି।
