ଅଭ୍ୟାସ ବଳରେ ଜଣେ ଯେ କୌଣସି କାର୍ଯ୍ୟରେ ଦକ୍ଷ ହୋଇପାରନ୍ତି, ଯାହା ପ୍ରମାଣ କରିଛନ୍ତି ହାଇଦ୍ରାବାଦ୍ର ଅର୍ପିତା ରାୟ। ସେ ଦୁଇ ଗୋଡ଼ ହରାଇ ଗୋଟିଏ ସମୟରେ ଚାଲିପାରୁ ନ ଥିଲେ। ହେଲେ ଯୋଗାସନ ଅଭ୍ୟାସ କରି ଏବେ ସେ ଜଣେ ସଫଳ ଯୋଗ ପ୍ରଶିକ୍ଷକ ହୋଇପାରିଛନ୍ତି। ପାଖାପାଖି ୧୭ ବର୍ଷ ପୂର୍ବରୁ ଅର୍ପିତା ଏକ ବାଇକ୍ ଦୁର୍ଘଟଣାରେ ଗୁରୁତର ଆହତ ହେବା ପରେ ତାଙ୍କ ଚିକିତ୍ସା କରାଯାଇଥିଲା। ସେ ସୁସ୍ଥ ହୋଇଥିଲେ ସତ କିନ୍ତୁ ଦୁଇ ଗୋଡ଼ ହରାଇଥିଲେ। ସେତେବେଳେ ତାଙ୍କ ବୟସ ଥିଲା ମାତ୍ର ୨୦ ଓ କଲେଜ ଛାତ୍ରୀ ଥିଲେ ଏବଂ ତାଙ୍କୁ ବହୁ ଅସୁବିଧାର ସମ୍ମୁଖୀନ ହେବାକୁ ପଡ଼ିଥିଲା। ପରେ କୃତ୍ରିମ ଗୋଡ଼ ଲଗାଇ ଚାଲିବାକୁ ସକ୍ଷମ ହୋଇଥିଲେ ଓ ପଢ଼ା ଜାରି ରଖିଥିଲେ। ଏହି ଅବସ୍ଥାରେ ସେ ଆମତ୍ନିର୍ଭର ହେବାଲାଗି ଚାକିରି କରିଥିଲେ। ରୋଜଗାର ସହ ଯୋଗାଭ୍ୟାସ ଆରମ୍ଭ କରିଥିଲେ। ଏବେ ସେ ଯୋଗ ପ୍ରଶିକ୍ଷକ ଭାବେ ଉଭୟ ଅଫ୍ଲାଇନ ଓ ଅନ୍ଲାଇନରେ ଯୋଗ ଶିଖାଉଛନ୍ତି।
