ବନ୍ଧୁତାର କୌଣସି ଧର୍ମ ନାହିଁ। କିନ୍ତୁ ବନ୍ଧୁତାର କିଛି କାହାଣୀ ଉଦାହରଣ ପାଲଟିଯାଏ। ଯେତେବେଳେ ଧର୍ମ ନାମରେ ଘୃଣା ବିସ୍ତାର କରିବାର ପ୍ରୟାସ ଦେଖାଯାଇଥାଏ ସେତେବେଳେ ଏଭଳି ଉଦାହରଣଗୁଡ଼ିକ ସମାଜର ଠିକାଦାରଙ୍କୁ ଉପଯୁକ୍ତ ଉତ୍ତର ଦେବାକୁ ସକ୍ଷମ ହୋଇଥାଏ। ସାଧାରଣତଃ ସାମାଜିକ ବିରୋଧୀ ତତ୍ତ୍ୱମାନଙ୍କ ଦ୍ୱାରା ସମାଜରେ ଘୃଣା ବିସ୍ତାର ପାଇଁ ପ୍ରୟାସ କରାଯାଏ। କିନ୍ତୁ ଅନନ୍ୟ ବନ୍ଧୁତା ଏବଂ ଭଲ ପାଇବା ନୂଆ ଧାରା ସୃଷ୍ଟି କରିବାରେ ଆଗୁଆ ରହିଥାଏ, ଯାହା ଦେଖାଯାଇଛି ଗୟାରେ। ସେଠାରେ ଏକ ହିନ୍ଦୁ-ମୁସଲମାନ ବନ୍ଧୁତା ଧର୍ମ ନାମରେ ପରିବେଶକୁ ନଷ୍ଟ କରୁଥିବା ଲୋକଙ୍କୁ ସୌହାର୍ଦ୍ଦ୍ୟପୂର୍ଣ୍ଣ ସ୍ଥିତି ସମ୍ପର୍କରେ ସଚେତନ କରିଛି। ଗୟା ମ୍ୟୁନିସିପାଲିଟି କର୍ପୋରେଶନ ଅଞ୍ଚଳର ୱାର୍ଡ ନମ୍ବର ୨୬ରୁ ଅବର ଅହମ୍ମଦ ଗତ ୨୦୦୨ରୁ ୱାର୍ଡ କାଉନ୍ସିଲର ଭାବରେ କାର୍ଯ୍ୟ କରୁଛନ୍ତି। ଏବେ ନିର୍ବାଚନରେ ନିଗମର ପୂର୍ବତନ ଡେପୁଟି ମେୟର ମୋହନ ଶ୍ରୀବାସ୍ତବ ୱାର୍ଡ ନମ୍ବର ୧୧ରୁ ନିଜ ଭାଗ୍ୟ ଚେଷ୍ଟା କରୁଥିଲେ, କିନ୍ତୁ ଜନସାଧାରଣ ତାଙ୍କୁ ଚୟନ କରି ନ ଥିଲେ। ଫଳରେ ସେ ନିର୍ବାଚନରେ ହାରି ଯାଇଥିଲେ। ଅନ୍ୟପକ୍ଷରେ ଡେପୁଟି ମେୟର ମୋହନ ଶ୍ରୀବାସ୍ତବଙ୍କର ଅନ୍ତରଙ୍ଗ ବନ୍ଧୁଥିବା ଅବର ଅହମ୍ମଦ ନିଜ ୱାର୍ଡରୁ ମୋହନ ଶ୍ରୀବାସ୍ତବଙ୍କୁ ପ୍ରତିଦ୍ୱନ୍ଦ୍ୱିତା କରିବା ପାଇଁ କାଉନସିଲର ପଦରୁ ଇସ୍ତଫା ଦେଇଛନ୍ତି। ତାଙ୍କ ବନ୍ଧୁ ମୋହନ ଶ୍ରୀବାସ୍ତବଙ୍କୁ ନିଗମକୁ ପଠାଇବା ପାଇଁ ସେ ଏହି ନିଷ୍ପତ୍ତି ନେଇଛନ୍ତି। ଅବର କହିଛନ୍ତି ଶ୍ରୀବାସ୍ତବ ତାଙ୍କଠାରୁ ଭଲ କାମ କରିବେ।
