ମହିଳା ସଶକ୍ତୀକରଣର ଜଣେ ସମର୍ଥ ସାଧିକା ସୁରଭି ଯାଦବ। ସୁରଭି ଆଇଆଇଟି ଦିଲ୍ଲୀରୁ ବାୟୋକେମିକାଲ ଇଞ୍ଜିନିୟରିଂ ଓ ବାୟୋଟେକ୍ନୋଲୋଜିରେ ଏମ୍.ଟେକ୍ ଏବଂ ୟୁନିଭର୍ସିଟି ଅଫ୍ କାଲିଫର୍ନିଆରୁ ଡେଭଲପ୍ମେଣ୍ଟ ପ୍ରାକ୍ଟିସରେ ସ୍ନାତକୋତ୍ତର ଡିଗ୍ରୀ ହାସଲ କରିଛନ୍ତି। ତେବେ ଉଚ୍ଚ ବେତନର ଚାକିରିକୁ ପଛ କରି ‘ସାଝୋ ସପ୍ନା’ ନାମକ ଏକ ସୋସିଆଲ ଏଣ୍ଟର୍ପ୍ରାଇସ ମାଧ୍ୟମରେ ସେ ଗ୍ରାମୀଣ ମହିଳାଙ୍କ ଶିକ୍ଷା ଉପରେ ଗୁରୁତ୍ୱ ଦେବା ସହ ସେମାନଙ୍କୁ ଆଧୁନିକ କର୍ମଶକ୍ତି ଭାବେ ଗଢି ତୋଳୁଛନ୍ତି। ୨୦୨୦ରେ କୋଭିଡ୍-୧୯ ମହାମାରୀ ସମୟରେ ସେ ବିହାରର ଫୁଲା ଗ୍ରାମର ୪ ଜଣ ଝିଅଙ୍କୁ ଅନ୍ଲାଇନରେ ପଢ଼ାଇବା ପରେ ସେମାନଙ୍କୁ ବୃତ୍ତିଗତ କୌଶଳ, ଇମେଲିଂ, ନେଟଓ୍ବର୍କିଂ ସମ୍ପର୍କରେ ଶିକ୍ଷା ଦେଇଥିଲେ। ପରେ ସେ ସାଝେ ସପ୍ନା ଆରମ୍ଭ କରି ହିମାଚଳପ୍ରଦେଶର ଖଣ୍ଡବାରି ଗାଁରେ ପ୍ରଥମ ଆବାସିକ କ୍ୟାମ୍ପସ ଖୋଲି ଝିଅମାନଙ୍କୁ ଶିକ୍ଷା ଓ କର୍ମ କୌଶଳ ଉପରେ ଗୁରୁତ୍ୱ ଦେଉଛନ୍ତି। ସୁରଭି ଓ ତାଙ୍କ ଟିମ୍ ଡୋନେସନ୍ରେ ଏହି କାର୍ଯ୍ୟ କରୁଛନ୍ତି। ସେ ବିଭିନ୍ନ ରାଜ୍ୟର ଏଭଳି କ୍ୟାମ୍ପସ ଖୋଲିବାକୁ ଯୋଜନା କରିଛନ୍ତି।
