ପେଟ୍ରୋଲ ଓ ଡିଜେଲ ଦର ବୃଦ୍ଧି ଓ ପରିବେଶଗତ ପ୍ରଭାବ ଏଡ଼ାଇବା ଲାଗି ଝାଡ଼ଖଣ୍ଡର ଇଞ୍ଜିନିୟର ବିଶାଲ ପ୍ରସାଦ ଗୁପ୍ତା ଶୈବାଳରୁ ପ୍ରସ୍ତୁତ କରିଛନ୍ତି ବାୟୋ ଫୁଏଲ ବା ଜୈବ ଇନ୍ଧନ। ଏହା ପେଟ୍ରୋଲର ଏବକାର ଦାମ୍ଠାରୁ ପାଖାପାଖି ୨୭ଟଙ୍କା କମ୍ ରହୁଛି। ଝାଡ଼ଖଣ୍ଡର ବିଭିନ୍ନ ଗଡ଼ିଆପୋଖରୀରେ ବଢୁଥବା ଛୋଟ ଶୈବାଳରୁ ଏହା ବାୟୋ ଫୁଏଲ ପ୍ରସ୍ତୁତ ହେଉଛି। ୨୦୨୦ରେ କେନ୍ଦ୍ର ପେଟ୍ରୋଲ ଓ ପ୍ରାକୃତିକ ଗ୍ୟାସ୍ ମନ୍ତ୍ରଣାଳୟରୁ ସ୍ବୀକୃତି ପାଇବା ପରେ ରାଞ୍ଚିସ୍ଥିତ ତାଙ୍କ ପେଟ୍ରୋଲ ପମ୍ପରେ ବାୟୋଫୁଏଲ ବିକ୍ରି କରୁଛନ୍ତି। ଅଧିକ ଜୈବ ଇନ୍ଧନ ଉପତ୍ାଦନ ପାଇଁ ସେ ସିଟି ଡ୍ୟାମ୍ରେ ଶୈବାଳ ଚାଷ କରିବା ସକାଶେ ରାଞ୍ଚି ମ୍ୟୁନିସିପାଲିଟି ସହ ଏକ ବୁଝାମଣା କରିଛନ୍ତି। ବିର୍ଲା ଇନ୍ଷ୍ଟିଚ୍ୟୁଟ ଅଫ୍ ଟେକୋ୍ନଲୋଜିରୁ ଡିଗ୍ରୀ ହାସଲ କରିବା ପରେ ବହୁ ରାଷ୍ଟ୍ରୀୟ ତୈଳ ଓ ଗ୍ୟାସ କମ୍ପାନୀ ଟୋଟାଲ୍ ଏନର୍ଜିସ ଏସ୍ଇ, ଯାହା ଭାରତୀୟ ତୈଳ ନିଗମ ସହ ଚୁକ୍ତି କରିଥିଲା, ସେଥିରେ କାମ କରିବା ପରେ ଅନ୍ୟ ପବ୍ଲିକ ସେକ୍ଟର ୟୁନିଟ୍ରେ ୧୫ ବର୍ଷ କାର୍ଯ୍ୟ କରିଥିଲେ। କେନ୍ଦ୍ରରେ ଜୈବ ଇନ୍ଧନ ଉପରେ ଏକ ଜାତୀୟ ନୀତି ଆସିବା ପରେ ସେ ୨୦୧୮ରେ ଗବେଷଣା ଆରମ୍ଭ କରି ଏହି ବାୟୋଫୁଏଲ ପ୍ରସ୍ତୁତ କରିବାରେ ସକ୍ଷମ ହୋଇପାରିଛନ୍ତି। ସେ ଦିନକୁ ୨,୦୦୦ରୁ ୨,୫୦୦ କିଲୋଲିଟର ବାୟୋଫୁଏଲ ବିକ୍ରି କରୁଛନ୍ତି ଏବଂ ଏଯାବତ୍ ୨,୫୦,୦୦୦ କିଲୋଲିଟର ବିକ୍ରି କରି ସାରିଲେଣି। ଉପତ୍ାଦନର ପ୍ରତ୍ୟେକ ପର୍ଯ୍ୟାୟରେ ସେ ୭,୦୦୦ କିଲୋଲିଟର ଉପତ୍ାଦନ କରୁଛନ୍ତି। ବିଭିନ୍ନ ଜଳାଶୟରେ ଶୈବାଳ ଚାଷ କରିବାକୁ ଏନ୍ଜିଓଗୁଡ଼ିକ ତାଙ୍କୁ ସହଯୋଗ କରୁଛନ୍ତି।
