ମଲିହାବାଦ୍ର ଏକ ଆମ୍ବବଗିଚା ଦେଇ ସକାଳେ କିମ୍ବା ସନ୍ଧ୍ୟାବେଳେ ଯିବା ସମୟରେ ବକ୍ସରଙ୍କ ପଞ୍ଚିଂ ଶବ୍ଦ ଶୁଣିପାରିବେ। ଏହି ବଗିଚାର ମାଲିକ ହେଉଛନ୍ତି ମହମ୍ମଦ ସୈଫ ଖାନ୍ । ପେସାରେ ସେ ଜଣେ ଆମ୍ବଚାଷୀ ଓ ଭଲ ବକ୍ସର। ଏବେ ସୈଫଙ୍କ ବୟସ ୪୭। ତାଙ୍କର ୨ ଏକର ବିଶିଷ୍ଟ ଆମ୍ବବଗିଚାକୁ ସେ ବକ୍ସିଂ ପ୍ରଶିକ୍ଷଣ କେନ୍ଦ୍ର କରିଛନ୍ତି। ଆମ୍ବଗଛରେ ଝୁଲୁଥିବା ବ୍ୟାଗ୍କୁ ପିଲାମାନେ ପଞ୍ଚିଂ କରନ୍ତି । ୨୦୦୬ରୁ ସେ ଏଯାବତ ୮୭ ଜଣ ଝିଅ ଓ ୧୮ପୁଅଙ୍କୁ ବକ୍ସିଂ ଶିକ୍ଷା ଦେଇ ସାରିଲେଣି। ସେମାନଙ୍କ ମଧ୍ୟରୁ କେତେକ ଜିଲା, ରାଜ୍ୟ ଓ ଜାତୀୟ ସ୍ତରରେ ପଦକ ହାସଲ କରିଛନ୍ତି। କଲେଜରେ ପଢ଼ିବାବେଳେ ସୈଫ ଲକ୍ଷ୍ନୌରେ ଜଣେ ଜାତୀୟ କୋଚ୍ଙ୍କଠାରୁ ବକ୍ସିଂ ଶିକ୍ଷା ନେଇ ଜିଲା ଏବଂ ରାଜ୍ୟ ସ୍ତରରେ ପ୍ରତିନିଧିତ୍ୱ କରିଥିଲେ। ସେହି ଅଭିଜ୍ଞତାକୁ ଆଧାର କରି ସେ ମାଗଣାରେ ଝିଅମାନଙ୍କୁ ଆମତ୍ରକ୍ଷା କୌଶଳ ଓ ବକ୍ସିଂ ଶିକ୍ଷା ଦେଉଛନ୍ତି। ୧୫ ବର୍ଷ ହେବ ସେ ଏହି କାର୍ଯ୍ୟ କରି ଆସୁଛନ୍ତି ଏବଂ ଆମ୍ବବଗିଚାର ଆୟରୁ ପିଲାମାନଙ୍କ କିଟ୍, ଖାଇବା ଖର୍ଚ୍ଚ ତୁଲାଉଛନ୍ତି। ଏଥିତ୍ପାଇଁ ସେ ‘ଜୋଶ ଏକାଡେମୀ ସମିତି’ ମଧ୍ୟ ଗଠନ କରିଛନ୍ତି। ସୈଫ ଏବେ ଏକ ଆଧୁନିକ ପ୍ରଶିକ୍ଷଣ କେନ୍ଦ୍ର କରିବା ଲାଗି ଜାଗା ଠିକ୍ କରିଛନ୍ତି ଓ ଏଥିପାଇଁ ତାଙ୍କୁ ତିନୋଟି ଏନ୍ଜିଓ ସହଯୋଗର ହାତ ବଢ଼ାଇଛନ୍ତି।
