ପ୍ରତିକୂଳ ପରିସ୍ଥିତିରେ ପିଲାବେଳୁ ବଢ଼ି ଆସିଥିବା ଝିଅଟି ନିଜ ବାହାଘର ଲାଗି ସଞ୍ଚତ୍ଥିବା ଟଙ୍କାରେ ଦିବ୍ୟାଙ୍ଗମାନଙ୍କୁ ମାଗଣାରେ ଶିକ୍ଷା ଦେଉଛନ୍ତି। ସେ ହେଉଛନ୍ତି ତାମିଲନାଡୁର ଟ୍ରିପ୍ଲିକେନ୍ ସହର ନିବାସୀ ସୁଗଣ୍ୟା କାଣ୍ଡାସାମୀ। ସେ ସଞ୍ଚତ୍ତ ୮୦,୦୦୦ ଟଙ୍କା ଖର୍ଚ୍ଚ କରି ‘ଚ୍ୟାଲେଞ୍ଜ ରିହାଭ୍ ସେଣ୍ଟର’ଖୋଲି ୪୦ ଜଣ ଦିବ୍ୟାଙ୍ଗ ପିଲାଙ୍କୁ ଶିକ୍ଷା ଦେଉଛନ୍ତି। ଏମାନଙ୍କ ମଧ୍ୟରେ ଅଧିକ ଅପସ୍ମାର ଏବଂ ଆଟେନ୍ସନ ଡେଫିସିଟି ହାଇପର୍ଆକ୍ଟିଭ ଡିଜଅର୍ଡର(ଏଡିଏଚ୍ଡି)ପିଲା ମଧ୍ୟ ରହିଛନ୍ତି। ସୁଗଣ୍ୟାଙ୍କ ପିତା ଜଣେ ମତ୍ସ୍ୟଜୀବୀ। ମହିଳାଙ୍କ ଶିକ୍ଷା ଉପରେ ପରିବାରରେ ଗୁରୁତ୍ୱ ନ ଥିତ୍ବାରୁ ସୁଗଣ୍ୟା ଉଚ୍ଚଶିକ୍ଷା ପାଇବାରୁ ବଞ୍ଚିତ ହୋଇଥିଲେ। କିନ୍ତୁ ପରବର୍ତ୍ତୀ ସମୟରେ ସେ ନିଜସ୍ବ ଉଦ୍ୟମରେ ବିଜ୍ଞାନରେ ସ୍ନାତକୋତ୍ତର ଡିଗ୍ରୀ ହାସଲ କରିବା ସହ ମନସ୍ତତ୍ତ୍ୱ ବିଜ୍ଞାନ, ଅଡିଓଲୋଜିରେ ଡିଗ୍ରୀ ହାସଲ କରିବାକୁ ସକ୍ଷମ ହୋଇଛନ୍ତି। ସ୍ପିଚ୍ ଥେରାପି ଏବଂ କାଉନ୍ସିଲିଂରେ ମଧ୍ୟ ତାଙ୍କର ବିଶେଷ ଦକ୍ଷତା ରହିଛି। ଶିକ୍ଷା ଶେଷ କରିବା ପରେ ୨୦୧୦ରେ ସେ ଏକ ଏନ୍ଜିଓରେ କାର୍ଯ୍ୟ କରିଥିଲେ। ପରେ ୨୦୧୪ରେ ଏନ୍ଜିଓ ଛାଡି ‘ଚ୍ୟାଲେଞ୍ଜ ରିହାଭ୍ ସେଣ୍ଟର୍’ ଖୋଲିଥିଲେ। ସାଇନ୍ ଲାଙ୍ଗୁଏଜ୍ରେ ଶିକ୍ଷା ଲାଭ କରିଥିବାରୁ ପିଲାମାନଙ୍କୁ ପଢ଼ାଇବାରେ ସୁଗଣ୍ୟାଙ୍କୁ କିଛି ଅସୁବିଧା ହେଉନାହିଁ। ଏବେ ସେ ଏକ ଭୋକେଶନାଲ ଟ୍ରେନିଂ ସେଣ୍ଟର୍ ଖୋଲିବା ପାଇଁ ଯୋଜନା କରିଛନ୍ତି।
