କୋଭିଡ୍-୧୯ ଦ୍ୱିତୀୟ ଲହର ଭୟାବହତାରେ ବ୍ୟକ୍ତିଗତ ସହାୟତାର ଆବଶ୍ୟକତା ଅନୁଭବ କରିଥିଲେ କୋନୁରର ରାଧିକା ଶାସ୍ତ୍ରୀ। କୋନୁରରେ ରାଧିକାଙ୍କର ଏକ ରେସ୍ତୋରଁା ଅଛି। ତାମିଲନାଡୁ ପଶ୍ଚିମଘାଟ ପର୍ବତମାଳାର ନୀଳଗିର ଅଞ୍ଚଳରେ ଦ୍ୱିତୀୟ ଲହର ଭୟଙ୍କର ସ୍ଥିତି ସୃଷ୍ଟି କରିବାବେଳେ ସ୍ବାସ୍ଥ୍ୟସେବାରେ ଅବ୍ୟବସ୍ଥାକୁ ଲକ୍ଷ୍ୟ କରି ରାଧିକା ଏକ ଅଟୋ ଆମ୍ବୁଲାନ୍ସ ଡିଜାଇନ କରିଥିଲେ। ଏଥିରେ ଏକ ଷ୍ଟ୍ରେଚର ଓ ଦୁଇ ଜଣ ଆଟେଣ୍ଡାଣ୍ଟ ବସିବାକୁ ଦୁଇଟି ସିଟ ବ୍ୟବସ୍ଥା କରାଯାଇଛି। ଏଥିରେ ଫାଷ୍ଟଏଡ୍ କିଟ୍ ଓ ଅକ୍ସିଜେନ ସିଲିଣ୍ଡର ମଧ୍ୟ ରଖାଯାଉଛି। କୋଭିଡ୍ ଦ୍ୱିତୀୟ ଲହର ସମୟରେ ସେ ଏହାକୁ ଆରମ୍ଭ କରିଥିଲେ। ଏବେ ଏମିତିକା ୬ଟି ଅଟୋ ଆମ୍ବୁଲାନ୍ସ କରି ହସ୍ପିଟାଲ ଓ ଏନ୍ଜିଓକୁ ଦାନ କରିଛନ୍ତି। ୪୭୦ସିସି ବଜାଜ୍ ଅଟୋରେ ଏହା କରାଯାଇଛି। ଏଥିପାଇଁ ରାଧିକା ୨୪ ଲକ୍ଷ ଟଙ୍କା ଖର୍ଚ୍ଚ କରିଛନ୍ତି। କୋଭିଡ୍ ରୋଗୀଙ୍କୁ ନେବା ଲାଗି ଚାଳକଙ୍କ ସିଟକୁ ପଛଭାଗରୁ ହାର୍ଡ ବୋର୍ଡ ଦ୍ୱାରା ଅଲଗା ରଖାଯାଇଛି।
