ପ୍ରକୃତିର ଅନେକ କରିସ୍ମା ଦେଖିଛନ୍ତି । ତେବେ ନିକଟରେ ମଧ୍ୟପ୍ରଦେଶର ସିଦ୍ଧି ଜିଲାରେ ଘଟିଥିବା ଘୂର୍ଣ୍ଣିଝଡ଼ରେ ଏକ ନିଆରା ଘଟଣା ଦେଖିବାକୁ ମିଳିଛି। ହଠାତ୍ ଏକ ପୋଖରୀର ପାଣି ୨୦ ଫୁଟ ଉପରକୁ ଉଠିଯାଇଥିଲା। ସିଦ୍ଧି ଜିଲା ମୁଖ୍ୟାଳୟଠାରୁ ୮୦କି.ମି. ଦୂର ଆଦିବାସୀ ଅଧ୍ୟୁଷିତ ବନାଞ୍ଚଳ କୁଶମୀର ଭୂଇମାଡ ଗାଁରେ ଏଭଳି ଦୃଶ୍ୟ ଦେଖାଯାଇଛି। ସେଠାରେ ଅପରାହ୍ନରେ ହଠାତ୍ ଝଡ଼ ଆସିଲା ଓ ଏହାର ଗତି ଏତେ ତୀବ୍ର ଥିଲା ଯେ, ତାହା ପୋଖରୀରୁ ପାଣିକୁ ୩୦ ଫୁଟ ଉପରକୁ ନେଇଗଲା। ଉପରେ ୨୦ରୁ ୩୦ ମିନିଟ୍ ରହିବା ପରେ ପୁଣି ପାଣି ପୋଖରୀରେ ପଡ଼ିଥିଲା। ଗୋଟିଏ ପମ୍ପରୁ ପ୍ରେସରରେ ପାଣି ଉପରକୁ ଉଠିଲା ଭଳି ଥିଲା ଏହି ଦୃଶ୍ୟ।
ଏହାଦେଖି ପ୍ରଥମେ ଲୋକମାନେ ଭୟ କରିଯାଇଥିଲେ କିନ୍ତୁ ପରେ ସେମାନେ ମୋବାଇଲରେ ଏହାକୁ ଉତ୍ତୋଳନ କରିଥିଲେ। ଝଡ଼ ପ୍ରଥମେ ଗାଁର ଚାଳଛପର ଉଡାଇ ନେବାପରେ ପୋଖରୀରୁ ପାଣି ଉପରକୁ ଉଠିବା ଆରମ୍ଭ ହୋଇଥିଲା। ଏଭଳି ଅଦ୍ଭୁତ ଦୃଶ୍ୟ ପ୍ରଥମଥର ଦେଖିବାକୁ ମିଳିଛି ବୋଲି କହନ୍ତି ସେଠାକାର ବାସିନ୍ଦା।
