ଦୃଢ଼ ଇଚ୍ଛାଶକ୍ତି ଆଗରେ ସବୁ ବାଧା ଟଳିଯାଏ, ବ୍ୟକ୍ତି ନିଜ ଲକ୍ଷ୍ୟରେ ପହଞ୍ଚିଯାଏ; ଯାହା ଘଟିଛି ଅଙ୍କିତା ଶାହାଙ୍କ ଜୀବନରେ। ଅହମଦାବାଦର ଅଙ୍କିତା ଜଣେ ଭିନ୍ନକ୍ଷମ। ତେବେ ସବୁ ସମସ୍ୟାକୁ ସାମ୍ନା କରି ଅଟୋ ଚଳାଇ ଗୁଜୁରାଣ ମେଣ୍ଟାଉଛନ୍ତି। ସେ ଅହମଦାବାଦର ପ୍ରଥମ ଭିନ୍ନକ୍ଷମ ମହିଳା ଅଟୋଚାଳକ। ଅଙ୍କିତାଙ୍କ ବୟସ ୩୮। ତାଙ୍କ ବୟସ ୧ ବର୍ଷ ହୋଇଥିବାବେଳେ ସେ ପୋଲିଓ ଆକ୍ରାନ୍ତ ହୋଇ ଆଉ ଚାଲିପାରୁ ନ ଥିଲେ। ତେବେ ଜୀବନ ସଂଗ୍ରାମରେ ଆଗକୁ ବଢ଼ି ଅର୍ଥନୀତିରେ ଡିଗ୍ରୀ ହାସଲ କରିପାରିଛନ୍ତି। ପରେ ୨୦୦୯ରେ ସେ ଅହମଦାବାଦ ଯାଇ ଚାକିରି ଖୋଜି ପାଇବାରେ ସକ୍ଷମ ନ ହେବାରୁ ଅଟୋ ଚଳାଇବା ପାଇଁ ନିଷ୍ପତ୍ତି ନେଇଥିଲେ। ପରିବାରର ୭ ଜଣ ସଦସ୍ୟଙ୍କ ଭରଣପୋଷଣ ଦାୟିତ୍ୱ ତାଙ୍କ ଉପରେ ରହିଥିବାରୁ ସେ ଏଭଳି କ୍ଷେତ୍ରରେ ପାଦଥାପିବାକୁ ବାଧ୍ୟ ହୋଇଥିଲେ। ତେବେ ଏବେ ସେ ମାସକୁ ପାଖାପାଖି୨୫,୦୦୦ ଟଙ୍କା ରୋଜଗାର କରୁଛନ୍ତି। ସକାଳ ୧୦ଟାରେ ଅଟୋ ନେଇ ବାହାରି ଯାଉଛନ୍ତି ଓ ଫେରୁଛନ୍ତି ରାତି ୮ଟାରେ।
