ଉଚ୍ଚ ଶିକ୍ଷାପ୍ରାପ୍ତ ଯୁବତୀଯୁବକ ଚାକିରି ପଛରେ ଦୌଡ଼ୁଥିବାବେଳେ ଉତ୍ତର ପ୍ରଦେଶର ଅନଶୁଲ ମିଶ୍ରା କମ୍ପ୍ୟୁଟର ସାଇନ୍ସରେ ଡିଗ୍ରୀ କରିବା ପରେ ଚାଷକୁ ବୃତ୍ତି ଭାବେ ଗ୍ରହଣ କରିଛନ୍ତି। ଶାହାଜାହାନପୁରର ୨୮ ବର୍ଷୀୟ ଅନଶୁଲ ଚେନ୍ନାଇରେ କମ୍ପ୍ୟୁଟର ସାଇନ୍ସରେ ଡିଗ୍ରୀ କରିବା ପରେ ବୈଷୟିକ ବୃତ୍ତିରେ ରହିବା ଲାଗି ପସନ୍ଦ କରି ନଥିଲେ। ସେ ୨୦୧୮ରେ ଚାଷ କରିବାକୁ ନିଜ ଗଁାକୁ ଫେରିଥିଲେ। ପ୍ରଥମେ ସେ ବିଭିନ୍ନ ଫସଲ କରିଥିଲେ। ସେଥିରୁ ଭଲ ଲାଭ ନ ପାଇବାରୁ ଶେଷକୁ ଡ୍ରାଗନଫ୍ରୁଟ୍ସ ଚାଷ କରିବାକୁ ନିଷ୍ପତ୍ତି ନେଇଥିଲେ। ୨୦୨୦ରେ ସେ ମହାରାଷ୍ଟ୍ର ସୋଲାପୁରରୁ ୧୬୦୦ ଡ୍ରାଗନଫ୍ରୁଟ୍ସ ଚାରା ଆଣି ୧ ଏକରରେ ଲଗାଇଥିଲେ। ୧୮ ମାସ ପରେ ଏଥିରେ ପ୍ରଥମ ଫଳ ଆସିଥିଲା। ୬ ବର୍ଷ ମଧ୍ୟରେ ଚାଷକୁ ୫ ଏକରକୁ ସମ୍ପ୍ରସାରଣ କରିପାରିଛନ୍ତି। ଏବେ ସେ ସେଥିରୁ ୨୫ରୁ ୩୦ କୁଇଣ୍ଟାଲ ଡ୍ରାଗନଫ୍ରୁଟ୍ସ ଉତ୍ପାଦନ କରୁଛନ୍ତି। ଏଥିରୁ ଅନଶୁଲ ବର୍ଷକୁ ୨୦ ଲକ୍ଷ ଟଙ୍କା ରୋଜଗାର କରୁଛନ୍ତି। ସେ ଅଧିକରୁ ଅଧିକ ଲାଭ ପାଇଁ ଚେଷ୍ଟା କରୁଥିବାେବେଳ ଅନ୍ୟ ଭାଇମାନେ କିଭଳି ଡ୍ରାଗନଫ୍ରୁଟ୍ସ ଚାଷ କରିବେ, ସେଥିପାଇଁ ଚେଷ୍ଟା କରୁଛନ୍ତି। ସେ ଡ୍ରାଗନଫ୍ରୁଟ୍ସ ନର୍ସରି କରି ଚାରା ଉତ୍ତାରୁଛନ୍ତି ଏବଂ ତାହାକୁ କମ୍ ମୂଲ୍ୟରେ ଚାଷୀଙ୍କୁ ଯୋଗାଉଛନ୍ତି।