ଜିଆଖତ ବ୍ୟବସାୟ ଆରମ୍ଭ ହୋଇଥିଲା ୫୦୦ ଟଙ୍କାରେ। ଏବେ ଏଥିରୁ ମାସକୁ ୩ ଲକ୍ଷରୁ ଅଧିକ ଟଙ୍କା ରୋଜଗାର କରୁଛନ୍ତି ଆସାମର କନିକା ତାଲୁକଦାର। ସେ ନଲବାରି କୃଷି ବିଜ୍ଞାନ କେନ୍ଦ୍ରରୁ ପ୍ରଶିକ୍ଷଣ ନେଇ ଜିଆଖତ ପ୍ରସ୍ତୁତ କରିବା ଆରମ୍ଭ କରିଥିଲେ। ଏବେ ସେ ଜିଆଖତ ପ୍ରସ୍ତୁତ କରିବା ସହ ଏଥିରୁ ଭର୍ମିଓ୍ବାଶ୍ ଲିକ୍ୟୁଡି ମଧ୍ୟ ତିଆରି କରୁଛନ୍ତି। ଜିଆଖତ ଲାଗି ସେ ଗୋବର ସହିତ ଶସ୍ୟ ବର୍ଜ୍ୟ ଓ ଜୈବିକ ଅଳିଆ ବ୍ୟବହାର କରୁଛନ୍ତି। ଜିଆଖତକୁ ସେ ଆସାମ କୃଷି ବିଭାଗକୁ ବିକ୍ରି କରିବା ସହ ମେଘାଳୟ, ନାଗାଲାଣ୍ଡ ଓ ଆସାମର ନର୍ସରିଗୁଡ଼ିକୁ ଯୋଗାଉଛନ୍ତି। ଏହି ବ୍ୟବସାୟରେ ସେ ଅନେକଙ୍କୁ ନିଯୁକ୍ତି ଦେଇଛନ୍ତି। କନିକା ଶିଶୁକନ୍ୟାକୁ ଜନ୍ମଦେବା ପରେ ତାଙ୍କ ସ୍ବାମୀଙ୍କ ମୃତ୍ୟୁ ଘଟିଥିଲା। ତାଙ୍କ ପିତା ତାଙ୍କୁ ନିଜ ଘରକୁ ନେଇଯାଇଥିଲେ। କିନ୍ତୁ କନିକା ବୃଦ୍ଧ ମାତାପିତାଙ୍କ ଉପରେ ବୋଝ ନ ହେବା ଲାଗି ପ୍ରଥମେ ଲୁଗା ବୁଣି ମାସକୁ ୧୦୦୦ ଟଙ୍କା ରୋଜଗାର କରୁଥିଲେ। ଏହା ପରିବାର ଚଳାଇବା ଏବଂ ଝିଅକୁ ପଢ଼ାଇବା ଲାଗି ପଯର୍ର୍ୟାପ୍ତ ନ ହେବାରୁ ସେ ଜିଆଖତ ପ୍ରସ୍ତୁତ କରିବାକୁ ନିଷ୍ପତ୍ତି ନେଇଥିଲେ। ଏବେ ସେ ହେଉଛନ୍ତି ଆସାମର ଜଣେ ଅଗ୍ରଣୀ ଜିଆଖତ ବ୍ୟବସାୟୀ।
