ଜିଆଖତ ଉତ୍ପାଦନ କରି ବର୍ଷକୁ ୧ କୋଟି ଟଙ୍କାରୁ ଅଧିକ ରୋଜଗାର କରିବା ବିଷୟ ଶୁଣି ଆଶ୍ଚର୍ଯ୍ୟ ଲାଗୁଥିଲେ ବି ସତ। ଏହା ମେରଟର ସନା ଖାନ୍ଙ୍କ ଦ୍ୱାରା ସମ୍ଭବ ହୋଇପାରିଛି। ଡାକ୍ତର ହେବା ପାଇଁ ଚାହୁଁଥିଲେ ସନା। ପ୍ରବେଶିକାରେ ସଫଳ ନ ହେବାରୁ ଇଞ୍ଜିନିୟରିଂ ପଢ଼ିଲେ। ଏହି ସମୟରେ ସେ ଭର୍ମିକମ୍ପୋଷ୍ଟ(ଜିଆଖତ) ପ୍ରୋଜେକ୍ଟରେ କାମ କରିବାର ସୁଯୋଗ ପାଇବା ପରେ ସେହିଠାରୁ ତାଙ୍କ ଜୀବନର ଗତିପଥ ବଦଳିବା ଆରମ୍ଭ ହୋଇଗଲା। ପ୍ରଥମେ ସେ ତାଙ୍କ ଭାଇଙ୍କଠାରୁ ଟଙ୍କା ଆଣି ଏସ୍.ଜେ. ଅର୍ଗାନିକ୍ସ ଭର୍ମି କମ୍ପୋଷ୍ଟ କମ୍ପାନୀ ପ୍ରତିଷ୍ଠା କରିଥିଲେ। ଧୀରେ ଧୀରେ ତାଙ୍କ କମ୍ପାନୀ ଆଗକୁ ବଢ଼ିଲା ଓ ଖତ ଉତ୍ପାଦନ ବି ବଢ଼ିଲା। ସେ ୨୦୨୦ରେ ୫୦୦ ଟନ୍ ବର୍ଜ୍ୟ ଉପଯୋଗ କରି ୧୫୦ ଟନ୍ ଖତ ପାଇଥିଲେ। ଏବେ ଏହା ବୃଦ୍ଧି ପାଇଛି ଏବଂ ଏଥିରୁ ସେ ବର୍ଷକୁ ୧ କୋଟି ଟଙ୍କା ରୋଜଗାର କରୁଛନ୍ତି। ଏହି କାର୍ଯ୍ୟରେ ସେ ୩୦ ଜଣଙ୍କୁ ନିଯୁକ୍ତି ଦେଇଛନ୍ତି। କେବଳ ଏତିକି ନୁହେଁ, ସନା ୧୦୦ଟି ସ୍କୁଲରେ ବର୍ଜ୍ୟରୁ ଜିଆଖତ ପ୍ରସ୍ତୁତ କରିବା ଲାଗି ବ୍ୟବସ୍ଥା କରିଛନ୍ତି। ଏହା ବ୍ୟତୀତ ସେ ଜିଆଖତ ଉତ୍ପାଦନ ସମ୍ପର୍କରେ ପ୍ରଶିକ୍ଷଣ ମଧ୍ୟ ଦେଉଛନ୍ତି।
