ନୂଆଦିଲ୍ଲୀ, ୨୭।୮ : ଗୁଲାମ ନବୀ ଆଜାଦଙ୍କ ଇସ୍ତଫା ସମ୍ପର୍କରେ ଶନିବାର କଂଗ୍ରେସ ଏମ୍ପି ମନୀଷ ତିୱାରୀ କହିଛନ୍ତି ଯେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ସମାଲୋଚନା କରୁଥିବା ଆଜାଦଙ୍କ ପାଞ୍ଚ ପୃଷ୍ଠାର ଚିଠିର ଦୋଷ ଦୁର୍ବଳତା ଉପରେ ସେ କୌ ଣସି ମନ୍ତବ୍ୟ ଦେବାକୁ ଚାହୁଁନାହାଁନ୍ତି। ଗୁଲାମ ନବୀ ବଝାଇବାର ସର୍ବୋତ୍ତମ ସ୍ଥିତିରେ ରହଥିବ ା ବୋଲି ସେ କହିଛନ୍ତି। ଏବେ ଚପରାସୀ ବରିଷ୍ଠ ନେତାଙ୍କୁ କଂଗ୍ରେସ ଦଳ ବିଷୟରେ ଜ୍ଞାନ ଦେଉଛନ୍ତି। ଏହା ଅତ୍ୟନ୍ତ ହାସ୍ୟାସ୍ପଦ।
ସେ କହିଛନ୍ତି ଯେ ଆଶ୍ଚର୍ଯ୍ୟଜନକ କଥା ହେଉଛି ଯେଉଁମାନଙ୍କର ୱାର୍ଡ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାର କ୍ଷମତା ନାହିଁ ସେମାନେ କଂଗ୍ରେସ ନେତାଙ୍କ ଚପରାସୀ ଥିଲେ। ମାତ୍ର ସମୟ ସହିତ ସେମାନେ ନିଜକୁ ଦଳର ବରିଷ୍ଠ ନେତା ମନେକରି ଅନ୍ୟଙ୍କୁ ହେୟ ମଣୁଛନ୍ତି। ଦଳ ଏବେ ଗୁରୁତର ଅବସ୍ଥାରେ ଅଛି। ଯାହା ଘଟୁଛି ତାହା ଦୁଃଖଦାୟକ ଏବଂ ଦୁର୍ଭାଗ୍ୟଜନକ ବୋଲି ମନୀଷ କହିଛନ୍ତି।
ମନୀଷ ତିୱାରୀ ଆହୁରି କହିଛନ୍ତି ଯେ ଆମକୁ କାହାଠାରୁ ସାର୍ଟିଫିକେଟ ଦରକାର ନାହିଁ। ମୁଁ ଏହି ପାର୍ଟିକୁ ୪୨ ବର୍ଷ ଦେଇଛି। ମୁଁ ଏହା ପୂର୍ବରୁ କହିଛି, ଆମେ କଂଗ୍ରେସର ଭିକାରୀ ନୁହଁ, ଆମେ ସଦସ୍ୟ । ବର୍ତ୍ତମାନ ଯଦି ତୁମେ ଆମକୁ ବାହାର କରିବାକୁ ଚେଷ୍ଟା କର, ତାହା ଅନ୍ୟ ଏକ କଥା। ଆମେ ସେଭଳି ପରିସ୍ଥିତିର ମଧ୍ୟ ସାମନା କରିବୁ।
ମନୀଷ ତିୱାରୀ କହିଛନ୍ତି ଯେ ଦୁଇ ବର୍ଷ ପୂର୍ବେ ଆମ ମଧ୍ୟରୁ ୨୩ ଜଣ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଏକ ଚିଠି ଲେଖିଥିଲୁ ଯେ କଂଗ୍ରେସର ଅବସ୍ଥା ଚିନ୍ତାଜନକ। ଏହା ଉପରେ ବିଚାର କରିବା ଆବଶ୍ୟକ। ଅନେକ ଲୋକ ଏବଂ ପରିବାର ନିଜ ରକ୍ତରେ କଂଗ୍ରେସକୁ ଗଠନ କରିଛନ୍ତି। ଯଦି କେହି କିଛି ପାଇଛନ୍ତି ତାହା ମାଗଣାରେ ପାଇ ନାହାନ୍ତି। ନିଜ ଉଦମ୍ୟରେ ପାଇଥିବା ସେ କହିଛନ୍ତି।
