ଟୋକିଓ ଅଲିମ୍ପିକ୍ସ ଆରମ୍ଭ ହେବାକୁ ଆଉ ମାତ୍ର ୧୫ ଦିନରୁ କମ ସମୟ ବାକି ଅଛି। ଭାରତୀୟ ଖେଳାଳିମାନେ ଏଥର ଏକ ଡଜନରୁ ଅଧିକ ଅଲିମ୍ପିକ ପଦକ ପାଇବାକୁ ଆଶା କରୁଛନ୍ତି। ତେବେ ଅଲିମ୍ପିକ୍ସର ୧୨୫ ବର୍ଷର ଇତିହାସରେ ଭାରତ ମାତ୍ର ୨୮ତଟି ପଦକ ଜିତିବାରେ ସକ୍ଷମ ହୋଇଛି। ଏଥିରେ କେବଳ ୧୪ ଜଣ ଭାରତୀୟ ବ୍ୟକ୍ତିଗତ ଅଲିମ୍ପିକ ପଦକ ଜିତିଛନ୍ତି।
ଭାରତକୁ ପ୍ରଥମ ଥର ପାଇଁ ବ୍ରିଟିଶ ଭାରତୀୟ ନରମାନ ଗିଲବର୍ଟ ପ୍ରିଚାର୍ଡ ପ୍ରଦାନ କରିଥିଲେ। ପ୍ରିଚାର୍ଡ ଭାରତ ପାଇଁ ଅଂଶଗ୍ରହଣ କରିଥିଲେ ଏବଂ ଆଥଲେଟିକ୍ସରେ ଦୁଇଟି ପଦକ ଜିତିଥିଲେ। ୧୮୭୭ ମସିହାରେ ଜନ୍ମ ହୋଇଥିବା ନରମାନ ଜଣେ ବ୍ରିଟିଶ ନାଗରିକ ଯିଏ ଭାରତରେ ରହୁଥିଲେ ଏବଂ ୧୯୦୫ରେ ବ୍ରିଟେନରେ ଅବସ୍ଥାନ କରିଥିଲେ। ପ୍ୟାରିସରେ ୧୯୦୦ ଅଲିମ୍ପିକ୍ସରେ ନରମାନ ୨୦୦ ମିଟର ଏବଂ ୨୦୦ ମିଟର ଦୌଡ଼ରେ ପଦକ ଜିତିଥିଲେ।
କେ.ଡି ଯାଦବ ହେଲସିଙ୍କି ଅଲିମ୍ପିକ ଗେମ୍ସରେ (୧୯୫୨) ବ୍ରୋଞ୍ଜ ପଦକ ଜିତିଥିଲେ। ମହାରାଷ୍ଟ୍ରର ସତାରାଠାରେ ଜନ୍ମଗ୍ରହଣ କରିଥିବା ରେସଲର ଯାଦବ ହେଉଛନ୍ତି ପ୍ରଥମ ଭାରତୀୟ ଆଥଲେଟ ଯିଏକି ବ୍ୟକ୍ତିଗତ ଅଲିମ୍ପିକ ପଦକ ଜିତିଛନ୍ତି।
୧୯୯୬ ଆଟଲାଣ୍ଟା ଅଲିମ୍ପିକ୍ସରେ ଟେନିସ ଖେଳାଳି ଲିଆଣ୍ଡର୍ ପେସ ବ୍ରୋଞ୍ଜ ପଦକ ଜିତି ଏକ ଇତିହାସ ସୃଷ୍ଟି କରିଥିଲେ। ୪୪ ବର୍ଷ ଅପେକ୍ଷା ପରେ ବ୍ୟକ୍ତିଗତ ଇଭେଣ୍ଟରେ ଭାରତ ଅଲିମ୍ପିକ ପଦକ ଜିତିଥିଲା।
ପୂର୍ବତନ ଭାରୋତ୍ତୋଳନକାରୀ କର୍ଣ୍ଣମ ମାଲେସ୍ବରୀ ୨୦୦୦ ସିଡନୀ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତିଥିଲେ।
ରାଜ୍ୟବର୍ଦ୍ଧନ ସିଂ ରାଠୋର ଏଥେନ୍ସ ୨୦୦୪ ଅଲିମ୍ପିକ୍ସରେ ସୁଟିଂରେ ରୌପ୍ୟ ପଦକ ଜିତି ଇତିହାସ ସୃଷ୍ଟି କରିଥିଲେ। ବ୍ୟକ୍ତିଗତ ଇଭେଣ୍ଟରେ ଜଣେ ଭାରତୀୟଙ୍କ ଦ୍ୱାରା ଏହା ପ୍ରଥମ ରୌପ୍ୟ ପଦକ ଥିଲା। ପୁରୁଷ ଡବଲ ଟ୍ରାପ ଇଭେଣ୍ଟରେ ସେ ରୌପ୍ୟ ପଦକ ଜିତିଥିଲେ।
ଅଲିମ୍ପିକ ଗେମ୍ସରେ ବ୍ୟକ୍ତିଗତ ସ୍ବର୍ଣ୍ଣ ପଦକ ଜିତିଥିବା ଅଭିନାଭ ବିନ୍ଦ୍ରା ହେଉଛନ୍ତି ପ୍ରଥମ ଭାରତୀୟ ଆଥଲେଟ। ସେ ୨୦୦୮ ବେଜିଂ ଅଲିମ୍ପିକ୍ସରେ ୧୦ ମିଟର ଏୟାର ରାଇଫଲ ଇଭେଣ୍ଟରେ ସ୍ବର୍ଣ୍ଣ ଜିତିଥିଲେ। ବିନ୍ଦ୍ରାଙ୍କ ସଫଳତା ପାଇଁ ୧୩ ବର୍ଷ ବିତିଗଲାଣି କିନ୍ତୁ ଏପର୍ଯ୍ୟନ୍ତ ଅଲିମ୍ପିକ୍ସରେ କୌଣସି ଭାରତୀୟ ସ୍ବର୍ଣ୍ଣ ପଦକ ପାଇନାହାଁନ୍ତି।
ବକ୍ସର ବିଜେନ୍ଦ୍ର ସିଂ ୨୦୦୮ ବେଜିଂ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତି ଇତିହାସ ସୃଷ୍ଟି କରିଥିଲେ। ସେ ପ୍ରଥମ ଭାରତୀୟ ବକ୍ସର ଯିଏକି ଏହି ଖେଳଗୁଡିକରେ ପଦକ ଜିତିଥିଲେ। ସେ ଦ୍ୱିତୀୟ ଭାରତୀୟ ଆଥଲେଟ ଯିଏକି ବେଜିଂ ଅଲିମ୍ପିକ୍ସରେ ପଦକ ଜିତିଥିଲେ।
ହତ୍ୟା ପାଇଁ ଜେଲରେ ଥିବା ରେସଲର ସୁଶୀଲ କୁମାର ହେଉଛନ୍ତି ଏକମାତ୍ର ଖେଳାଳି ଯିଏ ଅଲିମ୍ପିକ୍ସରେ ଦୁଇଟି ପଦକ ଜିତିଛନ୍ତି। ୨୦୦୮ ବେଜିଂ ଅଲିମ୍ପିକ୍ସରେ କୁସ୍ତିରେ ବ୍ରୋଞ୍ଜ ପଦକ ଜିତି ସୁଶୀଲ କୁମାର ପ୍ରଥମ ଥର ପାଇଁ ଦେଶ ପାଇଁ ପଦକ ଆଣିଥିଲେ। ଏହା ପରେ ସୁଶୀଲ ଲଣ୍ଡନ ଅଲିମ୍ପିକ୍ସ ୨୦୧୨ରେ ରୌପ୍ୟ ପଦକ ଜିତି ସ୍ବର୍ଣ୍ଣରୁ ବଞ୍ଚିତ ହୋଇଥିଲେ।
ସୁବେଦାର ମେଜର ବିଜୟ କୁମାର ୨୦୧୨ ଲଣ୍ଡନ ଅଲିମ୍ପିକ ଗେମ୍ସରେ ସୁଟିଂରେ ରୌପ୍ୟ ପଦକ ଜିତିଥିଲେ। ସାଇନା ନେହୱାଲ ହେଉଛନ୍ତି ଭାରତର ପ୍ରଥମ ଖେଳାଳି ଯିଏକି ବ୍ୟାଡମିଣ୍ଟନରେ ଅଲିମ୍ପିକ ପଦକ ଜିତିଛନ୍ତ।
ଭେଟେରାନ ବକ୍ସର ମେରି କୋମ ହେଉଛନ୍ତି ପ୍ରଥମ ମହିଳା ଖେଳାଳି ଯିଏକି ଅଲିମ୍ପିକ୍ସରେ ବକ୍ସିଂରେ ପଦକ ଜିତିଛନ୍ତି। ସେ ୨୦୧୨ ଲଣ୍ଡନ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତି ଭାରତକୁ ଗର୍ବିତ କରିଥିଲେ।
ଲଣ୍ଡନ ଅଲିମ୍ପିକ୍ସ ୨୦୧୨ ଗଗନ ନାରାଙ୍ଗଙ୍କ ଦ୍ୱାରା ବ୍ରୋଞ୍ଜ ପଦକ ଜିତିଥିଲା। ୧୦୦ ମିଟର ଏୟାର ରାଇଫଲ ଇଭେଣ୍ଟରେ ନାରଙ୍ଗ ଭାରତ ପାଇଁ ପଦକ ଜିତିଥିଲେ।
ଯୋଗେଶ୍ୱର ଦତ୍ତ ୨୦୧୨ ଲଣ୍ଡନ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତିଥିଲେ। ଲଣ୍ଡନ ଅଲିମ୍ପିକ୍ସରେ ଭାରତ ୬ଟି ପଦକ ଜିତିଥିଲା।
ଷ୍ଟାର ସଟଲର ପି.ଭି ସିନ୍ଧୁ ଗତ ଅଲିମ୍ପିକ ଗେମ୍ସରେ ରୌପ୍ୟ ପଦକ ଜିତିଥିଲେ। ସିନ୍ଧୁ ଅନ୍ତିମ ମ୍ୟାଚ ସ୍ପେନର କାରୋଲିନାଙ୍କୁ ହରାଇଥିଲେ।
ଭାରତୀୟ ତାରକା ଖେଳାଳି ସାକ୍ସି ମଲିକ ହେଉଛନ୍ତି ପ୍ରଥମ ମହିଳା ଯିଏକି ଅଲିମ୍ପିକ କୁସ୍ତିରେ ପଦକ ଜିତିଛନ୍ତି । ୨୦୧୬ ରିଓ ଅଲିମ୍ପିକ୍ସରେ ସେ ଏହି ସଫଳତା କରିଥିଲେ।
