ଜୟପୁର, ୧୫।୫(ନି.ପ୍ର.)-ଜୟପୁର ଟ୍ରାଫିକ ଛକ ନିକଟରେ ଥିବା ଜାତୀୟ ପତାକା ଶନିବାର ଅର୍ଦ୍ଧନମିତ ହୋଇଛି। ଆବୁଧାବିର ଶାସକ ତଥା ୟୁନାଇଟେଡ୍ ଆରବ ଏମିରେଟ୍ସର ସଭାପତି ଶେଖ୍ ଖଲିଫା ବିନ୍ ଜାଏଦ ଅଲନାହୟାନଙ୍କ ମୃତ୍ୟୁରେ ତାଙ୍କ ସମ୍ମାନାର୍ଥେ ଜାତୀୟ ପତାକା ଅର୍ଦ୍ଧନମିତ କରାଯାଇଥିବା ଜଣାପଡ଼ିଛି। ଏହି ସମୟରେ ପୌରାଧ୍ୟକ୍ଷ ନରେନ୍ଦ୍ର ମହାନ୍ତି, କାର୍ଯ୍ୟନିର୍ବାହୀ ଅଧିକାରୀ ସିଦ୍ଧାର୍ଥ ପଟ୍ଟନାୟକ, ଟାଉନ ଥାନା ଅଧିକାରୀ ସଞ୍ଜୟ ମଣ୍ଡଳ, ନିଶାନ ପଟ୍ଟନାୟକ, ଦୀପକ ଷଡ଼ଙ୍ଗୀ, ରବିନାରାୟଣ ହୋତା, ମୁରଲୀ ପଟ୍ଟନାୟକ, ଦୁର୍ଗା ସାହୁ, ବୁନୁ ଦାସ ପ୍ରମୁଖ ଉପସ୍ଥିତ ଥିଲେ।
