ପଞ୍ଜାବର ଗ୍ରାମାଞ୍ଚଳରେ ପିଲା ଓ ମହିଳାଙ୍କ ପାଇଁ ନୂଆ ସୃଷ୍ଟି କରିଛନ୍ତି ଆଇଏଏସ୍ ଅଧିକାରୀ ଜିତେନ୍ଦ୍ର ଜୋରଓ୍ବାଲ। ସଙ୍ଗ୍ରୁର ଜିଲାର ଡିଷ୍ଟ୍ରିକ୍ଟ କମିଶନର ଭାବେ ନିଯୁକ୍ତ ଜୋରଓ୍ବାଲ ବସ୍ତିର ପିଲାମାନଙ୍କୁ ଶିକ୍ଷାର ମୁଖ୍ୟସ୍ରୋତରେ ସାମିଲ କରିବା ପାଇଁ ‘ସ୍କୁଲ୍ସ ଅନ୍ ହ୍ବିଲ୍ସ’ ଆରମ୍ଭ କରିଛନ୍ତି। ଗରିବ ତଥା ଅଧାରୁ ପାଠ ଛାଡ଼ିଥିବା ପିଲାଙ୍କ ପାଇଁ ଏହି ଯୋଜନା ଆରମ୍ଭ କରାଯାଇଛି। ବସ୍ ପ୍ରତିଦିନ ସକାଳେ ପିଲାମାନଙ୍କୁ ବିଭିନ୍ନ ଶିକ୍ଷାକେନ୍ଦ୍ର, ଜିଲାରେ ଚାଲୁ ରହିଥିବା ପୁଷ୍କରିଣୀ ପୁନରୁଦ୍ଧାର ସ୍ଥଳ, ବିଭିନ୍ନ ବିକାଶମୂଳକ ପ୍ରୋଜେକ୍ଟ ଏବଂ ଶିକ୍ଷା ପାର୍କକୁ ନିଆଯାଉଛି। ସେଠାରେ ପିଲାଙ୍କ ମନ ବଦଳାଇ ଶିକ୍ଷାପ୍ରତି ଆକୃଷ୍ଟ କରାଯାଉଛି। ବସ୍ରେ ବିଭିନ୍ନ ପ୍ରକାର ଶିକ୍ଷା ଉପକରଣ, ଶିକ୍ଷାଭିତ୍ତିକ ଭିଡିଓ ରଖାଯାଇଛି। ବସ୍ରେ ଜଣେ ଶିକ୍ଷକ ଓ ଦୁଇଜଣ ଅଙ୍ଗନଓ୍ବାଡି କର୍ମଚାରୀ ରହୁଛନ୍ତି। ସେମାନେ ବସ ଭିତରେ ପିଲାମାନଙ୍କୁ ପଢ଼ାଉଛନ୍ତି। ଜିଲା ପ୍ରଶାସନ ତରଫରୁ ପିଲାମାନଙ୍କୁ ମାଗଣାରେ ସ୍କୁଲ ବ୍ୟାଗ, ଟିଫିନ ବ୍ୟାଗ, ୟୁନିଫର୍ମ, ଟୁଥବ୍ରସ ଯୋଗାଇ ଦିଆଯାଉଛି। ଏହି ପଦକ୍ଷେପ ଯୋଗୁ ପାଖାପାଖି ୧୦୦ ପିଲା ପୁନର୍ବାର ସେମାନଙ୍କ ସ୍କୁଲକୁ ଫେରିପାରିଛନ୍ତି। ଏହା ବ୍ୟତୀତ ଜୋରଓ୍ବାଲଙ୍କ ନେତୃତ୍ୱରେ ମହିଳାଙ୍କୁ ସଶକ୍ତ କରିବା ଲାଗି ସ୍କୁଲପିଲାଙ୍କ ଡ୍ରେସ ଓ ପୋଲିସ ପୋଷାକ ତିଆରିରେ ନିଯୁକ୍ତ କରାଯାଇଛି।
