ବୁଗୁଡ଼ା,୩୦ା୭(ଡି.ଏନ୍.ଏ.): ଦଶମ ଶ୍ରେଣୀ ପରୀକ୍ଷା ଫଳ ପ୍ରକାଶନ ପରେ ପ୍ରାପ୍ତ ମାର୍କକୁ ନେଇ ଅସନ୍ତୁଷ୍ଟ ଥିବା ଛାତ୍ରୀଛାତ୍ର ଏବଂ ସି-କୋର୍ସ ବିଦ୍ୟାର୍ଥୀଙ୍କ ପରୀକ୍ଷା ଶୁକ୍ରବାର ବୁଗୁଡ଼ା ବ୍ଲକର ଏକ ମାତ୍ର କେନ୍ଦ୍ର ଶ୍ରୀ ବିରଞ୍ଚି ନାରାୟଣ ବାଳିକା ଉଚ୍ଚ ବିଦ୍ୟାଳୟରେ ଆରମ୍ଭ ହୋଇଯାଇଛି। ଉକ୍ତ କେନ୍ଦ୍ରରେ ୭୦ ପରୀକ୍ଷାର୍ଥୀଙ୍କ ମଧ୍ୟରୁ ୫୯ ଜଣ ପରୀକ୍ଷା ଦେଇଥିଲେ। ସେଥିମଧ୍ୟରୁ ୫ ଜଣ ରେଗୁଲାର, ୭ ଜଣ ଏକ୍ସ-ରେଗୁଲାର ଓ ୪୭ ଜଣ ସି-କୋର୍ସ ପରୀକ୍ଷାର୍ଥୀ ରହିଥିଲେ। ଏକ୍ସ-ରେଗୁଲାରର ଜଣେ ଓ ସି-କୋର୍ସର ୧୦ ଜଣ ପରୀକ୍ଷାର୍ଥୀ ଅନୁପସ୍ଥିତ ରହିଥିଲେ। ଉକ୍ତ ପରୀକ୍ଷା କେନ୍ଦ୍ରର ସୁପରିଟେଣ୍ଡେଣ୍ଟ ଦାୟିତ୍ୱରେ ପ୍ରଧାନଶିକ୍ଷକ ପ୍ରମୋଦ କୁମାର ମହାପାତ୍ର ଏବଂ ଡେପୁଟି ସୁପରିଟେଣ୍ଡେଣ୍ଟ ଦାୟିତ୍ୱରେ ରବିନ୍ଦ୍ର ନାଥ ବରିହା ରହିଥିଲା ବେଳେ ଏବିଇଓ ପ୍ରମୋଦ ଚନ୍ଦ୍ର ସେନାପତି ପର୍ଯ୍ୟବେକ୍ଷକ ରୂପେ ଯୋଗ ଦେଇଥିଲେ। ଏଥିସହ ମନୋଜ କୁମାର ପଟ୍ଟନାୟକ, ମଧୁସ୍ମିତା ପାତ୍ର, ସିନୁ ପାତ୍ର, ପ୍ରିୟଦର୍ଶିନୀ ଖାଡ଼ଙ୍ଗା, ସନ୍ତୋଷ ପାତ୍ର, ଲକ୍ଷ୍ମୀପ୍ରିୟା ବେହେରା ପ୍ରମୁଖ ଶିକ୍ଷୟିତ୍ରୀ/ଶିକ୍ଷକ କକ୍ଷ ନିରୀକ୍ଷକ ଭାବେ ନିଯୋଜିତ ଥିଲେ ।
ସୂଚନାଯୋଗ୍ୟ, ସମୁଦାୟ ସି-କୋର୍ସ ପରୀକ୍ଷାର୍ଥୀଙ୍କ ମଧ୍ୟରେ ଅଧିକାଂଶ ଆଶାକର୍ମୀ ଏବଂ ଜଣେ ଦିବ୍ୟାଙ୍ଗ ରହିଥିବା ଜଣାଯାଇଛି । ଆସନ୍ତା ଅଗଷ୍ଟ ୫ ତାରିଖ ପର୍ଯ୍ୟନ୍ତ ହେବାକୁ ଥିବା ଏହି ଯାଟ୍ରିକ ପରୀକ୍ଷା ଆଜି ଶାନ୍ତି ଶୃଙ୍ଖଳାର ସହ ସମ୍ପନ୍ନ ହୋଇଛି।
