ବରଗଡ଼ ଅଫିସ,୧୬।୧୦: ବରଗଡ଼ ଜିଲାରେ କରୋନା ଆକ୍ରାନ୍ତ ଏବଂ ମୃତକଙ୍କ ସଂଖ୍ୟା ବଢ଼ିବାରେ ଲାଗିଛି। କରୋନାରେ ଜିଲାର ଆଉ ଜଣେ ଆକ୍ରାନ୍ତଙ୍କ ଜୀବନ ଯାଇଛି। ଏ ନେଇ ଶୁକ୍ରବାର ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି। ମୃତକ ଜଣଙ୍କ ହେଲେ ୬୩ ବର୍ଷୀୟ ବୃଦ୍ଧ। ସେ ଡାଇବେଟିସ ଏବଂ ଉଚ୍ଚ ରକ୍ତଚାପରେ ମଧ୍ୟ ଆକ୍ରାନ୍ତ ଥିଲା ।
ସେହିପରି ଚିହ୍ନଟ ହୋଇଥିବା ୭୩ ନୂଆ ଆକ୍ରାନ୍ତଙ୍କ ମଧ୍ୟରେ ବରଗଡ଼ ପୌରାଞ୍ଚଳରୁ ୮ ରହିଥିବା ବେଳେ ବରଗଡ଼ ବ୍ଲକର ୮, ଅତାବିରା ବ୍ଳକର ୧୦, ସୋହେଲା ବ୍ଲକର ୩, ପଦ୍ମପୁର ବ୍ଲକର ୧୩, ପଦ୍ମପୁର ଏନ୍ଏସିର ୬, ବରପାଲି ବ୍ଳକର ୧, ବରପାଲି ଏନ୍ଏସିର ୨, ଭଟଲି ବ୍ଲକର ୩, ପାଇକମାଲ ବ୍ଲକର ୩, ଅମ୍ବାଭୋନା ବ୍ଳକର ୩, ବିଜେପୁର ବ୍ଲକର ୬, ଗାଇସିଲେଟ ବ୍ଲକର ୧, ଭେଡେନ ବ୍ଲକର ୫ଜଣ ଆକ୍ରାନ୍ତ ରହିଛନ୍ତି ।
ଏହାକୁ ମିଶାଇ ଜିଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୭୮୪୦ରେ ପହଞ୍ଚିଛି। ସେମାନଙ୍କ ମଧ୍ୟରୁ ୧୫ଜଣକର ମୃତ୍ୟୁ ଘଟିଥିବା ବେଳେ ୭୦୮୧ ଜଣ ସୁସ୍ଥ ହୋଇଛନ୍ତି। ଅନ୍ୟ ୭୪୪ ଜଣ ବିଭିନ୍ନ କୋଭିଡ୍ ହସ୍ପିଟାଲ ଏବଂ ହୋମ୍ ଆଇସୋଲେଶନରେ ରହି ଚିକିତ୍ସାଧୀନ ଅଛନ୍ତି। ଏ ନେଇ ଜିଲା ସୂଚନା ଓ ଲୋକସମ୍ପର୍କ ଅଧିକାରୀ କଲ୍ୟାଣୀ ଦାଶ ସୂଚନା ଦେଇଛନ୍ତି।
