ନୂଆଦିଲ୍ଲୀ,୧।୭: ଶୀତକାଳୀନ ପ୍ରଦୂଷଣର ମୁକାବିଲା ପାଇଁ ଦିଲ୍ଲୀ ସରକାର ଏକ ମାଷ୍ଟର ପ୍ଲାନ ଘୋଷଣା କରିଛନ୍ତି। ଏହି ଯୋଜନା ଅନୁଯାୟୀ, ନଭେମ୍ବର ୧ ରୁ ଫେବୃଆରୀ ୨୮ ପର୍ଯ୍ୟନ୍ତ ସ୍ଥିର ନିୟମାବଳୀ କାର୍ଯ୍ୟକାରୀ ହେବ। ଶୀତକାଳୀନ ପ୍ରଦୂଷଣର ମୁକାବିଲା ପାଇଁ ଦିଲ୍ଲୀ ଏକ ସ୍ଥାୟୀ ନୀତି ଗ୍ରହଣ କରିଛି; ଏଥିରେ ନଭେମ୍ବର ୧ ରୁ ଜାନୁଆରୀ ୩୧ପର୍ଯ୍ୟନ୍ତ ସିଭିଲ୍ ନିର୍ମାଣ କାର୍ଯ୍ୟକଳାପ ଉପରେ ନିଷେଧ ଅନ୍ତର୍ଭୁକ୍ତ। ଏହା ସହିତ, ନଭେମ୍ବର ୧ ରୁ, ୫୦% ଅଫିସ୍ କର୍ମଚାରୀଙ୍କ ପାଇଁ ‘ଘରରୁ କାମ’ ନିର୍ଦ୍ଦେଶ ଏବଂ ପାର୍କିଂ ଫି ଦ୍ୱିଗୁଣିତ କରିବାର ଏକ ନିୟମ କାର୍ଯ୍ୟକାରୀ ହେବ ।
ଦିଲ୍ଲୀ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି ଯେ ଶୀତ ଋତୁରେ ପ୍ରଦୂଷଣ ରୋକିବା ପାଇଁ ଦିଲ୍ଲୀ ସରକାର ପଦକ୍ଷେପ କଡ଼ାକଡ଼ି କରିଛନ୍ତି । ବୈଧ PUC (ପ୍ରଦୂଷଣ ନିୟନ୍ତ୍ରଣ) ପ୍ରମାଣପତ୍ର ନଥିବା ଯାନଗୁଡ଼ିକୁ ଇନ୍ଧନ ମନା କରାଯିବ ଏବଂ ଏହି ନିୟମ ବର୍ଷସାରା କାର୍ଯ୍ୟକାରୀ ହେବ । ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ଏହି ସୂଚନା ପ୍ରଦାନ କରିଛି । ମୁଖ୍ୟମନ୍ତ୍ରୀ ରେଖା ଗୁପ୍ତା ଜୋର ଦେଇଛନ୍ତି ଯେ ଦିଲ୍ଲୀକୁ ସ୍ୱଚ୍ଛ ଏବଂ ସୁସ୍ଥ ରଖିବା ପାଇଁ ସମସ୍ତଙ୍କ ଅଂଶଗ୍ରହଣ ଜରୁରୀ ।
ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା କହିଛନ୍ତି ଯେ ଶୀତ ଋତୁରେ ବାୟୁ ଗୁଣବତ୍ତା ଖରାପ ହୁଏ। ଗତ କିଛି ବର୍ଷର ତଥ୍ୟ ସୂଚାଇ ଦେଉଛି ଯେ ନଭେମ୍ବର ଏବଂ ଫେବୃଆରୀ ମଧ୍ୟରେ ପ୍ରଦୂଷଣ ସ୍ତର ବୃଦ୍ଧି ପାଏ। ମୁଖ୍ୟମନ୍ତ୍ରୀ କହିଛନ୍ତି ଯେ ଏହାକୁ ଧ୍ୟାନରେ ରଖି ଦିଲ୍ଲୀ ପାଇଁ ଏକ ସ୍ଥାୟୀ ସମାଧାନ ବାହାର କରାଯାଇଛି । ପ୍ରତିବର୍ଷ ଆଉ ପୃଥକ ନିର୍ଦ୍ଦେଶ ଜାରି କରିବାର ଆବଶ୍ୟକତା ରହିବ ନାହିଁ। ସେ ଆହୁରି କହିଛନ୍ତି ଯେ ଏକ ବିସ୍ତୃତ ଅଧ୍ୟୟନ ଏବଂ ବାୟୁ ଗୁଣବତ୍ତା ତଥ୍ୟ ଆଧାରରେ ଏହି ବିଜ୍ଞପ୍ତି ଜାରି କରାଯାଇଛି।
