ନୂଆଦିଲ୍ଲୀ,୧୨।୧୨: ପାନ୍ କାର୍ଡକୁ ଆଧାର ସହିତ ଲିଙ୍କ୍ କରିବା ଅନିବାର୍ଯ୍ୟ ବୋଲି ସରକାରଙ୍କ ପକ୍ଷରୁ କୁହାଯାଇଛି। ଅନେକ ଲୋକ ଏହାର ମହତ୍ତ୍ୱ ବୁଝି ଲିଙ୍କ୍ କରିଥିବା ବେଳେ ଅନେକ ଲୋକ ଏପରି କରିନାହାନ୍ତି। ସରକାରୀ ତଥ୍ୟ ଅନୁଯାୟୀ, ଦେଶରେ ୧୮ କୋଟି ପାନ କାର୍ଡଧାରୀ ଅଛନ୍ତ ଯେଉଁମାନଙ୍କର ଆଧାର ସଂଯୋଗ ନାହିଁ। ଏହିପରି ଲୋକଙ୍କ ପାଇଁ, ଏହି କାର୍ଯ୍ୟ କରିବାର ଶେଷ ତାରିଖ ହେଉଛି ୩୧ ମାର୍ଚ୍ଚ ୨୦୨୧। ଏତିକି ସମୟ ମଧ୍ୟରେ ଯଦି ସେମାନେ ଏହା କରିପାରିବେ ନାହିଁ, ତେବେ ତାଙ୍କୁ ୧୦ ହଜାର ଟଙ୍କା ଜରିମାନା ଦେବାକୁ ପଡ଼ିପାରେ।
ଯଦି ପାନ୍ -ଆଧାର କାର୍ଡ ଲିଙ୍କ ହୋଇନାହିଁ ତେବେ ନିଷ୍କ୍ରିୟ ହୋଇଯିବ ପାନ କାର୍ଡ:
ଟିକସ ବିଭାଗ ଅନୁଯାୟୀ, ୩୧ ମାର୍ଚ୍ଚ ୨୦୨୧ ପରେ ଯଦି କେହି ନିଷ୍କ୍ରିୟ ପାନ କାର୍ଡ ବ୍ୟବହାର କରୁଥିବା ଜଣାପଡେ, ତେବେ ଆୟକର ଅଧିନିୟମର ୨୭୨ବି ଅନୁଯାୟୀ ତାଙ୍କୁ ଦଶ ଟଙ୍କା ଜରିମାନା କରାଯାଇପାରେ। ୩୧ ମାର୍ଚ୍ଚ ପର୍ଯ୍ୟନ୍ତ ଟିକସଦାତାମାନେ ଯଦି ଆଧାର କାର୍ଡ ଲିଙ୍କ ନ କରନ୍ତି ତେବେ ପାନ କାର୍ଡ ନିଷ୍କ୍ରିୟ ହୋଇଯିବ।
ଏହି ଉପାୟରେ ପାନ୍-ଆଧାରକୁ ଲିଙ୍କ କରନ୍ତୁ:
ଯଦି ଆପଣ ଏପର୍ଯ୍ୟନ୍ତ ଆଧାରକୁ PAN ସହିତ ଲିଙ୍କ କରିନାହାଁନ୍ତି, ତେବେ https://www.incometaxindiaefiling.gov.in/ ୱେବସାଇଟକୁ ଯାଆନ୍ତୁ ଏବଂ ଲିଙ୍କ କରିବାକୁ ସବିଶେଷ ତଥ୍ୟ ପୁରଣ କରନ୍ତୁ। ପ୍ୟାନ ଏବଂ ଆଧାରକୁ ଯୋଡିବାର ଆଉ ଏକ ଉପାୟ ରହିଛି। ଏଥିପାଇଁ ଆପଣଙ୍କୁ ୫୬୭୬୭୮ କିମ୍ବା ୫୬୧୬୧କୁ ଏକ ମେସେଜ୍ ପଠାଇବାକୁ ପଡିବ । ଏହାକୁ ପଠାଇବାବେଳେ, ବାର୍ତ୍ତା କେବଳ ଏହି ଫର୍ମାଟରେ ଯିବା ଉଚିତ- UIDPAN୧୨digit ଆଧାର> ୧୦digitPAN>
