ସାଧାରଣତଃ ବିବାହ ସମାରୋହରେ ଯୋଗଦେବାକୁ ଯିବା ବେଳେ ଲୋକେ ପୋଷାକ ପରିଧାନ ଉପରେ ବିଶେଷ ଧ୍ୟାନ ଦିଅନ୍ତି। ଏଥିସହ ମନ ମୁତାବକ ଉପହାର ମଧ୍ୟ ନିଜେ ଚୟନ କରନ୍ତି। ହେଲେ ଏବେ ସୋସିଆଲ ମିଡିଆରେ ବିବାହର ଏଭଳି ଏକ ନିମନ୍ତ୍ରଣ ପତ୍ର ଭାଇରାଲ ହେଉଛି ଯାହାକୁ ଦେଖିଲେ ଆପଣ ଆଶ୍ଚର୍ଯ୍ୟ ହେବେ। କାରଣ ନିମନ୍ତ୍ରଣପତ୍ରରେ ବରବଧୂ ଅତିଥିଙ୍କ ପାଇଁ କିଛି ସର୍ତ୍ତ ରଖିଛନ୍ତି। ସେହି ଗାଇଡ୍ଲାଇନ୍ରେ ଅତିଥିମାନେ କ’ଣ କରିବେ ଏବଂ କ’ଣ ନ କରିବେ ତାହା କୁହାଯାଇଛି। ବିଶେଷକରି ବରବଧୂଙ୍କ ସହ କଥାବାର୍ତ୍ତା କରିବାକୁ କାହାରିକୁ ଅନୁମତି ଦିଆଯିବ ନାହିଁ। ଉପହାରସ୍ବରୂପ ସେମାନେ ୭୫ ଡଲାର ଅର୍ଥାତ ଭାରତୀୟ ମୁଦ୍ରାରେ ୫୫୦୦ ଟଙ୍କା ଦେବାକୁ ହେବ ବୋଲି କୁହାଯାଇଛି।
ଜଣେ ଓ୍ବେଡିଂ ପ୍ଲାନର ଉକ୍ତ ବିବାହରେ ଯୋଗଦେବାକୁ ଥିବା ସମସ୍ତ ଅତିଥି ବରବଧୂଙ୍କ ଖାସ୍ ଦିନରେ ସାମିଲ ହେବେ କି ନାହିଁ ତାହା ଜାଣିବାକୁ ଇମେଲ ପଠାଇଥିଲେ। ଏଥିରେ ସେ ବିବାହରେ ଯୋଗଦେବାକୁ ହେଲେ କିଛି ନିୟମ ପାଳନ କରିବାକୁ ହେବ ବୋଲି କହିଥିଲେ। ହେଲେ ଉକ୍ତ ନିୟମର ଅସାଧାରଣ ତାଲିକା ପଢ଼ି ସମସ୍ତେ ଚକିତ ହୋଇଯାଇଥିଲେ। ଏବେ ଏହା ଭାଇରାଲ ହେଉଛି।
ଇମେଲ୍ରେ ପ୍ଲାନର ଲେଖିଥିଲେ, ଶୁଭସକାଳ। ମୁଁ ସମସ୍ତ ଅତିଥିମାନଙ୍କର ଶେଷ ଗଣନା ପ୍ରସ୍ତୁତ କରୁଛି। ବିବାହରେ ଯୋଗଦେଉଥିବା ଲୋକଙ୍କ ପାଇଁ କିଛି ବିଶେଷ ନିୟମ ମଧ୍ୟ ପ୍ରସ୍ତୁତ କରାଯାଇଛି। ଆପଣମାନେ ଏକାକୀ ଆସୁଛନ୍ତି ନା ଅନ୍ୟ କେହି ଆପଣଙ୍କ ସହ ଆସିବେ ତାହା କୁହନ୍ତୁ ବୋଲି କହିଛନ୍ତି।
୧- ଦୟାକରି ୧୫-୩୦ ମିନିଟ୍ ପୂର୍ବରୁ ପହଞ୍ଚିବେ।
୨- ଦୟାକରି ଧଳା, କ୍ରିମ୍ କିମ୍ବା ହାତୀଦାନ୍ତ ପିନ୍ଧିବେ ନାହିଁ।
୩- ସମ୍ପୂର୍ଣ୍ଣ ଚେହେରାରେ ମେକ୍ଅପ୍ ଲଗାନ୍ତୁ ନାହିଁ।
୪-ସମାରୋହରେ ଭିଡିଓ କରିବେ ନାହିଁ।
୫-ନିର୍ଦ୍ଦେଶ ନ ଦେବା ପର୍ଯ୍ୟନ୍ତ ଫେସ୍ବୁକ୍ରେ ଚେକ୍ଇନ୍ କରନ୍ତୁ ନାହିଁ।
୬- ସମସ୍ତ ଫଟୋ ପୋଷ୍ଟ କରିବାବେଳେ #ଡିଲିଟ୍ ବ୍ୟବହାର କରନ୍ତୁ।
୭- ବଧୂଙ୍କ ସହ ଆଦୌ କଥା ହୁଅନ୍ତୁ ନାହିଁ।
୮-ସମସ୍ତ ରେମିଙ୍କ ସହ ଟୋଷ୍ଟ କରିବେ।
୯-ଶେଷରେ ୭୫ ଡଲାର କିମ୍ବା ତା’ଠାରୁ ଅଧକ ଉପହାର ସହ ଆସିବା ଆବଶ୍ୟକ। ନଚେତ ପ୍ରବେଶ କରିବାକୁ ଦିଆଯିବ ନାହିଁ।
୧୦- ବେଶିକ୍ ବବ୍ କିମ୍ବା ପୋନିଟେଲ୍ ଛଡ଼ା ଅନ୍ୟ କିଛି ପିନ୍ଧନ୍ତୁ ନାହିଁ।
ସୋସିଆଲ ମିଡିଆରେ ଏହି ନିୟମର ସୂଚି ଭାଇରାଲ ହେବା ପରେ ଲୋକେ ଭଳିକି ଭଳି ପ୍ରତିକ୍ରିୟା ଦେଉଛନ୍ତି। ଏଭଳି ବିବାହରେ ଯୋଗଦେବା ଅପେକ୍ଷା ବହିଷ୍କାର କରିବା ପସନ୍ଦ କରିବେ ବୋଲି ଜଣେ କହିଛନ୍ତି।
