ତେହେରାନ,୧୧।୬ : ଆମେରିକା ସହିତ ପରମାଣୁ ଚୁକ୍ତି ସଂପର୍କରେ ଇରାନର ସର୍ବୋଚ୍ଚ ନେତା ଅୟତୁଲ୍ଲା ଅଲି ଖାମେନି ଏକ ବଡ଼ ବିବୃତ୍ତି ଦେଇଛନ୍ତି। ପଶ୍ଚିମ ଦେଶ ସହ ଆଣବିକ ଚୁକ୍ତିରେ କିଛି ଭୁଲ ନାହିଁ ବୋଲି ସେ କହିଛନ୍ତି। ତେବେ ଇରାନର ଆଣବିକ ଶିଳ୍ପର ଭିତ୍ତିଭୂମି ସ୍ପର୍ଶ କରିବା ଉଚିତ ନୁହେଁ ବୋଲି ସେ ସର୍ତ୍ତ ରଖିଛନ୍ତି। ଖାମେନି ଏହା ମଧ୍ୟ କହିଛନ୍ତି ଧାର୍ମିକ ବିଶ୍ୱାସ ଯୋଗୁ ଇରାନ ଆଣବିକ ଅସ୍ତ୍ର ଚାହୁଁ ନାହିଁ, ନଚେତ ବିଶ୍ୱର କୌଣସି ଶକ୍ତି ଏହାକୁ ଆଣବିକ ଅସ୍ତ୍ର ତିଆରି କରିବାରେ ରୋକି ପାରିବେ ନାହିଁ। ଖାମେନିଙ୍କ ବିବୃତ୍ତି ନେଇ ଆମେରିକା ଏବଂ ଇସ୍ରାଏଲକୁ ଅଧିକ ଆଶ୍ୱସ୍ତି ମିଳିଛି। ଏହା ସତ୍ତ୍ୱେ ଉଭୟ ଦେଶ ଇରାନର ଆଣବିକ କାର୍ଯ୍ୟକ୍ରମକୁ ସନ୍ଦେହଜନକ ଦୃଷ୍ଟିରେ ଦେଖୁଛନ୍ତି।
ଖାମେନି ରବିବାର କହିଛନ୍ତି ୨୦୧୫ ପରମାଣୁ ଚୁକ୍ତି ପୁନରୁତ୍ଥାନ ପାଇଁ ପାଶ୍ଚାତ୍ୟ ଦେଶ ସହ ଇରାନ ଏବଂ ଆମେରିକା ମଧ୍ୟରେ ଏକ ଚୁକ୍ତି ସମ୍ଭବ। ଅବଶ୍ୟ, ଏହା ଇରାନର ଆଣବିକ ଭିତ୍ତିଭୂମିକୁ ଅକ୍ଷୁର୍ଣ୍ଣ ରଖିବା ଉଚିତ। ପାଶ୍ଚାତ୍ୟର ୬ ପ୍ରମୁଖ ଶକ୍ତି ସହିତ ଆଣବିକ ଚୁକ୍ତି ବଞ୍ଚାଇବାକୁ ଆମେରିକା ଏବଂ ଇରାନ ମଧ୍ୟରେ ପରୋକ୍ଷ ଆଲୋଚନା ସେପ୍ଟେମ୍ବରରୁ ଅଟକି ରହିଛି। ଉଭୟ ଇରାନ ଏବଂ ଆମେରିକା ପରସ୍ପରକୁ ଏକ ଚୁକ୍ତି ଅଧୀନରେ ଅଯୌକ୍ତିକ ଦାବି କରୁଥିବା ଅଭିଯୋଗ କରିଛନ୍ତି। ନିକଟରେ ଏକ ରିପୋର୍ଟ ପରେ ଖାମେନିଙ୍କ ବିବୃତ୍ତି ଆସିଛି ଯେଉଁଥିରେ କୁହାଯାଇଛି ଦୁଇ ଦେଶ ପରମାଣୁ ଚୁକ୍ତି ପାଇଁ ଅତି ନିକଟତର। ଏହି ଚୁକ୍ତିନାମା ଅନୁଯାୟୀ, ଇରାନ ପ୍ରତିବନ୍ଧକରୁ ମୁକ୍ତି ବଦଳରେ ଆଣବିକ କାର୍ଯ୍ୟକ୍ରମକୁ ବନ୍ଦ କରିବାକୁ ହେବ।
ଖାମେନି କହିଛନ୍ତି ଚୁକ୍ତିରେ ପାଶ୍ଚାତ୍ୟ ଦେଶର କିଛି ଭୁଲ ନାହିଁ। କିନ୍ତୁ ଆମର ଆଣବିକ ଶିଳ୍ପର ଭିତ୍ତିଭୂମି ସ୍ପର୍ଶ କରାଯିବା ଉଚିତ ନୁହେଁ। ବର୍ଷ ବର୍ଷ ଧରି ଇରାନର ସରକାରୀ ସ୍ଥିତିକୁ ଦୋହରାଇ ଖାମେନି କହିଛନ୍ତି ଇରାନ ଇସଲାମିକ ରିପବ୍ଲିକ ପରମାଣୁ ବୋମା ନିର୍ମାଣ କରିବାକୁ ଚେଷ୍ଟା କରି ନାହିଁ। ତେହେରାନ ଆଣବିକ ଅସ୍ତ୍ର ଖୋଜୁଥିବା ଅଭିଯୋଗ ମିଥ୍ୟା ଏବଂ ସେମାନେ ଏହା ଜାଣନ୍ତି। ଆମର ଧାର୍ମିକ ବିଶ୍ୱାସ ଯୋଗୁ ଆଣବିକ ଅସ୍ତ୍ର ଆମେ ଚାହୁଁ ନାହୁଁ। ନଚେତ ପାଶ୍ଚାତ୍ୟ ଦେଶ ଏହାକୁ ରୋକିବାରେ ସମର୍ଥ ହୋଇ ନ ଥାନ୍ତେ।
