ନୂଆଦିଲ୍ଲୀ,୧୬।୧୧: ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ ର କାର୍ଯ୍ୟସୂଚୀକୁ ଉତ୍ସାହର ସହିତ ଅପେକ୍ଷା କରିଛି। ଏହି ଟୁର୍ନାମେଣ୍ଟକୁ ପାକିସ୍ତାନ ଆୟୋଜନ କରିବାକୁ ଥିବା ବେଳେ ପାକିସ୍ତାନ କ୍ରିକେଟ ବୋର୍ଡ ଏଥିପାଇଁ ଜୋରଦାର ପ୍ରସ୍ତୁତି ଚଳାଇଛି। ଏସବୁ ମଧ୍ୟରେ ପାକିସ୍ତାନ କ୍ରିକେଟ ବୋର୍ଡ ନିକଟରେ ଏଭଳି କିଛି କରିଥଲା ଯାହାକୁ ନେଇ ଆଲୋଡ଼ନ ସୃଷ୍ଟି ହୋଇଥିଲା। ବୋର୍ଡ ଟୁର୍ନାମେଣ୍ଟର ଟ୍ରଫିକୁ ବିଭିନ୍ନ ସ୍ଥାନକୁ ନିଆଯିବ ବୋଲି କହିଥିଲା। ହେଲେ ଆଇସିସି ଏବେ ଏହାକୁ ନେଇ ବଡ଼ ନିଷ୍ପତ୍ତି ନେଇଛି।
ବିସିସିଆଇ ସଚିବ ଜୟ ଶାହା ପାକିସ୍ତାନ ଅଧିକୃତ କଶ୍ମୀରରେ ଟ୍ରଫି ବୁଲାଇବାକୁ ଏହି ପଦକ୍ଷେପକୁ ତୀବ୍ର ବିରୋଧ କରିଥିଲେ ଏବଂ ନିନ୍ଦା କରିଥିଲେ। ଏହି ଘଟଣା ପରେ ଆଇସିସି ପିସିବିକୁ ଚାମ୍ପିଅନ୍ସ ଟ୍ରଫିକୁ କୌଣସି ବିବାଦୀୟ ସ୍ଥାନକୁ ନେବାକୁ ଅନୁମତି ଦେବାକୁ ମନା କରିଦେଇଥିଲା। ଏଣୁ ଚାମ୍ପିଅନ୍ସ ଟ୍ରଫିର ଯାତ୍ରା ପିଓକେକୁ ହେବ ନାହିଁ। ଆଇସିସି ନୂତନ ସହରର ନାମ ଘୋଷଣା କରିଥିବା ବେଳେ ଏଥିରେ ପିଓକେର କୌଣସି ସହର ନାହିଁ।
ଆଇସିସିର ନୂତନ କାର୍ଯ୍ୟସୂଚୀ ଅନୁଯାୟୀ, ଚାମ୍ପିଅନ୍ସ ଟ୍ରଫି ୧୬ ନଭେମ୍ବରରେ ଇସଲାମାବାଦ, ୧୭ ନଭେମ୍ବରରେ ତକ୍ଷଶିଳା ଏବଂ ଖାନ୍ପୁର, ୧୮ ନଭେମ୍ବରରେ ଆବଟ୍ଟାବାଦ, ୧୯ ନଭେମ୍ବରରେ ମୁରେ, ୨୦ ନଭେମ୍ବରରେ ନାଥିଆ ଗଲି ଏବଂ ୨୨ ରୁ ୨୫ ନଭେମ୍ବରରେ କରାଚି ଯାତ୍ରା କରିବ। ଏହା ପରେ ବାକି ୭ ଟି ଦେଶକୁ ଟ୍ରଫି ପଠାଯିବ, ଯିଏ ଏହି ଟୁର୍ନାମେଣ୍ଟରେ ଖେଳବେ। ଏଥିରେ ଭାରତର ନାମ ମଧ୍ୟ ଅନ୍ତର୍ଭୁକ୍ତ ରହିଛି। ଚାମ୍ପିଅନ୍ସ ଟ୍ରଫି ଯାତ୍ରା ୧୫ ଜାନୁୟାରୀ ୨୦୦୫ ରୁ ୨୬ ଜାନୁୟାରୀ ୨୦୨୫ ପର୍ଯ୍ୟନ୍ତ ଭାରତରେ ଚାଲିବ, ଏହା ପରେ ଟ୍ରଫି ଆୟୋଜକ ପାକିସ୍ତାନକୁ ଫେରିଯିବ ।
ଆଇସିସି ଚାମ୍ପିଅନ୍ସ ଟ୍ରଫି ଯାତ୍ରା କାର୍ଯ୍ୟସୂଚୀ
୧୬ ନଭେମ୍ବର ଇସଲାମାବାଦ, ପାକିସ୍ଥାନ
୧୭ ନଭେମ୍ବର – ପାକିସ୍ତାନ ଟ୍ୟାକ୍ସିଲା ଏବଂ ଖାନପୁର
୧୮ ନଭେମ୍ବର ଆବୋଟାବାଦ, ପାକିସ୍ତାନ
୧୯ ନଭେମ୍ବର- ମୁରି, ପାକିସ୍ଥାନ
୨୦ ନଭେମ୍ବର- ନାଥିଆ ଗାଲି, ପାକିସ୍ଥାନ
୨୨ – ୨୫ ନଭେମ୍ବର – କରାଚି, ପାକିସ୍ଥାନ
୨୬ – ୨୮ ନଭେମ୍ବର – ଆଫଗାନିସ୍ତାନ
୧୦ – ୧୩ ଡିସେମ୍ବର – ବାଂଲାଦେଶ
୧୫ ୨୨ ଡିସେମ୍ବର ଦକ୍ଷିଣ ଆଫ୍ରିକା
୨୫ ଡିସେମ୍ବର ୫ ଜାନୁଆରୀ ଅଷ୍ଟ୍ରେଲିଆ
୬ ୧୧ ଜାନୁଆରୀ ନ୍ୟୁଜିଲ୍ୟାଣ୍ଡ
୧୨ ୧୪ ଜାନୁଆରୀ ଇଂଲଣ୍ଡ
୧୫ ୨୬ ଜାନୁଆରୀ ଭାରତ
୨୭ ଜାନୁଆରୀରୁ ପାକିସ୍ତାନ
