ଦୁବାଇ, ୨୧ା୧୨ (ପି.ଟି.)-ଅଷ୍ଟ୍ରେଲିଆ ବିପକ୍ଷ ସିରିଜ ଓପନରରେ ଭାରତ ହୁଏତ ଲଜ୍ଜାଜନକ ପରାଜୟ ବରଣ କରିଥାଇପାରେ ହେଲେ ଆଡିଲେଡ୍ଠାରେ ପ୍ରଥମ ଇନିଂସରେ ୭୪ରନ ସ୍କୋର କରିଥିବାରୁ ଭାରତୀୟ ଅଧିନାୟକ ବିରାଟ କୋହଲି ଶୀର୍ଷ ର଼୍ୟାଙ୍କିଙ୍ଗପ୍ରାପ୍ତ ଟେଷ୍ଟ ବ୍ୟାଟ୍ସମ୍ୟାନ ଷ୍ଟିଭ୍ ସ୍ମିଥ୍ଙ୍କ ନିକଟତର ହୋଇପାରିଛନ୍ତି। ଅର୍ଦ୍ଧଶତକ ହାସଲ କରିଥିବାରୁ କୋହଲି ୨ ପଏଣ୍ଟ ଅର୍ଜନ କରିଛନ୍ତି। ଫଳରେ ତାଙ୍କ ପଏଣ୍ଟ ସଂଖ୍ୟା ୮୮୮ରେ ପହଞ୍ଚତ୍ଛି। ସ୍ମିଥ୍ (୯୧୧) ଦୁଇଟି ଇନିଂସରେ ୧ ଓ ୧ ରନ କରିଥିବାରୁ ତାଙ୍କୁ ୧୦ପଏଣ୍ଟ ହରାଇବାକୁ ପଡ଼ିଛି। ଲୋ-ସ୍କୋରିଂ ମ୍ୟାଚରେ ମାର୍ନସ ଲାବୁସ୍କେନ୍ ୪୭ ଓ ୬ ରନ କରିଥିବାରୁ ସେ ତାଙ୍କ କ୍ୟାରିୟର ଶ୍ରେଷ୍ଠ ୮୩୯ ପଏଣ୍ଟରେ ପହଞ୍ଚତ୍ ପାରିଛନ୍ତି। ପ୍ଲେୟାର ଅଫ୍ ଦି ମ୍ୟାଚ ଅଷ୍ଟ୍ରେଲିଆ ଅଧିନାୟକ ଟିମ୍ ପେନ୍ ତାଙ୍କ ଅପରାଜିତ ୭୩ରନ ଇନିଂସ ପାଇଁ ୫୯୨ ପଏଣ୍ଟ ସହ ତାଙ୍କ କ୍ୟାରିୟରର ଶ୍ରେଷ୍ଠ ୩୩ତମ ସ୍ଥାନ ଅଧିକାର କରିଛନ୍ତି। ଅଷ୍ଟ୍ରଲିଆ ବିପକ୍ଷ ପ୍ରଥମ ଇନିଂସରେ ୪ ଉଇକେଟ ସଫଳତା ପାଇ ସ୍ପିନର ଆର. ଅଶ୍ୱିନ ବର୍ତ୍ତମାନ ଭାରତର ଟପ୍ ର଼୍ୟାଙ୍କିଙ୍ଗ ବୋଲର ହୋଇଛନ୍ତି। ପେସ୍ ବୋଲର ଯଶପ୍ରୀତ ବୁମ୍ରାଙ୍କୁ ଅତିକ୍ରମ କରି ସେ ୯ମ ସ୍ଥାନକୁ ଉନ୍ନୀତ ହୋଇଛନ୍ତି। ୭ ଉଇକେଟ ସଫଳତା ପାଇଁ ଅଷ୍ଟ୍ରେଲିଆ ଫାଷ୍ଟ ବୋଲର ପ୍ୟାଟ୍ କୁମିନ୍ସଙ୍କ ପଏଣ୍ଟ ସଂଖ୍ୟା ୯୦୪ରୁ ୯୧୦କୁ ବୃଦ୍ଧି ପାଇଛି। ଟେଷ୍ଟ ବୋଲିଂ ର଼୍ୟାଙ୍କିଙ୍ଗରେ ଦ୍ୱିତୀୟ ସ୍ଥାନରେ ଥିବା ଷ୍ଟୁଆର୍ଟ ବ୍ରଡଙ୍କଠାରୁ ତାଙ୍କ ପଏଣ୍ଟ ବ୍ୟବଧାନ ବୃଦ୍ଧି ପାଇଛି। ଆଡିଲେଡ୍ ଟେଷ୍ଟ ଖେଳି ନ ଥିବା ରବୀନ୍ଦ୍ର ଜାଡେଜା ଅଲରାଉଣ୍ଡର ତାଲିକାରେ ପୂର୍ବଭଳି ୩ ନମ୍ବର ସ୍ଥାନରେ ରହିଛନ୍ତି।
