ଆଇସିସିର ଗିରଫ ପରୱାନା

ଗତ ବର୍ଷ ଅକ୍ଟୋବର ୭ରେ ହମାସ୍‌ ଉଗ୍ରବାଦୀମାନେ ଇସ୍ରାଏଲ ସୀମା ମଧ୍ୟରେ ଆକ୍ରମଣ କରିଥିଲେ ଓ ଏଥିରେ ପାଖାପାଖି ବିଦେଶୀ ନାଗରିକଙ୍କ ସମେତ ୧୨୦୦ ଇସ୍ରାଏଲୀଙ୍କ ମୃତ୍ୟୁ ଘଟିଥିଲା। ଏହାର ଜବାବରେ ଇସ୍ରାଏଲ ଗାଜା ଉପରେ ଆକ୍ରମଣ କରିଥିଲା ଏବଂ ସେହି ଯୁଦ୍ଧ ଏବେ ମଧ୍ୟ ଜାରି ରହିଛି। ଆକ୍ରମଣରେ ଗାଜା ଏକ ପ୍ରକାର ଧ୍ୱଂସସ୍ତୂପ ପାଲଟିଯାଇଛି । ଏଥିରେ ମୋଟ ୩୫ ହଜାରରୁ ଊର୍ଦ୍ଧ୍ୱ ପାଲେଷ୍ଟି୍‌ନୀୟ ଓ ପାଖାପଖି ୧୫୦୦ ଇସ୍ରାଏଲୀଙ୍କର ମୃତ୍ୟୁ ଘଟିସାରିଲାଣି। ଏହି ଯୁଦ୍ଧର ଭୟାବହତା ଓ ହମାସ୍‌ ଆକ୍ରମଣର ବିଭିନ୍ନ ମାନବୀୟ ବିରୋଧୀ ଦିଗକୁ ଅନ୍ତର୍ଜାତୀୟ ଆପରାଧିକ ଅଦାଲତ (ଆଇସିସି) ବିଚାରକୁ ନେଇଥିଲା। ନିକଟରେ ବିଶ୍ୱର ଏହି ଶୀର୍ଷ ଅଦାଲତ ଯୁଦ୍ଧ ଅପରାଧରେ ସମ୍ପୃକ୍ତ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍‌ ନେତାନ୍ୟାହୁ, ପ୍ରତିରକ୍ଷା ମନ୍ତ୍ରୀ ୟୋଆଭ ଗାଲାଣ୍ଟ ଏବଂ ହମାସ୍‌ ନେତା ୟାହୟା ସିନ୍‌ଓ୍ବାର, ମହମ୍ମଦ ଡିଆବ୍‌ ଇବ୍ରାହିମ ଅଲ୍‌ ମିସ୍ରି ଓ ଇସ୍‌ମାଇଲ ହାନିୟେହଙ୍କ ବିେରୋଧରେ ଗିରଫ ପରଓ୍ବାନା ଜାରି କରିବା ଲାଗି ଏହାର ମୁଖ୍ୟ ପ୍ରସିକ୍ୟୁଟର କରିମ ଖାନ୍‌ ଆବେଦନ କରିଛନ୍ତି। ଏହି ଆକ୍ରମଣକୁ ଖାନ୍‌ ଯୁଦ୍ଧ ଅପରାଧ ଓ ମାନବ ଅଧିକାର ବିରୋଧରେ ଅପରାଧ ବୋଲି ଅଭିଯୋଗ ଆଣିଥିଲେ। ନେତାନ୍ୟାହୁ ଓ ଗାଲାଣ୍ଟଙ୍କ ବିରୋଧରେ ଯୁଦ୍ଧଜନିତ ଧ୍ୱଂସ, ଯୁଦ୍ଧ ପୀଡ଼ିତଙ୍କ ନିକଟରେ ରିଲିଫ ସହାୟତା ନ ପହଞ୍ଚାଇବା ଓ ଲୋକଙ୍କୁ ଭୋକରେ ରହିବାକୁ ଦେବା ଅଭିଯୋଗ କରାଯାଇଥିବାବେଳେ ହମାସ୍‌ ନେତାଙ୍କ ବିରୋଧରେ ହତ୍ୟା, ପଣବନ୍ଦୀ ଓ ବଳାକତ୍ାର ଆଦି ଅଭିଯୋଗ ହୋଇଛି। ବଡ଼ କଥା ହେଉଛି, ପ୍ରଥମ ଥର ପାଇଁ ଆମେରିକାର ଘନିଷ୍ଠ ସହଯୋଗୀ ନେତାନ୍ୟାହୁଙ୍କ ବିରୋଧରେ ଆଇସିସି ଗିରଫ ପରଓ୍ବାନ ଜାରି କରିବାକୁ ଆଗକୁ ବଢ଼ିଛି। ପ୍ରଥମେ, ଗତ ମାସ ଶେଷରେ ଆମେରିକାର ୧୨ ଜଣ ସିନେଟର ଆଇସିସିକୁ ଏକ ଚିଠି ପଠାଇ ନେତାନ୍ୟାହୁଙ୍କ ବିରୋଧରେ ଗିରଫ ପରଓ୍ବାନା ବିଚାର ଉପରେ ପ୍ରଶ୍ନ ଉଠାଇଥିଲେ। ଏମିତିକି ରାଷ୍ଟ୍ରପତି ଜୋ ବାଇଡେନ୍‌ ପ୍ରଶାସନ ଯୁଦ୍ଧ ଅପରାଧ ପାଇଁ ଇସ୍ରାଏଲ ଅଧିକାରୀଙ୍କୁ ଦାୟୀ ନ କରିବାକୁ ଆଇସିସି ଉପରେ ଚାପ ପକାଇବା ଖବର ଜାଣିବାକୁ ମିଳିଥିଲା। ସମ୍ପ୍ରତି ଆଇସିସି ଇସ୍ରାଏଲ ବିରୋଧରେ ଯୁଦ୍ଧ ଅପରାଧ ଆବେଦନକୁ ବାଇଡେନ୍‌ ପ୍ରତ୍ୟାଖ୍ୟାନ କରିଛନ୍ତି। ଇସ୍ରାଏଲ ଓ ହମାସ୍‌ଙ୍କୁ ତୁଳନାମତ୍କ ଦୃଷ୍ଟିରେ ଦେଖାଯାଇପାରିବ ନାହିଁ ବୋଲି କହିଛନ୍ତି। ଏଠାରେ ଉଲ୍ଲେଖଯୋଗ୍ୟ, ୟୁକ୍ରେନ୍‌ ଉପରେ ରୁଷିଆ ଆକ୍ରମଣ ପରେ ସେଠାରେ ମାନବତା ବିରୋଧୀ କାର୍ଯ୍ୟକଳାପ ତଥା ଶିଶୁ ଦେଶାନ୍ତର ଘଟଣାରେ ରୁଷିଆର ରାଷ୍ଟ୍ରପତି ଭ୍ଲାଡିମିର୍‌ ପୁଟିନ୍‌ଙ୍କ ବିରୋଧରେ ୧୭ ମାର୍ଚ୍ଚ ୨୦୨୩ରେ ଆଇସିସି ଗିରଫ ପରଓ୍ବାନା ଜାରି କରିଥିଲା। ଏହାକୁ ସେତେବେଳେ ବାଇଡେନ୍‌ ସ୍ବାଗତ କରିଥିଲେ। ଏହା ପୂର୍ବରୁ ଲିବ୍ୟାର ଏକଚ୍ଛତ୍ରବାଦୀ ନେତା ମୁଆମାର ଗଦ୍ଦାଫି, ଉଗାଣ୍ଡାର ବିଦ୍ରେହୀ ନେତା ଜୋଶେଫ କୋନି, ସୁଦାନର ପୂର୍ବତନ ରାଷ୍ଟ୍ରପତି ଓମାର-ଅଲ୍‌-ବଶିର, କେନିଆର ରାଷ୍ଟ୍ରପତି ଉହୁର କେନ୍ୟାଟ୍ଟା, ଆଇଭରି କୋଷ୍ଟ୍‌ର ରାଷ୍ଟ୍ରପତି ଲୌରେଣ୍ଟ ଗବାଗ୍‌ବୋଙ୍କୁ ମାନବତା ବିରୋଧୀ କାର୍ଯ୍ୟ ଲାଗି ଆଇସିସି ତରଫରୁ ଦୋଷୀ କରାଯାଇଥିଲା। କିନ୍ତୁ ଆଇସିସିର କୌଣସି ପୋଲିସ ବାହିନୀ ନ ଥିବାରୁ ଏହିସବୁ ଗିରଫ ପରଓ୍ବାନା କାର୍ଯ୍ୟକାରୀ ହୋଇପାରି ନ ଥିଲା। କିନ୍ତୁ ସାମ୍ପ୍ରତିକ ପରିସ୍ଥିତିରେ ଆଇସିସିର ବିଚାର ପ୍ରତି ଆମେରିକାର କଠୋର ମନୋଭାବ ଯାହାକି ରାଷ୍ଟ୍ରପତିଙ୍କ ତରଫରୁ ଜଣାପଡ଼ିଛି, ତାହା ମଧ୍ୟପ୍ରାଚ୍ୟରେ ଶାନ୍ତି ଆଣିବାରେ ବାଧକ ହେବ। ଏହା ମଧ୍ୟ ଶାନ୍ତି ପ୍ରତିଷ୍ଠାରେ ବୈଶ୍ୱିକ ଭାଗୀଦାରି ମୂଲ୍ୟବୋଧ ଅଧୋଗତିର କାରଣ ହେବ।
ଉଲ୍ଲେଖନୀୟ ଯେ, ନେଦରଲାଣ୍ଡସ୍‌ର ହଗ୍‌ ସ୍ଥିତ ଆଇସିସିରେ ୧୨୪ ଦେଶ ସଦସ୍ୟ ରହିଛନ୍ତି। ଏହି ଆନ୍ତଃ ସରକାରୀ ସଂସ୍ଥା ତଥା ଅନ୍ତର୍ଜାତୀୟ ଟ୍ରିବ୍ୟୁନାଲ ଗଣହତ୍ୟା, ଯୁଦ୍ଧ ଅପରାଧ, ମାନବତା ବିରୋଧରେ ଅପରାଧ ଓ ହିଂସାଜନିତ ଅପରାଧର ତଦନ୍ତକରି ପଦକ୍ଷେପ ନେଇଥାଏ। ବର୍ତ୍ତମାନ ଇସ୍ରାଏଲର ଆକ୍ରମଣ ଓ ହମାସ୍‌ ଆକ୍ରମଣକୁ ସମାନ ଭାବେ ଯୁଦ୍ଧ ଅପରାଧ ଶ୍ରେଣୀଭୁକ୍ତକରି ଉଭୟ ପକ୍ଷର ନେତାମାନଙ୍କ ବିରୋଧରେ ଗିରଫ ପରଓ୍ବାନା ଜାରି ପାଇଁ ଆବେଦନ କରିବା ଏକ ନିରକ୍ଷେପ ପଦକ୍ଷେପ ଭାବେ ସ୍ବାଗତଯୋଗ୍ୟ ମନେହେଉଛି। ତଥାପି ମଧ୍ୟପ୍ରାଚ୍ୟର ପରିସ୍ଥିତି ଦେଖିଲେ ସେଠାରେ ସାମ୍ପ୍ରତିକ ଅଶାନ୍ତ ପରିବେଶ ଭଳି ବାତାବରଣ ସବୁବେଳେ ଲାଗି ରହୁଛି। ଭବିଷ୍ୟତରେ ମଧ୍ୟ ତାହା ଅନୁରୂପ ଭାବେ ହେବ ବୋଲି ଆଶଙ୍କା କରାଯାଇପାରେ। ଏହାର ପ୍ରତିକାର କେହି ଜାଣି ନ ଥିବା ଭଳି ମନେହେଉଛି।


Enter your email to get our daily news in your inbox.

All Right Reserved By Dharitri.Com

ନୂଆ କ୍ୟାବିନେଟ୍‌

ଭାରତର ନୂତନ ସରକାରର ନୂଆ କ୍ୟାବିନେଟ୍‌ ଏକ ପୁରୁଣା କ୍ୟାବିନେଟ୍‌। ଏଥିରେ ସ୍ବରାଷ୍ଟ୍ର, ଅର୍ଥ, ବୈଦେଶିକ ଏବଂ ପ୍ରତିରକ୍ଷା ମନ୍ତ୍ରୀମାନେ ପୂର୍ବଭଳି ରହିଛନ୍ତି। ଏହି ୪ଜଣଙ୍କୁ...

ଏଇ ଭାରତରେ

ଏମିତି ଏକ ପଦକ୍ଷେପ, ଯେଉଁଥିରେ ଘରକୁ ଥଣ୍ଡା ରଖାଯାଉଛି। ବାସ୍ତବରେ ଗ୍ରୀଷ୍ମ ପ୍ରବାହ ଓ ଗୁଳୁଗୁଳିରୁ ମୁକ୍ତି ପାଇବାରେ ଏହା ଏକ ପ୍ରଶଂସନୀୟ କାର୍ଯ୍ୟ। ଗୁଜରାଟ...

ସୁଖ, ଶାନ୍ତି ପାଇବାର ପଥ

ଡ. ଭାରତ ଭୂଷଣ ରଥ ସାଧାରଣତଃ ଦୁଇଟି ପ୍ରମୁଖ ତତ୍ତ୍ୱକୁ ନେଇ ପ୍ରାଣୀ ବଞ୍ଚତ୍ରହେ। ଗୋଟିଏ ହେଉଛି ଆତ୍ମା ଅନ୍ୟଟି ଶରୀର। ଆତ୍ମାର ଅବସ୍ଥିତି ପାଇଁ...

କୁପୋଷଣରୁ ମୁକ୍ତି ଯଥେଷ୍ଟ ନୁହେଁ

ଶୈଳେନ୍ଦ୍ର ଦିବେଦୀ ପାଠକେ, କୁପୋଷଣ ଏବଂ କ୍ଷୁଧା ବାବଦରେ ଆଲୋଚନା କଲାବେଳେ ଉପକ୍ରମର ଆବଶ୍ୟକତା ନାହିଁ, କାରଣ ଉତ୍ତର-ଆଧୁନିକ କାଳରେ ଉଭୟ ଆମ ସଭିଙ୍କ ପାଇଁ...

Dillip Cherian

ମେଣ୍ଟ ଗତିଶୀଳତା

ମେଣ୍ଟ ଧର୍ମର ପ୍ରବେଶ ସହିତ ରାଜନୈତିକ ଗତିଶୀଳତା ବଦଳିଛି ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏନ୍‌ଡିଏ ସରକାରର ମୁଖ୍ୟ ଭାବରେ ତାଙ୍କର ତୃତୀୟ କାର୍ଯ୍ୟକାଳ ଆରମ୍ଭ...

କନ୍ୟା ଦାନ ମହାପୁଣ୍ୟ

ଏକମାତ୍ର ଝିଅର ବାହାଘର ସ୍ଥିର ହୋଇଯାଇଥାଏ। ତାହା ପୁଣି ଅକ୍ଷୟ ତୃତୀୟା ଦିନ। ବୟୋଜ୍ୟେଷ୍ଠ ଲୋକମାନେ କହିଲେ, ‘ଅକ୍ଷୟ ତୃତୀୟାରେ ଝିଅ ବାହାଘର ଭାଗ୍ୟରେ ଥିଲେ...

‘ବାଉଁଶ ଅଗରେ ଧାନ…’

ପାନ ହେଉଛି ଓଡ଼ିଆର ପ୍ରାଣ। ପ୍ରାଚୀନ ଓଡ଼ିଶାରୁ ପାନର ସୃଷ୍ଟି ଆଉ ଏହା ଆମ ସଂସ୍କୃତି ସହ ନିବିଡ଼ ହୋଇ ରହିଛି- କାହିଁ କେଉଁକାଳରୁ। ଏମିତି...

ଅନ୍ତର୍ଜାତୀୟ ସହଯୋଗ ଲୋଡ଼ା

ତିନିବର୍ଷ ମଧ୍ୟରେ ପ୍ରଥମ ଥର ପାଇଁ ବୈଶ୍ୱିକ ଅଭିବୃଦ୍ଧି ସ୍ଥିର ରହିବା, ୩ବର୍ଷ ମଧ୍ୟରେ ମୁଦ୍ରାସ୍ଫୀତି ନିମ୍ନରେ ପହଞ୍ଚିବା ଏବଂ ବିତ୍ତୀୟ ଅବସ୍ଥା ଅଧିକ ଭଲ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri